Бугун ЎзПФЛ биносида аёллар Олий лига ўйинларига қуръа ташлаш маросими ташкиллаштирилди. Жамоалар биринчи турда ким билан рўбарў келишларини ҳамда Бергер тизими бўйича кейинги тур рақибларини ҳам билиб олишди. Қуръа натижаларини “Нефтчи” ва “Севинч” қарама-қаршилиги мисолида кузатамиз.
Мухлиса Отақўзиева (“Нефтчи-W” жамоаси бош мураббийи):
- Қуръа кутилганидек, холисона ўтди. Кучлилар сафидаги илк ўйинимизни мамлакатнинг кўп карра чемпиони, тажрибали футболчи ва мураббийларига эга “Севинч”га қарши ўтказар эканмиз. Бу хабарни машғулот пайтида эшитдик. Рости, мен ҳам, шогирдларим ҳам бундан сира чўчиганимиз йўқ. Аксинча, кучли рақибга қарши янада жиддийроқ тайёрланамиз, мезбонлигимизни унутмасликка ҳаракат қиламиз. Ҳимоявий ўйинни ёқтирмайман, шиорим ҳам “Энг яхши ҳимоя – бу ҳужум”. Оддий жамоа эмаслигимизни исботлашимиз шарт.
Гулнора Давронова (“Нефтчи-W” жамоаси сардори):
- Кайфиятимиз ёмон эмас, чунки буни қуръа дейдилар, бошқа жамоа тушиши ҳам мумкин эди. Ким тушишидан қатъий назар барибир майдонга тушамиз, ўйнаймиз, ўз шаънимиз, вилоятимиз обрўси учун курашамиз. “Севинч”га қарши бор кучимиз билан ҳаракат қиламиз. Сабаби, айнан шу ўйин бизнинг нималарга қодир эканлигимизни белгилаб беради. Негаки, чемпионатда мақсадимиз кучли бешликка кириш.
Владислав Хан (“Севинч” жамоаси бош мураббийи):
- Қуръа рақибни эмас, рақибларимизни, мавсум тақвимини белгилаб берди. Майдонга кимга қарши тушишимиз эмас, қандай натижа кўрсатишимиз муҳим. Клубимиз структурасида ўзгариш бўлди, биз “Насаф”га расман қўшилдик. Лекин ҳозирча бунинг фойда-зиёнини билганимиз йўқ. Автобус, база ва стадионимиздан фойдаланишда давом этяпмиз. Клуб раҳбарлари вазият бунданда яхши бўлишига ваъда беряпти.
Махлиё Сариқова (“Севинч” жамоаси ўйновчи-мураббийи, сардори):
- Қуръа бизга жуда маъқул бўлди. Рақибимизни камситмоқчи эмасман, лекин барибир “Нефтчи-W” “Сўғдиёна-W” ёки “Бунёдкор-W” эмасда. Анча-мунча улгурмаган камчиликларимизни шу ўйин орқали аниқлаб оламиз. Негаки, таркибимизнинг етакчи қизлари анча вақт мамлакат терма жамоаси йиғинида, халқаро турнирларда бўлишди. Улар билан бошқаларнинг бирикишига бироз вақт керак. Айниқса, жисмоний тайёргарлигимизни, касалликдан даволанган футболчиларимизни айнан шу “Нефтчи”га қарши ўйинда текшириб, тиклаб оламиз. Мақсадимиз эса ҳардоимгидек чемпионлик, аввалги шон-шуҳратни такрорлаш.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
