Январь ойида "Арсенал" "Сити" ва "Ливерпуль" билан икки мартадан ўйнайди. Аммо уларда ҳавотир ёъқ. "Артета болалари" билан ҳазиллашиб бўлмайди. Уайт ҳимоя устунига айланди, Такехиро Томиясу эса жамоанинг энг муҳим футболчиларидан бирига. Аммо ҳеч қандай трансферни амалга оширмаслик яхши вариант эмас.
"Арсенал"нинг заиф томонлари
Артетанинг севимли футболчилари бор - Рамсдейл, Уайт, Габриэль, Томиясу улар мавсум бошидан бери асосий таркибга 16 марта киритилган. Жароҳатдан тикланган Киран Тирни эса чап қанотда Нуна Таваресга таркибга киришга имкон қолдирмаяпти.
Шундай қилиб, “Арсенал” ниҳоят барқарорликка эришди. Октябр ва ноябрь ойлари орасида аллақачон қуруқ ўйинлар серияси бўлиб ўтган, аммо ҳимояни кучайтириш ҳали ҳам зарур. Роб Холдинг таркибга қайтган ҳолатдаям. Шикастланиш ва касаллик хавфи жуда катта. Ярим ҳимоя ҳақида ҳам шундай дейиш мумкин – Томас Партей ва Гранит Жака Мартин Эдегордан кейин энг яхши дует бўлиб қолмоқда, бироқ уларнинг ўрнига майдонга тушиши мумкин бўлган футболчилар Муҳаммад эл Ненни ва Алберт Самби Локонга.
"Арсенал"ни ким тарк этиши мумкин ?
Пьер-Эмерик Обамеянг энди сардор эмас ва "Арсенал"да узоқ вақт ушланиб қолмаслиги тобора аниқ бўлиб қолмоқда. ESPN хабарига кўра, "канонирлар" ҳужумчини сотишга тайёр, қизиқувчилар орасида аллақачон "Ювентус" ва "Барселона" ҳам бор. Улар биринчи навбатда ижарага олишга тайёр. Вазиятни мураккаблаштирадиган ягона нарса - ҳафтасига 250 000 фунт стерлинг маош.
Александр Ляказетт ҳам жамоани тарк этиши хавфи бор. Унинг шартномаси олти ойдан кейин тугайди. Эдди Нкетиа, Бернд Лено ва Седрик кетишлари деярли аниқ бўлиб улгурган футболчилар.
Ленога "Штутгарт" ва "Байер" клублари қизиқмоқда.
Шартномалар
Айтиб ўтганимиздек, Ляказетнинг шартномаси тез орада тугайди, Тҳе Сун музокаралар ёзгача давом этмаслигини таъкидламоқда. Бу вақтга келиб, француз бошқа клуб билан дастлабки шартнома имзолай олади. Нкетиа ҳам кетишдан манфаатдор. Унинг келажаги Обамеянг ва Ляказетт билан боғлиқ ва у кетишни истаётганини бир неча бор таъкидлаган.
Калум Чамберс, Эл Ненни ва Колашинац бу ёзда шартномасиз эркин агентга айланади.
"Арсенал" ким билан шартнома имзолайди?
Қишда Обамеянгнинг сотилиши ва ёзда Ляказеттнинг кетиши “Арсенал”ни янги ҳужумчи излашга ундайди. "Фиорентина"дан Душан Влаҳович бу ерда фаворит бўлиб қолмоқда. "Эвертон" футболчиси Доминик Калверт-Люинга Артета қизиқиш билдирган.
Айни пайтда “Лилль” ярим ҳимоячиси Ренату Санчес янги жамоага ўтишга тайёр, лекин Санчес бошқа давогарлар ҳам етарлича топилади.
Томас Партей ва Эл Ненни Африка Миллатлар кубогига йўл олади, “Арсенал”нинг ярим ҳимояси эса бутунлай заифлашади. Бу ерда "Маrcа" "канонирлар"нинг "Юве" аъзоси Артур Мелога қизиқишини эслатиб ўтади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
