19 ёшгача бўлган энг қиммат 7 нафар футболчи ҳақида маълумот беришга қарор қилдик.
Жованни Рейна
Клуб: “Боруссия Дортмунд”
Ёш: 19 ёш
Трансфер нархи: 42 млн евро
АҚШда яхши авлод футболчилари шаклланмоқда. Рейна эса улардан бири. Яримҳимоячига омад кулиб боқди, унинг Европадаги саёҳати ёш футболчиларни қадрлайдиган ва улар билан ишлашни биладиган клубдан бошланди. Аммо, америкаликнинг ўзига хос иқтидори борлигини ҳам эътироф этиш зарур. Унинг ўйини йилдан-йилга шаклланиб бормоқда ва ҳар мавсумда унинг майдондаги ўйнаш вақти кўпайиб бормоқда. Аммо, футболчи соғлиғи билан боғлиқ муаммолар сабаб салкам бутун мавсумни ўтказиб юборгани ачинарли ҳолат.
Жорий мавсумда Рейна Бундеслигада “Боруссия” сафида атиги 3 та ўйинда майдонга тушди, бироқ у бир вақтнинг ўзида 2 та гол уришга муваффақ бўлди. Шунингдек, у АҚШ терма жамоаси сафида 9 та ўйин ва 4 та гол урган. Жованни иккинчи энг қиммат америкалик футболчи бўлиб, “Челси” вингери Кристиан Пулишичдан кейин иккинчи ўринда туради. Тез орада топ-клублар бу йигитни ўз сафига қўшиб олиш учун ҳаракатни бошлайди. Эҳтимол, аллақачон бошлаган.
Эдуардо Камавинга
Клуб: “Реал Мадрид”
Ёш: 19 ёш
Трансфер нархи: 55 млн евро
Камавинга “Реал Мадрид”нинг ёздаги сўнгги харидларидан бири ҳисобланади. 2021 йилнинг августида ёш яримҳимоячи 31 миллион евро эвазига “Ренн”дан “қироллик клуби”га ўтди. Франциялик футболчи тажрибали бўлса-да, Карло Анчелотти қўл остида кўп ўйин амалиётига эга бўлмаяпти. 18 ёшигача у “Ренн”нинг асосий жамоаси таркибида 88 та ўйин ўтказган.
Муҳими, “қаймоқранглилар” футболчини ижарага олмади. Демак, мадридликлар келажакни ўйлаб иш қилган ва албатта Эдуардога имкон беришади. Тони Кроос ва Лука Модрич ҳали ҳам топ даражада ўйин кўрсатишмоқда, аммо уларни “Реал”га боғлаб қўйишгани йўқ ва кундан-кунга ёшлари ўтиб бормоқда. Камавинга ва Федерико Вальверде каби футболчилар келажакда албатта Мадрид гранди асосий яримҳимоячисига айланади.
Жамол Мусиала
Клуб: “Бавария”
Ёши: 18 ёш
Трансфер нархи: 55 млн евро
2019 йилнинг ёзида Мусиала “Бавария” сафига қўшилди. Орадан бир йил ўтиб у Бундеслигада дебют қилди. Шу кунга қадар яримҳимоячи “немис машинаси”нинг асосий таркибида 64 та ўйин ўтказган. Бу мавсумда ҳам йигитча яхши ҳаракат қилмоқда. У барча мусобақаларда 26 та ўйин ўтказиб, 6 та гол ва 5 та голли узатмани амалга оширган.
Мусиала энг истиқболли немис футболчиларидан бири саналади. Жамол Йоахим Лёв даврида мамлакат бош жамоасида дебют қилган, Ханс-Дитер Флик ҳам унга ишонмоқда. Унинг қўл остида яримҳимоячи “Бавария”нинг асосий жамоасида ўйнай бошлади. Мусиала Германияда жуда машҳур, айниқса у Англия жамоасини эмас, немислар сафида ўйнашга қарор қилганидан кейин.
Ансу Фати
Клуб: “Барселона”
Ёш: 19 ёш
Трансфер нархи: 60 млн евро
Фати ажойиб салоҳиятга эга футболчи. Буни “Барселона”да катта ҳурматга эга. Каталонияликлар футболчини сотиб олмоқчи бўлган клубларга бир неча бор рад жавобини беришган. Бу футболчи соғлом бўлса, у жамоага жуда фойдали бўлиши мумкин. Аммо, 2019/20 йилги мавсумдаги омадли ўйиндан сўнг испаниялик жароҳатлар билан боғлиқ муаммога учради. Сўнгги 1,5 мавсумда ёш вингер Ла Лигада бор-йўғи 12 та ўйинда майдонга тушган бўлса-да, 7 та гол уришга эришган.
