"Ювентус" футболчиси "Аякс"га ўтмоқда
Италия журналист Николо Скиранинг тарқатган маълумотига қараганда, ҳуқуқий жиҳатдан Туриннинг "Ювентус" клубига тегишли бўлган, айни пайтда фаолиятини ижара асосида «Сампдория» клубида давом эттираётган 19 ёшли Муҳаммад Ихаттарен Нидерландиянинг «Аякс» клубига ўтмоқда.
Нидерландияликлар футболчини кейинчалик сотиб олиш ҳуқуқи билан бир ярим йилга ижарага олмоқда.
Ихаттарен 2021 йилнинг ёзида «Ювентус» клубига ПСВ жамоасидан 1,9 миллион евро эвазига кўчиб ўтганди. Туринликлар ярим ҳимоячини «Сампдория» клубига мавсум якунига қадар ижарага бериб юборганди. Ихаттарен «Сампдория»да ҳам, "Ювентус"да ҳам А Серия доирасида битта ҳам учрашувда майдонга тушмади.
Муҳаммад Ихаттареннинг «Ювентус» билан амалдаги шартномаси 2025 йилнинг июнь ойигача амал қилади.
Киритилди: 20:20, 20.01.2022. Ўқилди: 1323 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар