Ўзбекистон футбол федерацияси оммавий ахборот воситалари овозига кўра март ойининг энг яхши мураббийини аниқлади.
Январь ва февраль ойи якунларига кўра Ўзбекистон миллий ва олимпия терма жамоалари бош мураббийи Вадим Абрамов катта устунлик билан ғолибликни қўлга киритган бўлса, «Бунёдкор» бош мураббийи Миржалол Қосимов ҳар иккала ойда иккинчи ўрин билан чекланганди.
Март ойида Вадим Абрамов Ўзбекистон олимпия терма жамоаси билан учта халқаро ўйинда иштирок этиб, шуларнинг 2тасида имкониятни бой берди. Бунинг натижасида даставвал олимпиядага тўғридан-тўғри йўлланма олиш имкони йўққа чиққан бўлса, кейинчалик минтақавий плей-офф ҳам муваффақиятсиз якун топди. Оқибатда овоз бериш жараёнида иштирок этган 9та ОАВнинг ҳеч бири Вадим Абрамов номини зикр этмади.
Бу ҳолат Ўзбекистон Олий лигаси ва Осиё чемпионлар лигасида ўзини кўрсатган уч нафар мураббий – Игорь Криушенко, Миржалол Қосимов ва Рўзиқул Бердиевга қўл келди. Овоз бериш жараёнида иштирок этган 9та ОАВнинг 7таси айнан мана шу трио номини турли пағоналарда кўрсатиб ўтган. Фарғонанинг «Нефтчи» клуби билан Олий лига ва ОФК Кубогида бир ҳилда – 4тадан очкога эга чиққан (март ойида) мутахассис Юрий Саркисян 1 марта 1-ўринда ва 1 марта 2-ўринда кўрсатиб ўтилди.
«Қизилқум» бош мураббийи Равшан Ҳайдаров 1 марта учинчи ўринда кўрсатиб ўтилган. Бунга асосий сабаб сифатида Равшан Акмалович шогирдларининг 2-турдаги сенсацион натижасини кўрсатиш мумкин. Мавсум бошиданоқ амалдаги чемпион «Бунёдкор»ни 2 очкодан маҳрум қилишга айнан «Қизилқум» муваффақ бўлди. Шунингдек, «Пахтакор» бош мураббийи Деян Журжевич ҳам 1 марта 3-ўринда кўрсатилди. Маълумот ўрнида айтиш керакки, унинг бошқарувидаги «Пахтакор» Олий лига 2-туридаги уй учрашувида «Олмалиқ»ни мағлуб эта олмаган бўлса, чемпионлар лигасидаги дастлабки иккита ўйинда 1 очко ишлаган (март ойида).
Энг яхши мураббий бўлиш учун «Шўртан» устози Игорь Криушенко ва «Бунёдкор» бош мураббийи Миржалол Қосимов жиддий рақобатни вужудга келтиришди. Овоз бериш якунига кўра ҳар икки мутахассис бир ҳилда – 17тадан очко жамғаришга муваффақ бўлишди. Фарқли томони, ОАВ Миржалол Қосимовни 4 марта биринчи ўринда кўрсатган, Игорь Криушенко эса икки марта биринчи ўринда қайд этилган. Фақатгина шу туфайли Миржалол Қосимов март ойининг энг яхши мураббийи сифатида эътироф этилди.
|
ОАВ
|
№
|
Мураббий
|
|
1
CHAMPIONAT.UZ
|
1.
|
Рўзиқул Бердиев
|
|
2.
|
Игорь Криушенко
|
|
3.
|
Равшан Ҳайдаров
|
|
2
НАВРЎЗ
|
1.
|
Миржалол Қосимов
|
|
2.
|
Рўзиқул Бердиев
|
|
3.
|
Игорь Криушенко
|
|
3
ВАТАНДОШ
|
1.
|
Миржалол Қосимов
|
|
2.
|
Рўзиқул Бердиев
|
|
3.
|
Игорь Криушенко
|
|
4
UFF.UZ
|
1.
|
Миржалол Қосимов
|
|
2.
|
Игорь Криушенко
|
|
3.
|
Рўзиқул Бердиев
|
|
5
СТАДИОН
|
1.
|
Игорь Криушенко
|
|
2.
|
Миржалол Қосимов
|
|
3.
|
Рўзиқул Бердиев
|
|
6
СПОРТ-ТВ
|
1.
|
Миржалол Қосимов
|
|
2.
|
Игорь Криушенко
|
|
3.
|
Рўзиқул Бердиев
|
|
7
ЭРУДИТ-СПОРТ
|
1.
|
Рўзиқул Бердиев
|
|
2.
|
Игорь Криушенко
|
|
3.
|
Миржалол Қосимов
|
|
8
ФУТГОЛ
|
1.
|
Юрий Саркисян
|
|
2.
|
Миржалол Қосимов
|
|
3.
|
Игорь Криушенко
|
|
9
ОРИАТ-ДОНО
|
1.
|
Игорь Криушенко
|
|
2.
|
Юрий Саркисян
|
|
3.
|
Деян Журжевич
|
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
