Coca Cola Суперлигасининг 26-туридан ўрин олган баҳсда жамоамиз ўз майдонида “Қўқон-1912” клубини қабул қилади.
Миллий чемпионатларимиз тарихида ушбу жамоалар шу кунгача жами 31 марта бир-бирларига рўбарў келишган.
Устунлик “Навбаҳор” томонида – 17 та ғалаба. Қўқонликлар 7 та ўйинда зафар қучишган бўлса, 7 та учрашувда дуранг натижа қайд этилган.
Тўплар нисбатидаги устунлик “лочинлар” томонида: 58-33.
Наманганликлар ўзаро ўйинларда 58, қўқонликлар эса эса 28 очкони қўлга киритишган.
Ушбу клублар ўртасидаги баҳсларда энг йирик ҳисоб 2 марта қайд этилган. “Навбаҳор” 2003 ва 2016 йиллар мавсумининг Наманганда ўтказилган ўйинларида “Қўқон - 1912”ни 5:1 ҳисобида мағлубиятга учратган.
Мазкур жамоаларнинг шу кунгача Наманганда бўлиб ўтган 15 та баҳсидан 12 тасида мезбонлар ғалаба қозонишган бўлса (2 та ўйин маълум сабабларга кўра, Тошкентда ўтказилган ва унда “Навбаҳор” номинал мезбон бўлган), 1 та ўйинда қўқонликлар зафар қучишган, 5 та учрашувда эса дуранг натижа қайд этилган. Тўплар нисбатидаги устунлик “Навбаҳор” тарафида – 37:15.
Таъкидлаш жоизки, “Қўқон - 1912” “лочинлар”ни меҳмон сифатида мағлубиятга учратган ўйин 2020 йили COVID – 2019 пандемияси боис, Coca Cola Суперлига баҳсларининг 10-13-турлари пойтахтимизда ўтказилган пайтда, Тошкентдаги “Жар” стадионида бўлиб ўтган ҳамда унда қўқонликлар тажрибали ҳимоячи Мурод Холмуҳаммедовнинг учрашувнинг ҳакам томонидан қўшиб берилган вақтида пенальтидан урган голи эвазига 1:0 ҳисобида зафар қучишганди.
Факт: “Қўқон-1912” Намангандаги “Марказий” стадионида ҳали “Навбаҳор” устидан ғалаба қозона олмаган.
Ушбу клубларнинг 1-даврада Яйпандаги “Ўзбекистон” ўйингоҳида бўлиб ўтган учрашувида (ўша ўйинда қўқонликлар номинал мезбон сифатида майдонга тушишганди) “лочинлар” Азимжон Аҳмедов ва Сардор Теляковнинг голлари эвазига 2:1 ҳисобида зафар қучишганди.
Мазкур жамоалар ўртасидаги ўйинларда қайд этилган барча натижалар:
1992 йил
“Навбаҳор” – “Темирйўлчи” – 2:0
“Темирйўлчи” – “Навбаҳор” – 1:0
1993 йил
“Темирйўлчи” – “Навбаҳор” – 1:1
“Навбаҳор” – “Темирйўлчи” – 2:1
1994 йил
“Темирйўлчи” – “Навбаҳор” – 2:1
“Навбаҳор” – “Темирйўлчи” - 1:0
1995 йил
“Темирйўлчи” – “Навбаҳор” – 0:2
“Навбаҳор” – “Темирйўлчи” - 4:1
1998 йил
“Темирйўлчи” – “Навбаҳор” – 1:1
“Навбаҳор” – “Темирйўлчи” - 4:2
1999 йил
“Темирйўлчи” – “Навбаҳор” – 3:2
“Навбаҳор” – “Темирйўлчи” – 2:1
2000 йил
“Темирйўлчи” – “Навбаҳор” – 1:4
“Навбаҳор” – “Темирйўлчи” – 5:4
2002 йил
“Навбаҳор” – “Қўқон-1912” – 2:0
“Қўқон - 1912” – “Навбаҳор” – 1:0
2003 йил
“Навбаҳор” – “Қўқон-1912” – 5:1
“Қўқон - 1912” – “Навбаҳор” – 1:2
2015 йил
“Қўқон - 1912” – “Навбаҳор” – 0:1
“Навбаҳор” – “Қўқон-1912” – 2:1
2016 йил
“Навбаҳор” – “Қўқон-1912” – 5:1
“Қўқон - 1912” – “Навбаҳор” – 1:1
2017 йил
“Навбаҳор” – “Қўқон-1912” – 1:1.
“Қўқон - 1912” – “Навбаҳор” – 2:0
2018 йил
“Қўқон - 1912” – “Навбаҳор” - 1:0
“Навбаҳор” – “Қўқон - 1912” – 3:0
2019 йил
“Навбаҳор” – “Қўқон - 1912” – 1:1
“Қўқон - 1912” – “Навбаҳор” – 1:1
2020 йил
“Навбаҳор” – “Қўқон - 1912” – 0:1
“Қўқон - 1912” – “Навбаҳор” – 1:1
2021 йил
“Қўқон - 1912” – “Навбаҳор” – 1:2.
Эслатиб ўтамиз, Coca Cola Суперлига 26-туридан ўрин олган “Навбаҳор” - “Қўқон - 1912” учрашуви 27 ноябрь куни Намангандаги “Марказий” стадионида соат 15:00да старт олади.
“Навбаҳор” ПФК матбуот хизмати.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
