Бир неча кун олдин Лео ўзининг еттинчи “Олтин тўп”ини олди. Аргентиналик бунга лойиқ эканлигига ҳамма ҳам рози эмас, лекин танлов қабул қилинган ва бу ўзгармайди. “Барселона”дан ПСЖга ўтиш Мессига фойда бермади. Унинг ёнида Неймар каби дўсти, жамоадошлари ва иқтидорли Мбаппе ўйнаётганига қарамай, Лео тезда таслим бўлди. “Stadion.uz” нашри Мессининг Парижда ўз маҳоратини намойиш этишига тўсқинлик қилаётган сабабларни аниқлашга ҳаракат қилиб кўради.
2021/22 йилги мавсум “Барселона” учун оғир кечди: пандемия туфайли молиявий муаммолар, банкротлик хавфи, футболчилар ва мураббийларнинг муваффақиятсиз трансферлари. Бу муаммоларга қарамай, Месси ўз жамоасини судраб боришда давом этди. “Кўк-анорранглилар” Испания кубогини қўлга киритди ва Ла Лигада учинчи ўринни эгаллаб, энг сермаҳсул жамоага айланди. “Барса” 85 та гол урган, шундан 30 таси Месси ҳисобига ёзилади. Ўтган мавсумда каталонияликлар сўнгги 15 йилдаги энг ёмон таркибга эга бўлишди, аммо аргентиналик шубҳаланишга асос бермади. У бари-бир дунёдаги асосий футбол иқтидориларидан бири бўлиб қолди.
Парижга кўчиб ўтиш билан Лео аччиқланди. Бу нафақат ПСЖ ўйинларини томоша қилишдаги сенсациялардан сезилади, балки рақамлар бу ҳақиқатни тасдиқлайди. Месси парижликлар сафида 11 та учрашувда 4 та гол урди. Аргентиналик футболчи “Барса”да ҳар бир ўйинда ўртача 4,2 та дарвоза томон зарба йўллаган бўлса, янги клубида - 3,4. Нишонга аниқ етиб борган зарбалар ҳам сезиларли даражада камайди - 64,5% дан 47,3% гача. “Барса”да ҳар бир ўйинда ўртача тегинишлар сони 95,5 тани ташкил этган бўлса, ҳозир бу кўрсаткич 85,8 ни ташкил қилмоқда. Энди муваффақиятли зарбалар икки ярим баравар кам. Аммо, Ла Лигада рақиблар Лига 1 чемпионатидан кучлироқ эди.
Месси ҳужумда тажовузкор ва шижоатли ўйнашдан қўрқмади, аммо ПСЖда у тўқнашувлардан қочади. Лео тажрибали футболчи ва мослашишда ҳеч қандай муаммо бўлмаслиги керак. Қолаверса, у ўзи биладиган футболчилар ўйнайдиган клубга келди: Аргентина терма жамоасининг жамоадошлари Анхел ди Мария ва Леандро Паредес, бош мураббий Маурисио Почеттино ҳам аргентиналик, Неймар ва Рафинья эса “Барса”даги эски шериклари ҳисобланади. Серхио Рамос, Серхио Рико, Кейлор Навас ва Хуан Бернат билан “Олтин тўп”нинг етти карра ғолиби дўст бўлмагандир, лекин Испания чемпионатида тез-тез учрашиб туришарди. Мессининг бундай жамоа билан муваффақиятга эриша олмагани ажабланарли.
Лео аллақачон 34 ёшда ва ҳамма нарсани ёшга боғлаш мумкин, аммо муаммо бошқача - масала.
“Мен “Барса”ни соғиндим. Машғулот базаси, кийиниш хонаси ва тартиб”, - деди Месси. - Мен “Барселона” спорт директори бўлишни хоҳлайман. Мен бу клубни яхши кўраман”.
Бу аргентиналикнинг яна бир эътирофи. Лео ҳатто Роналдуга қарши учрашувларни соғинишини ҳам айтиб ўтган. Мессининг Каталонияга қайтиш истаги борлиги аниқ.
Леонинг ПСЖнинг амбициялари ҳақида қайғурмаслигидан унинг жамоаси ЖЧга чиқиш имкониятини деярли кафолатланган бир пайтда Аргентина терма жамоаси жойлашган жойидан даволанмаган жароҳат олиб кетгани ҳам далолат беради. Парижликлар ўз юлдузларини қолишга ва даволанишга кўндиришди, аммо Лео қулоқ солмади. У “Барселона” билан қўлидан келган ҳамма нарсани ютди ва энди уни ПСЖ билан ҳам ҳамма нарсани ютиш қизиқтирмайди. 2021 йилда уни рағбатлантирган ягона нарса Аргентина терма жамоаси бўлиб, у билан якунда Лео кубокни қўлга киритди. Келгуси йил жаҳон чемпионати бўлиб ўтади ва Месси жаҳон чемпионатига жароҳатларсиз бора олса, ПСЖ учун ўйинларни ёндириб ташламайди, деган тахминлар ҳам бор.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
