1996 йилнинг биринчи ярмида Гронкьяер ҳали ҳам "Олборг"нинг асосий таркибидаги ўйинчи эмас эди (мураббий Зепп Пионтек Йеспер учун тўқсон дақиқа чидаш қийин деб ҳисобларди), лекин шу билан бирга у ёшлар жамоаси билан жанубдаги турнирда муваффақиятли иштирок этди. Ақл ва тезлик, дриблинг ва икки оёқда зарба беришига маҳлиё бўлган 10 клуб. Улар орасида ҳатто Гронкьяерни сотиб олиб, уни Данияда бизнес мактабида ўқишни тугагунига қадар кутиб туришга тайёр "Интер" ҳам бор эди.
Йеспер рад жавобини берди: "Италия ёш футболчи учун энг яхши жой эмас", деди у Birling Tidende нашрига берган интервьюсида. Гронкьяер Дания ёшлар терма жамоасининг Евро финалига чиққандан сўнг фалиятини эрта тугатган 3 футболчисидан бири эди. Ундан ташқари, ҳужумчи Кенни Торуп (камтарона “Орхус”да ҳам юлдузга айланмади ва жароҳати туфайли ўттиз ёшида фаолиятини якунлади) ва ярим ҳимоячи Карстен Лектонен (у йигирма тўрт ёшида футболни тарк этди ва журналист бўлди).
"Ёшлигида Торуп Гронкьяерга қараганда кўпроқ гол урди, аммо футбол унинг учун ўйин-кулги эди, лекин Йеспер учун ундай эмас эди - футбол Торупни ўйин-кулгини тўхтатгач, у “миллионлар ўйини”ни тарк этди", дейди Лектонен. - Бир марта ҳисоблаб кўрганман: ўн олти ёшда биз йилига икки ойни йиғинда ўтказардик, бу ўсмир учун жуда кўп, натижада биз жисмонан ва маънавий жиҳатдан чарчаган эдик ва бу жамоамиздаги кўпчилик ўйинчиларга ёқмас эди. Уларнинг кўпчилиги Дания суперлигасидан чиқишмаган. Масалан, ёшлар жамоасида ўйнамаган Роммедал ва Аггер юлдузга айланишди.
Гронкьяер ҳам футболни тарк этиш ҳақида ўйлаганди - у "Олборг" базасида кам бўларди, қаҳрамонимиз ёшлар жамоаси ўйинлари ва ўқишларга кўп боғланиб қолган. "Олборг"нинг янги менежери Пер Вестергаард Йесперни чап қанотдаги ҳимоя ролидан озод қилиб, ҳужум марказига ўтказгач, ҳаммаси ўзгарди. Гронктяер бир нечта голлар урди ва "Ливерпуль" устози Рой Эванс ва "Манчестер Юнайтед" скаутини Дания трибуналарига жалб қилди ва шу билан бирга Браян Лаудрупнинг хориждаги фаолиятини ташкил этган биринчи агенти Винченсо Морабитонинг эътиборига тушди.
Инглиз клублари жиддий таклиф билан чиқишмади ва Гронкьяер даниялик мураббий Мортен Олсен ёнига - "Аякс"га учиб кетди, у тахминан олти миллион долларга (Дания рекорди) трансфер қилинган, унинг чорак қисми Гронкьяер ва Морабитога кетган. "Аякс" билан шартнома имзолаган Йеспер ўқишни тугатиш ва мавсумни якунлаш учун тўққиз ой давомида “Олборг”да бўлди. «У биринчи марта «Аякс»дан ёшлар жамоасига келганида, ўзини аввалгидан ҳам камтарона тутди, гўё Даниянинг энг қиммат футболчиси мақомини айтишдан уялди», - дея эслайди Лектонен. "Аякс уни ўзгартирган клуб эди."
Дания Суперлигасининг энг қиммат ўйинчисига айланган Йеспер Birling Tidende нашрига берган интервьюсида шундай деди: "Яхши маънода, ҳеч бир ўйинчи қирқ миллион кронга арзимайди, аммо ҳозир футбол ақлдан озган пулга тўлиб кетди - ва бу ҳақиқат. : Мен ҳам, “Олборг” ҳам ушбу транзакциядан яхши пул олганимиздан хурсандман. Бошқа томондан, пул эркинлик беради, лекин бахт эмас, шунинг учун мен нафақат пул ишлаб, балки ўсадиган клубни танладим. Кейинги ўйинда, “Орхус”га қарши Гронкьяер уни ушлаб олган Николай Расмуссенни ерга қулатади ва фаолиятидаги биринчи қизил карточкани олади. “Олборг” учун уйдаги сўнгги ўйинини ўтказгач, Йеспер клуб спорт директори Линж Якобсендан хафа бўлганини тан олди, у Гронкьяернинг кечқурунлари тунги клубларга жуда кўп бораётгани ҳақидаги аноним хабарларни айтган: “Афсуски, у мендан кўра аноним одамларга кўпроқ ишонарди”.
Амстердамда биринчи олти ой мослашиш учун кетди. Гронкьяер уч ҳужумчи таркибига кўника олмади ва ҳатто "Аякс"да 7 нафар жароҳат олган футболчилар бўлса ҳам у захирада қолди. Ўйин вақти жуда кам эди: сентябрь ойида “Бреда” билан ўйинда Йеспер финал ҳуштаги чалинишидан роппа-роса етти сония олдин Питер Хюстрани алмаштирди ва икки ой ўтгач, Алкмаарда у бразилиялик Вамберто ўрнига иккинчи бўлимга майдонга тушди ва бир оздан сўнг унинг ўрнига Хюстра майдонга тушди. Йеспер шунчалик хафа бўлдики, ўйиндан кейин у Данияга учиб кетди ва деярли бир ой футбол ўйнамади. Бу вақтда “Аякс” биринчи ўринни “Фееноорд”га бой бериб, Чемпионлар лигасидан чиқиб кетди – мухлислар бош мураббий Олсеннинг истеъфосини талаб қилишди. Чемпионлар лигасида “Порту”га ютқазганимиздан сўнг, жамоа раҳбарлари менга худди кимдир ўлгандек қарашди”, - дейди Олсен.
"Аякс"нинг янги бош мураббийи Иан Воутерс Гронкьяерни танқид қилди ("У дриблинг ва тезликни кўрсатишга жуда берилиб кетган, у осонроқ ўйнаши керак") ва февраль ва март ойлари ўртасида Йеспер учта ўйинда бешта гол уришга муваффақ бўлди. Шу воқеалардан сўнг Гронкьяер севгилиси Гитте билан Парижга учиб кетди ва телефонини ўчириб қўйди, шунинг учун у Дания терма жамоасига биринчи марта - Евро-2000 Италияга қарши саралаш ўйинига чақирилганини охирги бўлиб билди. “Йеспер ноёбдир. У тўпсиз югирадиганларга қараганда тезроқ тўп билан югуради", - дейди терма жамоанинг иккинчи мураббийи Флемминг Серитслев янги келган футболчини мақтаб. Жудаҳам зўр бўлди! Гронкьяер ҳужумнинг чап қанотида ўйнади (марказда - Эббе Санд, ўнгда - Мартин Йоргенсен).
Дания мағлуб бўлди, аммо 1999 йилнинг кузида улар Еврога чиқишди ва Гронкьяер янги мавсумни Голландия Суперкубогида "Фееноорд" дарвозасига урган гол билан бошлади. “Рода” билан ўйинда у Арон Винтерга голли узатма берган. Бу “Аякс”ни чемпионатдаги илк мағлубиятдан қутқариб қола олмади. Баҳорга келиб, жамоа тўртинчи ўринга тушиб кетди. ПСВ билан ўйиндаги 0:4 дан сўнг “Аякс” мухлислари клуб автобусига ҳужум қилишди ва эрталаб машғулотлар маркази эшигига ўйинчилар кира олмаслиги учун қулф қўйишди. Май ойининг охирида худди шу ишқибозлар Гронкьяерни клубнинг юз йиллик юбилейини нишонлаган даҳшатли мавсумда "Аякс"нинг энг яхши футболчиси деб танладилар.
Давоми бор.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
