Кеча “Манчестер Юнайтед” “Кристал Пэлас”га қарши баҳс олиб бориб, 1:0 ҳисобида ғалаба қозонди. Гарчи, Рангник шогирдлари 3 очкони қўлга киритган бўлса-да, ҳамон “қизил иблислар”нинг ўйинида ўзгариш йўқ ва қандайдир ишончсиз тарзда ҳаракат қилмоқда.
Сер Алекс Фергюсон ва клуб афсоналари ҳам ўз севимлиларининг кўрсатаётган ўйинидан норози. Улар чемпионликка ҳаракат қилмаётган жамоанинг ўйинига кескин тарзда эътироз билдирмоқда. Премьер-лиганинг етти карра ғолиби Рой Кин севимли клубининг ҳолатига муносабатини билдириб ўтди:
“Мактоминай ва Фред “Манчестер Юнайтед”нинг ўрта чизиғида ўйнашар экан, улар катта совринларни қўлга кирита олмайди. Бундай ўйинчилар билан “Ман Сити” билан фарқни йўқотиб бўлмайди. Умуман имконият йўқ”.
Рангник учун “асал ойи” бошланди. “Манчестер Юнайтед” мухлислари ва хўжайинларининг босими бир мунча вақт юқори бўлади. Бироқ, кўпчилик немис мутахассиси келишини ҳам МЮ ўйинига катта таъсир ўтказишига ишонмайди. Сабаби, “қизил иблислар” таркибида жамоага мос бўлмаган ўйинчилар бор. Ҳозир эса айнан шу ҳақида суҳбатлашамиз.
Фред (яримҳимоячи, 28 ёш)
Фернандес ҳақли равишда ҳазиллашди. Фреднинг йилда бир ёки икки марта гол уради, аммо бразилиялик ушбу голларни жуда мҳим пайтда киритади. Фред ажойиб яримҳимоячи, лекин “Манчестер Юнайтед” учун эмас, балки “Шахтёр” учун. Бутун мавсумни “Арсенал”га ёки “Кристал Пэлас”га қарши баҳсларда гол уриш орқали муваффақиятли ддеб бўлмайди. Унинг Премьер-лигадаги бутун фаолияти давомида атиги 4 та гол бор. Унинг урган голлари ўз йўлига, аммо Кин ҳақ, бразилияликнинг савияси Премьер-лига чемпионлиги учун курашадиган жамоага мос эмас.
Гарри Магуайр (марказий ҳимоячи, 28 ёш)
Футбол тарихидаги энг қиммат марказий ҳимоячи. Британияликлар футболчилар учун ортиқча пул тўлашни яхши кўришларига яна бир мисол. Эҳтимол, биз клуб менежерларининг қобилиятсизлиги бунга сабаб бўлар. Ван Дейкни сотиб олмоқчи бўлган Гвардиола Диасни сотиб олган жойда эса “қизил иблислар” Магуайрга пул тикишди. Европа чемпионати каби қисқа турнир яхши ўйнаши мумкин. Аммо Гарри беқарор ва кулгули хатоларга мойил. Бундай марказий ҳимоячи билан Англия чемпиони бўлиш қийин.
Скотт Мактоминай (яримҳимоячи, 24 ёш)
Шунчаки, бу футболчи яхши ўйнай олмаяпти. Имкониятларни қандай яратишни билмайди. Мактоминай меҳнатсевар йигит, лекин унга тажриба етишмайди. Скотт тезда қарор чиқаришга қийналади ва имкониятни қўлдан бош беради. Рақибнинг даражаси қанчалик баланд бўлса, у шунчалик тез-тез хато қилади.
Антони Марсьял (хужумчи, 25)
Антони эндигина йигирма беш ёшда. Бунга ишониш қийин, чунки у ҳам динозаврлар даврида ўйнаганга ўхшайди. Аммо жиддийроқ айтадиган бўлсак, Марсьял “Вест Хэм” ёки “Лестер” учун муносиб футболчи, аммо “Манчестер Юнайтед”да ўйнаши ғалати ҳолат. У Премьер-лигада мавсум давомида ўртача атиги 8,6 та дарвоза томон зарба йўллаган. Энг яхши мавсум бир мавсумда 7 та гол. Салоҳ бир ярим ой ичида шунча гол урди.
Донни ван де Бек (яримҳимоячи, 24 ёш)
МЮнинг энг омадсиз харидларидан бири. Эҳтимол Сульшер уни омадсизга айлантиргандир. Донни Рангник тузадиган жамоага тушадиган футболчига ўхшаб кўриниши аниқ ва Ральф унга ишонишни мумкин. Аммо голландияликнинг ўзи жамоадан жуда ҳам норози. У Манчестерда ўзини ноқулай ҳис қилмоқда. Бундай шароитда янги клуб ҳақида ўйлаш ва ўз омадини бошқа жойдан қидиришдан осонроқ вариант йўқ..
Алекс Теллес (ҳимоячи, 28 ёш)
“Манчестер Юнайтед” футболчини бор-йўғи 15 миллион еврога сотиб олди, бироқ улар бразилиялик жамоага нима бера олиши ҳақида аниқ тушунчага эга эмас эди. Алекс ҳар доим битта ўйинда ёниб туриши мумкин, аммо муҳим баҳсларда унинг даражаси кўриниб қолади. Теллеснинг Чемпионлар лигаси ярим финали қаҳрамонига айланишини тасаввур қилишнинг деярли имкони йўқ. Бразилияликка тажриба етишмаяпти.
Жесси Лингард (вингер, 28 ёш)
Жесси Лингард алоҳида масала. У кўп ҳоллларда жуда ҳам зўр ўйнайди. Баъзида эса унинг ўйинига тушиниш қийин. Аслида, шу нарсага клубнинг ўзи сабабчи. Жесси футбол оламига қандай кириб келгани кўпчиликнинг ёдида бўлса керак. Жесси ҳар доим беқарор бўлган ва шундай бўлиб қолади, чамамизда. Унинг борлиги жамоага фойда ҳам эмас, зарар ҳам эмас. Эҳтимол, Лингард бошқа жамоага ўтгани фойдалироқ бўлиши мумкин.
Диого Далот (ҳимоячи, 22 ёш)
Агар ван де Бек “Манчестер Юнайтед” раҳбарияти режасида йўқ бўлса, унда Далот ҳам бу рўйхатга кириши керак. Далот “Милан”да ижарада ўйнагандан сўнг, италияликларга шартномасини тўлиқ сотиб олишга кўндира олмади. Терма жамоада 0 та ўйин ўтказган португалияликнинг МЮнинг чўққига чиқишида ёрдамчига айланишига кимдир жиддий ишонадими?
Поль Погба (яримҳимоячи, 28 ёш)
Жаҳон чемпиони “Манчестер Юнайтед” сафида кутилганидек ўйин кўрсатмаяпти. Клуб француз билан анча олдин хайрлашиши керак эди. Погбага бошқа жамоалардан талаб бор. Аммо, негадир МЮ уни бошқа клубга қўйиб юборишни истамаяпти. Кўпинча Погбанинг ўйинига ишонч етишмайди. Гўёки, Погбада юлдузлик касалининг синдроми кечаётгандек. Умуман олганда, Поль МЮнинг ўйинига мос эмас. Эҳтимол, бошқа жамоага кетиши керакдир?!
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
