"Пахтакор" ва "Насаф" жамоалари ўртасидаги ўйиндан кейин матбуот анжуманида дастлаб меҳмонлар бош мураббийи Рўзиқул Бердиев иштирок этди. Ўйин ҳақида фикрларни билдирар экан, бош мураббий қуйидагиларни таъкидлади:
- Ўзингиз гувоҳи бўлдингиз, ўйин курашларга бой бўлди. Майдоннинг ҳар бир қаричи учун курашишимиз кераклигини билардик. Шунинг учун ҳам ўйин чиройли бўлмагандир. Аммо "Пахтакор" майдонида 1 очкони қўлга киритганимиздан хурсандмиз.
- Нима учун Андрей Переплёткинсни фақат иккинчи бўлимда майдонга туширдингиз?
- Бир ҳафта илгари Переплеткини енгил жароҳат олганди. Шунинг учун унинг умумий гуруҳга қўшилганига 2 кун бўлганди.
- Шоҳрух Гадоевнинг бугунги ўйини ҳақида фикрингиз.
- Биз ёшларга имконият бериб борамиз. Гадоев бугун ҳужум чизиғида ўзини кўрсата олмагандир, аммо ҳимояда Ботир Қораевга яхши ёрдам берди.
- Жисмоний тайёргарлик ҳақида гапирдингиз. Назаримизда, бугун Ботир Қораев ва Иван Бошкович жисмоний жиҳатдан ўйинга тайёр эмасди.
- Ботир Қораев жамоамизнинг бир неча йиллик сардори ҳисобланади. У жисмоний жиҳатдан яхши формада бўлмаса ҳам, унинг бир неча йиллик тажрибаси бизга ёрдам беради.
- Бугун жамоа фақат узун паслар орқали ҳужум ташкил қилишга ҳаракат қилди. Жамоа ҳужум ташкил қилишнинг бошқа усуллари ҳақида ўйламадими ёки таваккал қилишни истамадингизми?
- Бугун икки нафар ҳужумчи билан ўйнадик ва улардан кўп нарса кутгандик. "Пахтакор" ҳимоячилари қисқа пасларда яхши ўйнашини билардик. Биз "Пахтакор" ҳимоячиларининг ортига тўпни ташлаб, қанотлардан кириб боришни мақсад қилгандик. Аммо буни деярли уддалай олмадик.
- Жамоа ОЧЛ баҳсларида қулай вазиятлардан фойдалана олмаяпти...
- Ҳа, ОЧЛ баҳсларида шундай муаммога дуч келяпмиз. Жамоамиз ОЧЛда илк марта қатнашаётганимиз боис, футболчиларга тажриба етишмаяпти, улар баъзи вазиятларда ҳаяжонни боса олишмаяпти. Биз бунинг устида назарий дарслар ва машғулотларда ишлаяпмиз. Ўйлайманки, бу ишларимиз ўз самарасини беради.
- Бугун Бошкович ҳеч нарса қила олмади. Бошқа ҳужумчиларга имкон берсангиз бўлмайдими?
- Бугун нафақат Бошкович, балки Шомуродов ҳам ўзини кўрсата олмади. Кенжа Тўраев ва Носир Отақўзиев жароҳат олгани боис мазкур ҳужумчиларга ишонч билдиряпмиз.
- "Насаф"да бир анъана мавжуд. Жамоа ички чемпионатда бошқа, халқаро ўйинларда бошқа дарвозабонга ишонч билдириб келяпти. Бунинг боиси нима?
- Бизда дарвозабонлар билан ишлайдиган мураббий мавжуд. Унинг фикрига қулоқ қоламиз. Қолаверса, Зухуров ўтган йили ОФК кубоги мусобақасида қатнашиб, халқаро тажриба тўплаган, шунингдек, терма жамоа аъзоси ҳисобланади. Биз бу масалани кўриб чиқамиз. Балки кейинги ўйинларда Ғайрат Ҳасановга ҳам ОЧЛда ўйнаш имконини берармиз.
- "Насаф" бугун 2 очко йўқотдими ёки 1 очкони қўлга киритдими?
- Бугун иккала жамоа ҳам 2 очкодан йўқотди. Юқори ўринлар учун курашадиган жамоалар учун бу йўқотиш.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
