Интернет тармоғи орқали дунёнинг исталган жойига саёхат қилишингиз мумкин. Масалан Грузия томонларга хам. Демоқчи бўлганимиз шуки, интернет орқали биз илгари Андижон жамоасида тўп сурган Леван Мдивнишвили билан сухбат уюштирдик. Бу ўйинчини юртимиздаги мухлислар яхши билишади. Айниқса, унинг «Андижон»да кўрсатган ўйини ҳали хам ишқибозлар ёдида қолган. Бемалол айтиш мумкинки, андижонликлар таркибидаги легионерлар орасида Мдивнишвили алоҳида аҳамитга эга.
- Айтингчи Леван, хозир нима билан бандсиз. Бирор бир клубда фаолият олиб боряпсизми?
- Тўғрисини айтсам ҳозир мен уйдаман. Аммо мени Потининг “Колхети-1913” жамоаси билан амалдаги шартномам мавжуд бўлиб, ўзимга ҳам тушунарсиз холат юзага келиб Горининг “Дили” клубига бордим. Аслида Горига боришимни телефон орқали «катталар» ўзаро ҳал этишиб бўлган эди. Қисқаси шу тариқа улар мени ўз сафларига чақириб олдилар. Аввалига биз икки бора йиғинларни бирга ўтказдик. Масалан, Анталиядаги йиғинларда ҳам янги жамоам билан бирга бўлдим. Лекин ўша Туркиядаги йиғинимиз чоғида клубимиз директори ўз лавозимидан озод этилгач янги раҳбар уни ўрнида иш бошлади. Шундан кейин барчаси мен учун нохуш якун топди дейишим мумкин. Чунки у ўзининг одамларини клубга олиб кела бошлади ва мен тўғри Анталиядан нарсаларимни йиғиштириб уйимга жўнашимга тўғри келди. Бундай бўлишини ҳаёлимга келтирмаган эдим. Бошқа клубга боришга вақт йўқ, чунки ҳамма таркибларини тўлдириб бўлган эди. Ҳозир трансферлар туйнуги очилишини кутиб ўтирибман.
- “Андижон” клубидан қандай хотиралар қолди дея оласиз?
- “Андижон” менинг фаолиятимда ўчмас из қолдирди деган бўлар эдим. Негаки, Андижон менинг иккинчи уйим бўлиб қолган эди. Ўзимга қолса яна сизларда тўп суриб мухлисларни хурсанд қилган бўлардим. Аммо нимагадир мени чақирмадилар. Сизларни миллий таомингиз ошни халқингиз қандай яхши кўришса, футболни ҳам шундай яхши кўришлари мақтовга лойиқдир.
- Ўзбек футболини кузатиб боряпсизми?
- Албатта кузатиб бораман. Ҳозир Ўзбекистонда тўп сураётган грузин футболчилари менинг танишларим бўлади. Кейин Ўзбек футболчилари орасида ҳам дўстларим кўп. Қандай қилиб футболингизга бефарқ бўлишим керак? Ахир мен Ўзбекистонда уч йил фаолият олиб бордим-ку!
- Леван сизнингча ҳар икки мамлакат футболида қанчалик фарқ бор?
- Ҳар икки давлат футболининг савиялари яхши. Аммо бироз ўзгача томонлари бор холос. Масалан Грузияда футболчилар индивидуал футболни ёқтиришади. Сизларда эса жамаовий ўйинга катта эьтибор қаратишар экан. Грузия футболини вакили сифатида мен ҳам индивидуал футболни хушлайман. Аммо жамоавий ўйинга мослашиб олишимга менинг рақиблар дарвозаларига урган голларим ёрдам берар эди.
- Танишларингиз, оилангиз ёки қариндошлар томонидан бошқа чарм тўп усталари хам борми?
- Оилам ва яқинларимда футбол билан билан машғул бўлганлар йўқ. Фақат мен. Ўйлашимча, ўғлимдан келажакда машхур футболчи чиқса керак. Чунки ёшлигидан футболга бошқача эьтибори бор.
