Азиз мухлислар! Эртага – сешанба. Яна севимли газетангизни харид қилиш тадоригини кўрасиз. Анъанамизга мувофиқ, янги сонимизда чоп этилган материаллар билан қисқача таништириб ўтамиз.
2-саҳифада Олимхўжа Бўронов ўзининг «Амалга ошган ният» мақоласида 2014 йили Бразилияда бўлиб ўтадиган Жаҳон чемпионати ОФК IV саралаш босқичи қуръасини таҳлил этган. Терма жамоамизнинг IV босқичдаги ўйинлари тақвими ҳам шу саҳифада.
3-саҳифада Ҳасанали ота Қодиров «Хабарлар»дан хабарлар» мақоласида олимпия терма жамоамиз атрофидаги воқеаларга ўз муносабатини билдириб, 14 март кунги муҳим ўйинга ўз тавсияларини берган.
Терма жамоаларимизга бағишланган одатий 4-саҳифамизда эса Ўзбекистон ва Олимпия терма жамоалари таркиби, шунингдек, Алишер Никимбаев билан интервью ўрин олган.
5-саҳифада журналист Бобомурод Абдулла «Эҳтиёт бўлинг: телефон ва интернетдаги футбол агентлари» мақоласида футболчиларимизни чув туширган айрим агентларни фош қилган. Ушбу мақоланинг давоми ҳаттоки 14-саҳифага ҳам ўтган.
6-7-саҳифаларда клубларимизнинг ОЧЛ ва ОФК кубогидаги ўйинлари таҳлил этилган, қитъамизнинг ушбу нуфузли турнирлари 1-тур натижалари ва жадваллари ўрин олган.
8-саҳифада Қаҳрамон Асланов ўзининг «Индивидуал» мақоласида клубларимизга таклиф этилган легионерлар ҳақида сўз очади. Шунингдек, Олий лига 1-тури превьюси ҳам шу саҳифада жойлаштирилган.
9-саҳифада журналист Бахтиёр Ширинов «Биз ҳеч кимдан кам эмасмиз!» мақоласида клубларимизнинг ОЧЛдаги дастлабки натижаларини таҳлил этган.
10-саҳифада Камронбек Чегабоев бу дафъа 1993 йилги миллий чемпионатимиз статистикаларини тақдим этган.
Ҳамза Ёқубовнинг янги лойиҳаси – 11-саҳифадаги «Стадион-шоу»да Антонио Бандерас, Пеле, Эркин Комилов ва Нилуфар Усмоновалар футбол ҳақида ўз фикрларини билдиришган.
12-13-саҳифаларда Қаҳрамон Асланов томонидан ЖЧ-2014 IV саралаш босқичидаги тўрт рақибимизга оид маълумотлар тақдим этилган. Шунингдек, ушбу терма жамоалар билан ўтказган жамики расмий ва ўртоқлик ўйинларимиз статистикаси келтирилган.
14-саҳифада ҳафта давомида жаҳонда рўй берган оламшумул хабарлар ўнталиги келтирилган.
15-саҳифада «Пеле экс-қиролга айланди» сарлавҳаси остида Ҳамза Ёқубов Европа чемпионлар Лигаси нимчорак финали жавоб учрашувларининг ярмиси ва Европа Лигаси нимчорак финал учрашувларининг дастлабки ўйинларини таҳлил этган.
16-саҳифада Қаҳрамон Асланов Англия Премьер-лигаси 28-турини натижалари, таҳлилларини тайёрлаган.
17-саҳифада Шерзод Ражабов Испания Премьероси 27-турини таҳлил қилган.
18-саҳифа Муҳрим Аъзамхўжаев томонидан Италия «А» Сериясининг 27-турига бағишланган.
19-саҳифада Фаррух Файзиев томонидан Германия Бундеслигасининг 25-тур натижалари ва таҳлиллари келтирилган.
20-саҳифада Олимхўжа Бўронов Россия Премьер-Лигаси 33-34-тур ўйинлари натижалари, таҳлилларини ёритган бўлса, хорижий чемпионатларда тўп сураётган футболчиларимизга бағишланган таҳлил ҳам шу саҳифадан ўрин олган.
21-саҳифа Европа ва Осиёнинг миллий чемпионатлари натижалари ва жадвалларига бағишланган.
22-саҳифада ўзбек ва жаҳон спорти янгиликларига ўрин берилган.
23-саҳифа одатдагидек, келаётган ҳафта превьюси, иқтибослар, викторина ва қизиқарли маълумотларга ажратилган. Сешанба-якшанба теледастурлари ҳам яна шу саҳифада.
24-саҳифада анъанамизга мувофиқ футболимиз атрофида қулоққа чалинган гаплар, ҳажвия ва латифалар, иқтибослар, фотофакт ва Қаҳрамон Аслановнинг мулоҳазага чорловчи мақоласи ёритилган.
Газетамизни харид қилишни унутманг. Сизни қизиқарли ва мушоҳадага чорловчи мақолалар кутмоқда!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
