Марселино: «Барселона» ва «Реал»ни мағлуб этганимиз «Атлетик»нинг финалгача етиб боришини англатмайди»
«Атлетик Бильбао» клуби бош мураббийи Марселино Гарсия Тораль Испания кубогининг чорак финал босқичи доирасида бўлиб ўтган «Реал»га қарши ўйин (1:0) борасида ўз фикрини билдириб ўтди.
«Жуда ҳам хурсандман. Ўйинчиларнинг меҳнати ва мухлисларнинг қўллаб-қувватлашидан фахрланаман. «Барса» ва «Реал»ни кетма-кет мусобақадан чиқариб юбориш осон иш эмас. Шу билан бирга, ҳали қиладиган ишларимиз бор. Иккита кучли жамоа устидан ғалаба қозонганимиз бизни финалгача етиб боришимизни англатмайди.
Мўжизавий кеча бўлди. Ҳозирданоқ «Атлетик» учун мақсад қўйишни истамайман. Ҳозирча футболчиларнинг ҳаракатлари эвазига қўлга киритилган ғалаба нашидасини суришни истаймиз, аммо олдинда Ла лига доирасида бўладиган «Эспаньол»га қарши ўйин кутиб турибди. Бу ўйинда ғалаба қозониб, жадвалда юқорига кўтарилишни хоҳлаймиз», — деди Марселино.
Манба: championat.com
Киритилди: 08:18, 04.02.2022. Ўқилди: 1415 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар