Суперлиганинг 7-туридан ўрин олган "Пахтакор" – "Машъал" (2:1) учрашувидан сўнг муборакликлар устози Отабек Нарзуллаев фикрларини билдирди.
"Пахтакор"ни ғалаба билан табриклаймиз. Тушунмаётган жиҳатимиз, футболчилар агрессив футбол ўйнаётгани йўқ. Ўзига бўлган ишонч етишмаяпти. Шунинг учун биз қаердадир мағлубиятга учрамоқдамиз. Ўзимизнинг хатоларимиз эвазига фақат ютқазяпмиз. Биринчи бўлимни кўриб чиқишимиз керак, иккинчи бўлимда бироз бўлса-да футбол ўйнадик. Футболчиларга доимо агрессив ўйин кўрсатишни айтамиз. Ўйинчи жон-жаҳди билан ўйнамаслиги нима билан боғлиқлигини билмадим. Тўғри, ҳозир қийинчилик, лекин ҳаммада бир хил вазият. Буни баҳона қилолмаймиз ва ишлашда давом этамиз", — дейди Отабек Нарзуллаев.
— Балки бу молиявий муаммолар билан боғлиқдир?
— Ҳамманинг оиласи бор. Бу бизнинг қўлимизда эмас. Барчанинг ўз ташвиши мавжуд. Ҳар жиҳатдан таъсир қилади. Қайсидир кун пулга эришиб бўлади. Аммо очко эмас. Ҳар бир баҳсда мана шундай хатолар сабаб ютқазяпмиз. Очко оладиган жойимизда ололмаяпмиз. Футболчи профессионал бўлиши керак. Нима учун футболни танладик? Ҳаёт бир хил давом этмайди-ку. Майдонга чиқдими, демак агрессив футбол кўрсатиш лозим. "Пахтакор" кучли жамоа, тан олиш керак. Дуранг қайд этишимиз мумкин эди. Охирги дақиқаларда вазиятдан фойдалана олмадик.
— "Пахтако" билан ўйинларда "Машъал"га ўхшаган жамоаларга нима етишмайди?
— Ким шу куни ҳар томонлама тайёр бўлса, ўша жамоа ғалаба қозонади. Яккакурашларда устун келган жамоа ғалаба қозонади. Бунда енгилдингизми, демак мағлубият.
— 7 та ўйинда 0 очко ва 2 та гол. Ўтган йили тарк этган "Шўртан" ҳам 7 та учрашувда 1 очко олган эди. Шу пайтгача тўғирлаб бўлмаётган камчилик қайси эди?
— Биз ҳар бир ўйинда вазиятни яхшилашга ҳаракат қиляпмиз. Жамоа футбол ўйнаяпти, гол уришни бошлаяпти. Хато эвазига ютқазяпмиз. Биз кўп нарсани ўтказиб юбордик. Барибир вақт керак. Раҳбарият буни кўриб чиқиши керак. Яхшироқ мураббий олиб келинса, вазият янада яхшиланиши мумкиндир. Биз қўлимиздан келганича ишлаяпмиз. Ҳозирги ҳолатимизда биринчи ўринда натижа керак.
— Суров бутунлай кетдими?
— У қароргоҳимизда даволаняпти. "Бунёдкор", "Пахтакор", "Навбаҳор"га қарши мен тайёрладим. Суров соғлиғи ёмонлиги учун клуб қароргоҳида. Ҳамма 4 та турда қандай ўйнаганимизни, охирги ўйинларда қандай ҳаракат қилганимизни кўрди. Барча Ўзбекистон чемпионатини кучсиз деб ўйлайди. Лекин ҳозир энг кучайган пайти. Янги мураббий келгани билан киришиб кетиши қийин бўлади.
— Сиз ёшлар билан ишлашни яхши кўрасиз. Суҳроб Пармонқулов сиз келганингиздан бери асосий таркибда ўйнаб келяпти. Таваккал қилиб мана шундай ёшларни майдонга тушириш имкони борми?
— Таваккал қилиш бироз қийинроқ бўлади. Бизга ҳар бир очко олтинга тенг. Мен ўзим ёшлар билан ишлашни яхши кўраман. Лекин вазиятимиз бошқача. Қаердадир ёш ва тажрибани уйғунлаштириб, натижа учун ўйнашимиз керак. Вақт ўтиб бормоқда.
— Нигериялик футболчи Аягва 3 та ўйиндан бери қайдномада йўқ...
— Аягванинг оилавий муаммоси бор. Шу боис ёрдам бера олмаслигини айтди. У руҳан тайёр эмасди.
— "Машъал" икки фронтда кураша оладими? Кубок ва чемпионатда...
— Фикримча, қўлимиздан келади. Мураббий айтгани билан бўлиб қолмайди. Майдонда футболчилар ўйнайди. Мураббий ҳар доим ғалабани истайди. Футболчи ўйнамаса, Гвардиолани олиб келсангиз ҳам ҳеч нарса қила олмайди. Ёшларни текшириб олиш учун ҳам кубок яхши имконият.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
