Тан олиш вақти келди: биз 21-асрда “Барселона”нинг тарихий жиҳатдан энг ёмон мавсумини кўрмоқдамиз. “Бавария”дан учралган мағлубиятдан сўнг каталонияликлар Европа лигасига йўл олишди.
“Барса” қандай қилиб бу аҳволга тушди? Келинг, ушбу даҳшатли мавсумнинг энг муҳим воқеаларини кўриб чиқайлик.
Месси жамоадан кетди
Ёзда муаммолар бошланди - Ла Лигадаги молиявий фейр-плей туфайли “Барселона”нинг маош фонди тушиб кетди. Бу Лео Мессининг шартнома муддати тугашига тўғри келди. Аргентиналик футболчи маошини камайтиришга тайёр эди, аммо шунга қарамай, у “Барса” футболчи билан шартнома имзолашни истамади.
Шу боис Месси кўзларида ёш билан севимли клуби билан хайрлашди ва Парижга жўнаб кетди. “Барселона” эса Леосиз ва катта молиявий муаммоларга бой янги ҳаётни бошлади.
Ҳамма нарса мураккаб. Бундай футболчини йўқотишнинг ўрнини тўлдириш қийин. Леонинг 10-рақами рамзий маънода клубнинг асосий истеъдодларидан бири Ансу Фатига насиб этди, бироқ у жароҳати туфайли мавсум бошини ўтказиб юборди.
Янги трансферларни рўйхатдан ўтказиш билан боғлиқ муаммолар
Молиявий фейр-плей томонидан қўйилган чекловлар фақат Мессига тегишли эмас эди. Клуб мавсум бошида эркин агент сифатида жамоага таклиф қилинган Агуэро, Гарсия, Депай ва Де Йонгни рўйхатдан ўтказиш билан боғлиқ муаммолар бошланди.
Маош фондини тушириш учун “Барса” ўйинчиларни сотди ёки шунчаки ижарага бериб юборди. 120 миллион еврога сотиб олинган Гризманни “Атлетико”га қайтариб юборишди. Пьянич “Бешиктош”га бериб юборилди. Ҳатто ўнг қанот ҳимоячиси позициясида ўйнаган Эмерсонни ҳам сотиб юборишди.
Ҳатто бу етарли эмас эди. Пике, Альба, Бускетс каби футболчилар маошларни қисқартиришга тўғри келишди.
Даҳшатли натижалар
“Барселона” мавсумни Ла Лигада 6 та мағлубиятсиз ўйин билан яхши бошлади. Гарчи ўйинда муаммолар бўлсада, жамоа ишончли тарзда очко тўплаётган эди.
Аммо Чемпионлар лигасида эса... Илк турда “Бавария”дан учралган йирик мағлубият (0:3). Куман жамоасида имконият қолмади. Иккинчи турда худди шундай мағлубият “Бенфика”дан қабул қилинди.
Чемпионатда очко йўқотиш ҳоллари кўпайиб кетди. Чемпионлар лигасида “Барса” Киевнинг “Динамо”сига қарши ўйинда иккита ғалабани қўлга киритди.
Хави қўл остида “Барселона” “Бенфика” билан нурсиз дуранг қайдэтди ва – кеча Мюнхенда “Бавария”дан яна 0: 3 ҳисобида имкониятни бой берди.
Рақамлар бундан ҳам ёмони: гуруҳ босқичи якунида тўплар фарқи 2:9, каталонияликлар фақат учинчи ўйиндаёқ рақиб дарвозасини ишғол қилишди. Даҳшат.
Шунингдек, “Барса” Испания чемпионатда 7-поғонада кетмоқда. Улар “Реал”дан 16 очкога ортда қолмоқда.
Роналд Куман
Нега Роналд Куман тезда ишдан бўшатилмади? Мураббийнинг шартномасида 13 миллион евро жарима белгиланган, бунинг учун пул топиш қийин. Аммо октябрь ойи охирида вазият кескинлашди - Роналд ўрнига Хави келди.
Куманнинг сўнгги ойлари ҳамма учун тинч даҳшатдир. “Эль- классико”дан сўнг мухлислар Роналднинг машинасига ҳужум қилишди.
Кейинчалик “Ас-Садд” билан келишувга эришилди. Қатарликлар 5 миллион евро эвазига Хавини қўйиб юборишди. Янги мураббий эса вазиятни дарҳол тўғирлашга муваффақ бўлмаяпти. Ҳозирда ҳам клубнинг ишлари яхши эмас.
Жароҳат, жароҳат, жароҳат
Бир пайтлар “Барселона”нинг жароҳатланганлар рўйхати 10 нафар футболчига чўзилган. Бу мавсумда барча учрашувларда фақат Бускетс ва Депай майдонга тушди. Ансу Фати бор-йўғи бешта ўйин ўтказди, Брэйтвейт бор-йўғи учта, Дембеле декабрь ойининг бошидагина таркибга қайтди.
Педри бир йил давомида танаффуссиз ўйнади, сентябрда жароҳат олди ва 2021 йил охиригача майдонга қайтмайди. “Тилла бола” соврини соҳиби жамоада бўлса, қийин серияни енгиб ўтиш осонроқ бўларди, чамамизда.
Ажабланарлиси шундаки, Хави биринчи навбатда физиотерапевтларни ишдан бўшатди. Барча жароҳатларда уларни ҳақли равишда айблади. Бу унчалик ёрдам бермаган кўринади. Сабаби, Хорди Альба ҳам “Бавария”га қарши ўйинда жароҳат олди.
Юракдаги муаммолар туфайли Агуэронинг фаолияти хавф остида
Серхио Агуэро Каталонияда умуман ўйнамади. Кун жароҳатлардан қийналди, майдонга қайтди, бир нечта ўйин ўтказди ва ҳатто “Реал Мадрид” дарвозасига гол урди.
Аммо “Алавес” билан ўйинда Агуэрода муаммо пайдо бўлди. Ўйиндан сўнг совуқ хабарлар тарқалди: Серхионинг юраги билан боғлиқ муаммолари бор эди. Ҳозирча у уч ой давомида шифокорлар назоратида бўлади, бироқ испан ОАВлари форвард фаолиятини якунлаши мумкинлигини ёзмоқда.
***
Муаммолар кўп, лекин “Барса” қайта қурилмоқда.
Чемпионлар лигасини тарк этгандан сўнг, Хави (қайта қуришнинг асосий шахси) шундай таҳлил қилди:
“Рақиблар биздан яхшироқ эди, бу ҳақиқат. Биз Европа лигасидамиз. Бугун клуб ҳаётида янги давр бошланади. Бизнинг ўрнимиз Европа лигасида эмас, бизнинг жойимиз Чемпионлар лигасида. Биз ҳамма нарсани нолдан бошлаймиз”.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
