Ўтган йили кўплаб футболчилар ўйинида пасайишлар кузатилди. Биз эса айнан 2021 мавумда энг ёмон ўйин кўрсатган футболчиларнинг рамзий жамоасини тузиб чиқдик.
Дарвозабон
Ушбу позицияда асосий номзод сўзсиз шахсий кўрсаткичлари сезиларли даражада пасайиб кетган Марк-Андре тер Штеген. Немис дарвозабони сейвлар бўйича Ла Лигада 20-ўринда! Қолаверса, дарвозабонда ёрқин ўйинлар ва жамоани қутқариши деярли кўринмаяпти, "Барселона"нинг ҳимоядаги камчиликлари ҳам бунга сабаб бўлиши мумкин.
Марказий ҳимоячилар
Ҳимояга 3 нафар футболчи жойлашади ва улардан биринчиси - Клеман Лангле. Французга жуда узоқ вақт ишонч билдирилганди, бироқ мураббийларнинг тоқти тоқ бўлгач Лангле майдонда кам ўйин амалиётига эга бўла бошлади. Хатолар, автоголлар, четлатишлар, Лангле 2021 йилда шундай эсланади. Трансфер нархининг 50 дан 18 миллион еврога тушиши улкан регрессиянинг мантиқий аксидир.
Иккинчи ҳимоячи - Николай Рассказов. Психологик жиҳатдан футболчи клубдаги қўллаб-қувватлаш ва Руи Витория ишончига қарамай, босимга дош бера олмади. Колья бмлан биргаликда "Спартак" ҳимояси ҳар сафар даҳшатли кўринарди. “Қизил-оқлар” Европа Лигасида очко қўлга киритган ойинларда Рассказов майдонга тушмаган. Эҳтимол, мураббий Рассказовнинг майдонда фойдадан кўра кўпроқ зарари борлигинианглагандир.
Ушбу триода сўнгги футболчи бир йил ичида Премьер-лиганинг потенциал юлдузидан деярли доим босим остида хато қиладиган одамга айланган - Чағлар Сёюнджю. У ўтган мавсумда “Лестер”га Чемпионлар лигаси йўлланмасини қўлга киритишида ёрдам берган. 2020 йил унга "Манчестер Юнайтед", "Ман Сити" ва "Барселона" қизиқаётган эди. Энди Рожерс Чағларни танимаётган бўлса ажаб эмас.
Ярим ҳимоячилар
Албатта бу позицияда илк номзод – Сауль. У "Атлетико" чемпион бўлишида муҳим рол ўйнамади - ўша Ла Лигада у кўплаб статистик кўрсаткичлар бўйича энг ёмон мавсумлардан бирини ўтказди. Испаниялик футболчининг "Челси"га ўтиши эса йилнинг энг ёмон трансферларидан бири бўлди! Сауль юқори индивидуал маҳоратга эга, лекин АПЛда деярли майдонда уни кўрмаяпмиз. У атиги икки марта Премьер-лига ўймнларида майдонга тушди ва икки сафар ҳам танаффусда алмаштирилди.
Унинг ёнига ҳам клуб, ҳам терма жамоа ишончидан баҳраманд бўлаётган Адриен Рабьони жойлаштирамиз. Рабьонинг муаммоси шундаки, унинг борлиги ҳам ёқлиги ҳам билинмади. Ўтган йили франциялик умуман фойдали иш қилмади. “Ювентус” уни сотиш ҳақида ўйлаб кўрса бўлади.
Эндиги 2 футболчи ҳужумкор ярим ҳимоячилар бўлади. "Барселона"нинг яна бир вакили - Филиппе Коутиньо бу таркибдан жой олмаса адолатсизлик қилган бўламиз. У аллақачон жароҳатини даволаган ва Месси кетгач, майдонда етакчи бўлиши мумкин эди. Бироқ ҳатто академиядаги йигитлар ҳам бразилияликдан яхшироқ ўйин кўрсатмоқда. Уни Каталонияга не-не умидлар билан олиб келишган бўлса, ҳозир ундан тезроқ қутилишни истаётганлар сони кўп.
Таркибдаги сўнгги ярим ҳимоячи – Никола Влашич. Ёзда у Еврода ўзини кўрсата олмади, бундан ташқари, у "Вест Хем"га ўтиб, катта хато қилди. У ерда Никола Форнальсни ҳам, Боуэнни ҳам, Бенраҳмани ҳам рақобатда енга олмаслиги кундек равшвн эди. Англияда РПЛнинг асосий юлдузи ҳисобланган футболчи 14 учрашувда иккита голли узатмани амалга оширган.
Ҳужумчилар
Чап қанот албатта Тимо Вернерники бўлади. Унинг гол уриши жуда кам кузатилмоқда. У «Челси» сафида кетма-кет 9та ўйинда майдонга тўшмади ва 2021 йилда ҳам шунча гол урди. Германия терма жамоаси ва Чемпионлар лигасида ғолиб чиққан жамоада бундай даҳшатли статистика кўрсатиб ўйнаш - бу мутлақо омадсизлик. Афтидан, Тимо ҳали ҳам клубни ўзгартирган маъқул.
Келинг, Роналдунинг «Манчестер Юнайтед»га келишидан энг кўп жабр кўрган Антони Марсьялга ҳуч бўлмаса шу таркибдан жой топиб берайлик. Ўтган йили мавсум оҳирида у келаси мавсумда порлайди деган умидлар бор эди. Аммо Антони ушбу мавсум бор йўғи 1 гол уришга муваффақ бўлди. Ҳозир эса унинг «Олд Траффорд»даги фаолияти якунланиш арафасида. “Олтин тўп”га келажакда даъвогар бўла олади деб аталган супер иқтидор соҳиби 26 ёшида оддий футболчига айланди.
Учинчи ҳужумчи эса Пьер-Эмерик Обамеянг. 2020 йил сентябрида габонлик жиддий шартнома имзолаганидан сўнг унинг кўрсаткичлари икки баробарга камайди. “Арсенал” ярим финалга чиққан Европа лигасида Пьер йилдаги охирги голини урган эди. Унга хам яқинда бир йил бўлиб қолади. Бундан ташқари, у бир неча бор режимни бузган ва икки марта жамоадан четлаштирилган. 15 миллион евро маош билан Премьер-лигада бир йилда 11 та гол - бу футболчи учун ҳам, раҳбарият учун ҳам ёқимсиз кўрсатгич.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
