«Андижон» клуби матбуот хизмати Суперлига-2021 якунларини сарҳисоб қилиб, йил якунида қуйи лигага равона бўлган жамоа футболчиларининг маоши ҳақида ҳам маълумот берган.
Қайд этилишича, «Андижон» сафида ярим мавсум тўп сурган Жасур Жалолиддиновнинг ойлик маоши 8 минг АҚШ долларини ташкил этган. Жамоа таркибида тўп сурган легионерлар эса 5 минг АҚШ доллари маош олган.
«Биринчи давра учрашувлари бошланиши арафасида клуб раҳбариятининг фақат юқори ўринлар учун курашилиши ҳақидаги гаплари, ҳеч қандай чўпчак эмасди. Қишки йиғинлар давомида барча шароитлар муҳайё этилиб, таркибни шакллантириш, кимларни олиб қолиш борасидаги ишларга четдан ҳеч ким аралашмади. Тошкентдаги қиммат меҳмонхоналарда истиқомат қилинди, майдонлар ижарага олинди. Муносабатга яраша жавоб бўлиши кутилганди. Ўша маҳалдаги бош мураббий Отабек Ғуломхўжаевнинг мавсум бошланиши арафасида маҳаллий мухлисларга жамоани таништирув маросимида билдирган фикрлари ҳали ёддан чиқмади. Фикр билдириш учун сўзга чиққан бош мураббий, «Мен учун барча гапни жамоамиз аъзолари ғалаба қозонган ҳолда айтишади», деганда, қарсаклар авж олиб кетганди...
Суперлигада қолиш учун курашга тайёр жамоа ўз футболчиларига бунчалик миқдорда маош белгиламайди. Раҳбариятни ишонтириб, кейин олиб келишган ижрочиларни. Москванинг «Локо»сидан қайтган, ҳали футболда катта ишларга қодир бўлмаган Жасур Жалолиддиновнинг бир ойлик маоши 8 минг АҚШ долларида белгиланса... Таклиф этилган легионерлар ҳам 5 минг АҚШ долларда олишган. Қирғизистонлик Бернхард сурункали жароҳатга мойиллиги сабабли, шартнома муддатидан аввал бекор қилинди. Йўқса, «ногирон» ўйинчига ҳам яна бекордан пул тўлашда давом этиларди...», - дея ёзган клуб матбуот хизмати собиқ бош мураббий ва легионерларни танқид қилиб.
Эслатиб ўтамиз, «Андижон» мавсумни Отабек Ғуломхўжаев қўл остида бошлаган бўлса, ундан кейин Ёрқин Назаров, Виктор Кумиков сингари мураббийлар ҳам жамоада фаолият олиб борган ва якунда жамоа 26 ўйиндан кейин 19 очко жамғарган ҳолда 13-ўринни эгаллаб Про лигага равона бўлди.
Маълумот учун, Жалолиддинов 1-давра якунлангач Тошкентнинг «Локомотив» клубига ўтганди. Жорий мавсум андижонликлар сафида Павел Забелин, Василий Совпель, Владислав Васильев, Пламен Димов, Мартин Боаке, Эдгар Бернхард сингари легионерлар тўп суришди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
