Конте: "Охирги йилларда анча орқада қолдик"
Лондоннинг «Тоттенхэм» клуби бош мураббийи Антонио Конте АПЛ доирасида «Челси» (0:2) жамоасидан қабул қилиб олинган мағлубият ҳақида фикр билдирди.
«Ҳозир ушбу мавзуда гапириш учун нотўғри вазият. Мен нима ҳақида ўйлаётганимни клуб жуда яхши тушунади. Битта трансфер ойнасида бўшлиқни ёпиш осон эмас. Охирги йилларда анча орқада қолдик. Қисқа муддат ичида вазиятни ўнглаб олиш осон эмас.
Мен бор эътиборимни охиригача ишлашга қаратганман. Вазиятни тўғрилаш ва бор кучимизни сарф қилиш учун тўрт ой вақтимиз бор. Аммо, ҳозирги трансфер ойнасида ҳамма нарсани ўнглаб юборамиз деб ўйласак, хато қилаётган бўламиз. Бунинг учун йиллар керак. Бошлаш вақти келди.
Футболчиларни сотиб юбориш ёки ижарага бериб юбориш қийин нарса. Кейин мос келадиган футболчи топиш керак бўлади. Бу жараённи бошлаш керак, лекин бунинг учун кўплаб йиллар керак бўлади. Осон бўлмаслиги аниқ. Мен раҳбарият билан гаплашдим ва мен бу ишда тўлиқ иштирок этаман. Мен майдондаги вазиятни яхшиламоқчиман.
Мен «Тоттенхэм»даги вақтимдан завқ оляпман. Яхши натижага эришиш учун тўрт ой вақт бор. Жамоанинг қилаётган ҳаракатларидан фахрланаман. Гоҳида 100 фоиз кучингизни сарф қилсангиз ҳам, бу камлик қилиши мумкин», – деди Конте.
Киритилди: 00:35, 24.01.2022. Ўқилди: 756 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар