"Манчестер Юнайтед" тарихидаги қора саҳифа...
1958-йил, 6-февраль. Клуб Европа чемпионлар кубоги* доирасида Белградда ўйин ўтказиб уйга қайтаётганди. Самолёт ёқилғи қуйиб олиш учун Мюнхенда тўхтаб ўтишига тўғри келди. Ёнилғи бакининг сиғими Белграддан Манчестерга тўхтамай парвоз қилиш имконини бермасди. Иш битгач экипаж икки бор учишга уриниб кўрди. Бироқ, ҳар икки ҳолатда ҳам чап двигателдаги юқори тебраниш натижасида парвоз амалга ошмади.
Графикдан ортда қолишни истамаган экипаж командири Мюнхенда тунаб қолишни истамади ва учинчи бор парвозга шайланди. Бу орада кучли қор ёғиши бошланган ва бу учиш йўлаги охирида қор уюми тўпланиб қолишига сабаб бўлганди. Лайнер бу ҳудудга кириб борар экан, ердан кўтарилиш учун лозим бўлган тезлиги пасайди. Якунда вазият назоратдан чиқиб, самолёт учиш-қўниш йўлаги охиридаги тўсиқларни ёриб ўтиб, чап қаноти билан яқинроқдаги уйга бориб урилди.
Бортдаги 44 инсондан 21 нафари дарҳол жон берди. Қолганлар орасида эса аксарият хушини йўқотди. Портлаш эҳтимолидан чўчиган командир самолётдан узоқроққа чекинишга буйруқ берди. Шунга қарамай МЮ дарвозабони Ҳарри Грегг хушсиз қолганларга ёрдам берди ва бир неча инсонни қутқариб қолди...
Аэропорт раҳбарияти дастлаб экипаж командири Жеймс Тейнни фалокат сабабчиси сифатида айблади. Кейинчалик барчаси айнан аэропорт ходимларининг масъулиятсизлиги боис юзага келгани ойдинлашди.
Фожиадан аввал МЮ ўзининг Англия чемпионатидаги қаторасига учинчи чемпионлиги учун курашаётган, ЕЧК*да ярим финалга чиққан ва аллақачон мамлакат кубоги соҳибига айланиб улгурганди. Кейинчалик клуб ўзига келиши учун бир мунча вақт керак бўлди. 1968-йил, орадан роппа-роса ўн йил ўтиб клуб тарихида илк бор Европада тенгсиз бўлди. Мэтт Басби мураббийлигидаги бу жамоа таркибида машъум фалокатдан омон чиққан икки нафар футболчи бор эди. Улардан бири бугунгача "Манчестер Юнайтед" ўйинларини "Олд траффорд" трибуналарида кузатиб келмоқда. Бу инсон - Сэр Бобби Чарлтон!
Бу нафақат бир клуб, балки футбол тарихи учун қора саҳифалардан бири ҳисобланади.
"Манчестер Юнайтед" клуби, унинг ашаддий ва айни вақтда самимий мухлисларига бағишланади.
Ориф Толипов.
* Ҳозирги Европа чемпионлар лигаси турнири.
Манба: https://t.me/tolipovuz
Киритилди: 08:54, 06.02.2022. Ўқилди: 2333 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