Фати Барселонада Мессининг меросхўри ҳисобланади ва клуб унга аргентиналик футболчининг рақамини берган. Аммо, бундай эрта ёшда жиддий муаммолар футболчини ҳам, унинг клубини ҳам қийин аҳволга солиб қўйди. Испаниялик ёш ва истиқболли бўлиб қолса-да, у жароҳатлардан қочиш учун нимадирни ўзгартириши керак.
Флориан Виртц
Клуб: “Байер”
Ёши: 18 ёш
Трансфер нархи: 70 млн евро
Виртц Мусиала билан бирга айни дамда немис футболининг асосий истедодларидан бири саналади. Флориан “Челси”га кетган Кай Ҳавертцнинг ўринбосари ҳисобланади. “Байер”нинг Бундеслигада кучли 4ликка киришида, ёш яримҳимоячининг хизмати катта. Жорий мавсумда у барча турнирларда 24 та ўйин ўтказиб, 8 та гол ва 12 та голли узатмани амалга оширди.
Виртц жорий мавсумда Германия чемпионатида иккинчи энг яхши ассистент бўлиб турибди, бу кўрсаткич бўйича “Бавария” футболчиси Томас Мюллердан кейин иккинчи ўринда. Флорианга бошқа клублар аллақачон “тузоқ қўйишни” бошлаган. “Байер” спорт директори Руди Феллер “доричилар” ўз шогирдини узоқ вақт ушлаб тура олмаслигини очиқ тан олди. Аммо Виртц ҳозирча Леверкузенда қолмоқда ва Чемпионлар лигасини шаҳарга қайтариш учун ҳаракат қилмоқда.
Жуд Беллингем
Клуб: “Боруссия Дортмунд”
Ёши: 18 ёш
Трансфер нархи: 75 млн евро
Беллингем Дортмунднинг “Боруссия” клубининг ушбу рейтингдаги иккинчи вакили ҳисобланади. Яримҳимоячи атиги бир ярим мавсумни “асаларилар” сафида ўтказди, лекин аллақачон жамоанинг асосий ўйинчиларидан бири ҳисобланади. Жорий мавсумда футболчи гол+пас тизими бўйича 9 очко тўплади. Шунингдек, Жуднинг ўйин вақти сезиларли даражада кўпайди.
Британиялик мутахассислар англиялик аллақачон ўз ватанига қайтиб, Премьер-лигада фаолиятини бошлаши мумкинлигини гапиришмоқда. Рой Киннинг фикрича, “Манчестер Юнайтед” Беллингем билан шартнома имзолаши керак, Жейми Каррагер эса ўз ватандошини “Ливерпуль”да кўрмоқчи. Дортмунднинг “Боруссия” клуби яримҳимоячини вақти келганда сотиб юборишини тан олган ва ушбу воқеа шу йили бўлиши кутилмоқда.
Педри
Клуб: “Барселона”
Ёш: 19 ёш
Трансфер нархи: 80 млн евро
Рейтингни “Барселона” вакили бошқариб турибди. Каталонияликларда ҳозир ёш футболчиларнинг яхши авлоди бор ва Педри улардан бири. 19 ёшида у “кўк-анорранглилар”нинг асосий таркиб футболчисига айланган ва “Golden Boy-2021” мукофоти совриндори. Ушбу рейтингнинг деярли барча иштирокчилари ушбу мукофотга даъвогарлик қилишди, аммо испаниялик совринни қўлга киритди.
“Барселона” бош мураббийи Хави Эрнандес бир неча бор ёш яримҳимоячининг ўйинига қойил қолишини айтган. Ва умуман олганда, кўплаб мутахассислар Педри ҳақида яхши гапларни гапиришади. Йигитчада ажойиб футболчи бўлиш учун барча шароит бор. Кейин ҳамма нарса унга боғлиқ. Ҳозирча испаниялик меҳнаткашлиги билан қолганлардан анча турибди.
Жамшиджон Маҳмудов таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Испания
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
