Хабар бериб ўтганимиздек, Ўзбекистон бокс федерацияси ҳакамлар ва мусобақа расмийлари фаолиятини ривожлантиришга бағишланган янги стратегия ишлаб чиқди. Ушбу лойиҳа доирасида ҳакамлик бўйича танлов эълон қилинди, юртимизга AIBAнинг тажрибали инструкторлари таклиф қилинди, шунингдек, Ўзбекистон чемпионатида ишлаш учун барча қитъадан 8 нафар уч юлдузли ҳакамлар юртимизга етиб келишмоқда.
Бугун мазкур стратегия доирасида ҳакамлар учун катта семинар ташкил этилди. Тадбирни Ўзбекистон бокс федерацияси бош котиби Муроджон Мамадалиев очиб берди. Бош котиб ўз чиқишида ҳакамликни ривожлантириш долзарб масала эканлиги, ушбу йўналишни ривожлантирмай туриб, ёш ва истеъдодли боксчиларни селекция қилиб бўлмаслиги ҳақида гапирди.
Шундан сўнг, Ўзбекистон бокс федерацияси халқаро муносабатлар бўлими бошлиғи Шоҳид Тиллабоев ҳакамлар фаолиятини ривожлантиришга оид стратегия мазмуни билан тушунтирди. У шунингдек, бугунги семинарни олиб бориш учун юртимизга келган AIBAнинг тажрибали инструкторлари Эндрю Коулфильд (Шотландия) ва Игорь Билецкий (Украина)ни таништирди. Шунингдек, ҳакамлик йўналишини ривожлантириш стратегиясидаги лойиҳалар ҳақида гапириб берди.
Шундан сўнг семинар инструкторлари сўзга чиқиб, ташкил этилаётган семинар бўйича ўз режалари ҳақида гапириб ўтишди.
Сўнгра Шоҳид Тиллабоев томонидан стратегия тақдимоти иштирокчиларга намойиш этилди. Унда йўлга қўйилаётган тизим, ишни олиб бориш ва бошқа масалалар тушунтириб берилди.
Унга кўра, эндиликда бокс ҳакамлари учун "TOP-10" рейтинг тизими шакллантирилади. Ушбу рейтинг айни пайтда юртимизда бўлиб турган нейтрал, ҳорижий инструкторлар томонидан тузилади. Семинардаги имтиҳон якунлари ва Ўзбекистон чемпионатидаги иштирокига қараб, ҳакамлар учун рейтинг шакллантирилади. Энг кучли ўн нафар рефери эса Ўзбекистон бокс федерацияси томонидан рағбатлантириб турилади. Шунингдек, халқаро мусобақаларда ишлаш имкониятига эга бўлади.
Бундан ташқари, жанг натижасини баҳолашда атайин ноҳолисликка йўл қўйган ҳакамларга нисбатан чоралар кучайтирилиши алоҳида қайд этилди.
Шотландиялик Эндрю Коулфильднинг маърузаси орқали ўзбекистонлик ҳакамлар ўзлари учун зарур ва қимматли бўлган маълумотларни олишди.
Семинар эртага ҳам давом эттирилади. Унда иштирокчилар учун имтиҳонлар ҳам ташкил этилиши режалаштирилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
