«Челси»га эгалик қилувчи дунёга машҳур олигархлардан бири Роман Абрамович чоршанба куни ўз жамоасини сотиш учун харидор излаётгани ҳақида маълум қилган эди. Ушбу воқеа Буюк Британияда санкциялар қора рўйхатига кириш хавфи остида рўй берганини барча билади. Россиялик миллиардер 19 йил мобайнида «Челси»га эгалик қилди. Ушбу давр жамоа тарихидаги энг шонли тарих сифатида қоладиган бўлди. Рус олигархининг миллионлари клубга энг нуфузли мусобақаларда рақобатлашиш ҳамда қиммат харидларни амалга ошириш имконини берган эди. Қуйида Абрамовичнинг амалга оширган энг қиммат трансферларига бирма-бир тўхталиб ўтамиз.
Фернандо Торрес – 50 миллион фунт
Испаниялик ҳужумчи 2011 йилнинг январида 50 миллион эвазига «Ливерпуль»дан харид қилинади. Ўшанда ушбу трансфер «Челси» тарихидаги энг қимматига айланган эди. Аммо Торрес ўзининг мерсисайддаги қобилиятини Лондонда ҳам намойиш эта билмади. У «Челси»даги дастлабки 46 та ўйинида бор-йўғи 7 та гол уришга эришган, холос. Фернандо «Ливерпуль»да 102 та ўйинда 65 та голга муаллифлик қилганди ва бу, табиийки «Челси»даги пасайишни кўрсатади. Шунга қарамай, клуб мухлислари Фернандо Торреснинг «Барселона»га қарши баҳсда урган ҳал қилувчи голини ҳеч қачон унутмайди. Чунки жамоа ўша йили ЕЧЛни илк марта ютган эди.
Кристиан Пулишич – 57,6 миллион фунт
Америкалик футболчи Абрамович эрасидаги энг қиммат бешта ўйинчидан бири саналади. 23 ёшли вингер 2019 йилнинг январида «Боруссия Дортмунд»дан 57 миллиондан ошиқ маблағ эвазига трансфер қилинади. Пулишич Лондонда ўзи кутган даражага чиқа олмади. Футболчи жароҳат заҳмидан ҳали ҳам қийналмоқда. Бироқ АҚШ терма жамоаси аъзоси «аристократлар»ларнинг энг яхши футболчилари қаторида бўлишга эришган. У ўтган мавсумда жамоасини Европа чемпиони қилишда катта меҳнатни бажарди. Кристиан айни вақтга қадар «Челси» учун 100 та ўйинда иштирок этиб, 21 та голга муаллифлик қилган.
Алваро Мората – 60 миллион фунт
«Челси» 2017 йилнинг июль ойида ўз тарихидаги яна бир қиммат футболчини харид қилди. Мората «Реал»дан сотиб олинади. Испаниялик ҳужумчи ижара даврида «Ювентус»да порлаган эди. Аммо АПЛ у учун омадли макон бўлмади. Икки мавсумдан кейин Мората аввал ижарага, кейинчалик эса доимий равишда «Атлетико»га кўчиб ўтди. У «Челси» билан 72 та ўйинда 24 голга муаллифлик қилди.
Кепа Аррисабалага – 71 миллион фунт
Тибо Куртуани «Реал Мадрид»га сотиб юборгач, «Челси» унинг ўрнига янги номзод қидира бошлади. Ушбу жараён давомида «Атлетик»дан Кепани сотиб олишга келишилади. Ушбу харид «кўклар» учун ўта қимматга тушди. Дарвоза учун 71 миллион фунт сарфлаган жамоа, ўз умидлари рўёбини кўрмади. Чунки Аррисабалага икки мавсум ичида ишончсиз футболчига айланиб қолганди. Шу сабаб унинг ўрни Эдуар Мендига берилди.
Кай Хавертц – 73 миллион фунт
Хавертц Германияда ёрқин порлашга эришади. У «Байер Леверкузен» сафид 150 та ўйинда 46 та гол ургач, гигантлар нишонига айланади. Ёш футболчи учун курашда «Челси» устунлик қилди. Аммо у билан «МЮ», «Бавария» ҳамда «Барселона» ҳам курашга кирганди. Кайга Лондондаги фаолият осон кечмади. Аммо Германия терма жамоаси аъзоси клубга энг муҳим паллаларда ёрдам бермоқда. Айнан унинг голлари сабаб «Челси» ҳозирда ЕЧЛ ҳамда Жаҳон чемпионига айланди.
Ромелу Лукаку – 98 миллион фунт
Лукакуга «Челси»да иккинчи имконият тақдим этилди. Чунки лондонликлар Эрлинг Холандни сотиб олишни удда қила олишмайди. Бельгия терма жамоси аъзоси мавсумни зўр бошлади, «Эмирейтс»да дубл қайд этди. Аммо шундан кейин гол уришда муаммоларга дуч келди. Одамлар эса уни Томас Тухель жамоасига мослигини савол остига қўя бошлади. Айни дамга қадар марказий ҳужумчи барча мусобақаларда 30 марта майдонга тушган. Унинг ҳисобида эса 11 та гол бор.
Сизчи? Сиз Лукаку хариди тўғри бўлган деб ҳисоблайсизми? Жавобларингизни изоҳлар қисмига ёзишни унутманг!
инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Пахтакор
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