- Юртимиздаги охирги клубингиз - “Хоразм” эди. У ердан кетишингиз сабабини айта оласизми?
- Мен футболчиман ва футболни жудаям севаман. Бу менинг ишим. Тушунаяпсизми, мени уч ой алдаб келдилар. Улар ҳар сафар пул эртага бўлади, пул эртага бўлади дер эдилар. Уларни эртасини мен охирини умаман тушуна олмадим. Бу эртага деганини охири кўринмас эди ва мен нарсаларимни йиғиштириб кетдим. Ахир мен тижоратчи эмасманку бошқа томонлама пул топиб турсам. Шунинг учун кетишга қарор қилдим.
- Демак ҳозир бўш вақтларингиз кўп эканда?
- Ҳа хозирча шундай. Оила аьзоларим даврасидаман. Лекин формамни бир маьромда ушлаб туришим учун Самгуролида дўстмни клубида югуриб турибман. (биринчи лигада)
- Дарвоқе, олий лигамизда муваффақиятли тўп суришган грузиялик дарвозабон Михаил Алавидзе, Тенгиз Кобиашвили, Зураб Замсашвили каби футболчилар ҳам бор эди...
- Михаил супер дарвозабон ҳисобланади. У менинг дўстим. Сизларда легионер дарвозабонларга юртингизда ўйнашга нима сабабдан рухсат берилмади билмадим. Аммо Алавидзе ҳозир Ботумининг “Динамо”сида ўйнаяпти. Тенгиз футбол билан хайрлашиб ҳозирда болаларга футбол сирларини ўзлаштиришида устозлик қилмоқда. Зура эса Сачхереда ўйнаяпти.
- Грузия чемпионати ҳақида хам бироз тўхталиб ўтсангиз.
- Грузияда 12 та жамоа сизларнинг олий лигангиз каби совринли ўринларга давогарлик қилишади. “Зестафони” клуби бизда яққол пешқадам ҳисобланади. Аввалига 1-8 ўринни эгаллаган клублар бир зонага бўлинишиб кураш олиб борсалар, кейинги 8-12 ўринни эгаллаган тўртта клуб пастки лигадаги тўртта клуб билан бирга қўшилишиб кураш олиб борадилар.
-Леван айтингчи футболчи сифатида Мисрда бўлиб ўтган нохуш воқеаларга муносабатингиз қандай?
- Мисрда бўлтб ўтган нохуш воқеалар яхши иш бўлмабди. Мен дунёда тинчлик ва тотувлик ҳаёт ҳукм суришининг тарафдориман.
- Бу йил сиз уч йилингизни ўтказган Ўзбекистон футболи 100-ёшини қариши олади.
- Мен ҳам ўз навбатида Ўзбек футболининг 100 йиллиги билан чин кўнгилдан табриклаб қоламан ва йилдан йилга футболингиз дунё ареналарида ўз ўрнига, салоҳиятига эга бўлиб, жахон чемпионатларида муносиб иштирок этувчилар қаторида бўлишини тилайман.
- Майли Леван, вақтизни аямасдан сухбатлашганиз учун катта рахмат. Мухлислар ва ўзимни номимдан сизга омад тилайман.
- Мен шу ўринда алоҳида андижонлик мухлисларга алангали салом йўлламоқчиман. Мен фаолиятим мобайнида ўзларини футболчиларини бундай илиқлик билан қўллаб ва олқишлаб турадиган ишқибозларни кўрмаган эдим. Ким «Андижон»да тўп суриш бахтига муяссар бўлса у бахтлидир дегим келади. Бундай чиройли мухлислик ортидан футболчилар куч қувват оладилар. Андижонлик Нодир, Сардор, Бобиржон ва бошқа мухлис дўстларимга салом йўллаб қоламан.
Шуҳратбек ЖЎРАЕВ суҳбатлашди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
