Юрген Клопп “Ливерпуль”да иш бошлагандан сўнг, мерсисайдликлар доимий равишда юқори ўринга даъвогар клубга айланди ва ҳатто узоқ кутилган чемпионликни ҳам қўлга киритди. Бироқ, клуб учун Юрген Клоппсиз келажак ҳақида ҳам ўйлаш вақти келди. Шу сабаб, “Stadion.uz” нашри “Ливерпуль” буёғига нима қилиш кераклиги ҳақида бироз фикр юришга қарор қилди.
Юрген Клоппнинг “Ливерпуль” билан шартномаси яна 2,5 йилга амал қилади. Немис мутахассиси 2024 йилнинг ёзида клубни тарк этиши эҳтимоли катта ва бу ҳақида мураббийнинг ўзи ҳам бир неча бор ОАВга берган интервьюсида айтиб ўтган. Агар, Клопп шартномасининг охиригача клубда қолса, бу вақтга келиб Клопп 9 йил давомида “Энфилд”да ишлаган бўлади. Мураббийнинг ўзи оиласига вақт ажратиш учун карьерасида бироз пауза қилиш ҳақида ўйлаётганини айтди, ҳамда “қизиллар” билан янги шартнома имзоламаслигини таъкидлади.
Гарчи Премьер-лигада эндигина тажриба орттира бошлаган Стивен Жеррард ва “Ливерпуль”да германиялик мутахассисга ёрдамчи бўлиб ишлаётган Пеп Лейндерснинг номзодлари муҳокама қилинаётган бўлса-да, Клоппнинг ўрнини босадиган мураббий ҳақида гапиришга ҳали бироз эрта.
Бироқ, “Ливерпуль” учун келажак ҳақида ўйлаш вақти келди, чамамизда. Октябрь ойида Чемпионлар лигаси доирасида “Атлетико Мадрид”га қарши ўйинда Клопп ўртача ёши 29 ёш-у 130 кун бўлган таркибни майдонга туширди. Бу 1953 йилдан бери “Ливерпуль”нинг “энг кекса” бошланғич таркиби сифатида тарихда қолди. Британиялик журналистлар 2024 йилнинг ёзигача фақат Трент Александр-Арнолд, Наби Кейта ва Диого Жота каби асосий таркиб футболчиларнинг ёши 30 дан ошмаслигини ҳисоблаб чиқишди. Албатта, бевосита захирада Иброҳим Конате, Жо Гомес, Константинас Цимикаслар ҳам бор. Аммо, умуман олганда, кўриниб турибдики, ҳозирги “Ливерпуль”нинг ҳозирги барча етакчилари фаолиятини сўнгги йилларини ўтказмоқда.
Мерсисайдликлар олдида ҳал қилиниши керак бўлган яна бир қанча муаммолари бор. 18 ойдан сўнг, аниқроғи 2023 йилнинг ёзида Салоҳ, Мане ва Фирминонинг шартномалари ўз ниҳоясига етади. Шундай қилиб, “Ливерпуль” яқин келажакда ўз триоси билан нима қилишни ўйлаши керак. Клуб ё шартномаларни янгилаб, уларга анча катта маош таклиф қилиши ёки сотиб, ўрнига бошқа футболчи излаши керак. Қўшимчасига, 2023 йилда Наби Кейта билан ҳам шартнома узайтирилиши кераклигини қўшиб қўйинг.
Англияда улар 2024 йил ёзига келиб, “Ливерпуль”нинг ҳолати Сер Алекс Фергюсон кетгандан кейинги “Манчестер Юнайтед”нинг ҳолатига жуда ҳам ўхшашиб кетиши мумкин. Ўша пайтларда манкунианликлар тожни ҳеч кимга бермаган бўлса-да, лекин ўша пайтда ҳаммасини ҳам фахрий фуболчилар ҳал қилишган: Эвра, Каррик, Видич ва Бербатовлар 31 ёшда, Фердинанд - 34, Скоулз - 38, Гиггз - 39. 27 ёшли Руни ва 29 ёшли ван Перси ўша вақтга қадар ўзининг энг яхши мавсумларини ўтказган. “Манчестер Юнайтед” ўшандан бери ҳеч қачон аввалги ҳолатига қайтмади ва ҳозир ҳам қайтгани йўқ.
:no_upscale()/cdn.vox-cdn.com/uploads/chorus_asset/file/22206179/1193717760.jpg)
“Ливерпуль” ҳолатида кўп нарса клубнинг кейинги трансфер ойналарида сотиш ва чотиб олиш борасида тўғри танлов ўтказиши керак бўлади. Бироқ, бу ерда ҳам мерсисайдликлар учун бироз муаммо бўлиши мумкин. Чунки, 10 йилдан сўнг спорт директори Майкл Эдвардс ҳам клубни тарк этади. Шуни ҳам таъкидлаш керакки, Майкл клубдаги фаолияти давомида Чемпионлар лигасида ва узоқ кутилган ички чемпионатдаги ғалаба келтирган ўйинчиларнинг кўпини ўзи жамоага таклиф қилган. Аслида Клоппнингҳам ливерпулликлар сафига келишини Эдвардс талаб қилган. Яъни, унинг “Ливерпуль” учун хизматларининг чеки йўқ. Эдвардснинг ўрнини унинг ёрдамчиси Хулиан Уорд эгаллайди, аммо у устозининг ишларини қандай давом эттиради, бу - номаълум.
Умуман олганда, “Ливерпуль” учун келажак ҳақида жиддий ўйлаш вақти келди – Эдвардссиз, Клоппсиз ва ёши ўтиб бораётган етакчиларсиз. Клубга янги қонни олиб кириш учун вақтни ўтказиб юбормаслик жуда муҳимдир.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
