«Манчестер Сити» кеча тунда «Кристал Пэлас»га қарши сафар учрашувида (0:0) кутилмаганда очко йўқотди ва АПЛ чемпионлиги учун курашга супер интрига қўшиб берди. Бу мавсумда ҳали бундайин кескинлик кузатилмаган эди.
Жадвал қуйидагича: «Сити» 29 ўйинда 70 очко, «Ливерпуль» 28 ўйинда 66 очко тўплаган. Ўйинлар тенглаштирилса, «Сити» «Ливерпул»дан атиги бир очкога олдинда холос.
Юрген Клопп жамоасини чоршанба куни оғир синовлардан бири - «Арсенал»га қарши сафар кутиб турибди. Лондонликлар кетма-кет беш ўйиндан бери ғалаба қозониб келаётганини ҳисобга олсак, «Ливерпул»га осон бўлмаслиги аниқ. Лондонликларнинг охирги мағлубияти айнан «Ливерпул»дан қабул қилиб олинган эди. Ўшанда «канонирлар» Лига кубоги ярим финалидан чиқариб юборилган. Микель Артета йигитларида мотивация анча кучли. Уларнинг бу турнирда ўз вазифалари бор - кучли тўртликдан жой олиш ва Чемпионлар лигаси йўлланмасини қўлга киритиш.
«Сити» сўнгги ўйинларда ўзига ўхшамаяпти. Иккала давра баҳсларида ҳам «Саутгемптон», «Тоттенхэм» ва «Пэлас»ни мағлуб эта олмади. Бу «Сити»дек жамоа учун албатта, аянчли фактдир. Январь ойи бошида жамоанинг ҳеч қандай муаммоларсиз чемпионликка эришиши кутилган эди. Ўшанда Гвардиола шогирдларида 50, «Челси»да 42, «Ливерпул»да эса 41 очко мавжуд эди. Энди эса, кўриб турганингиздек, ушбу очколар қисқариб, 1гача тушиб қолмоқда. Дарҳақиқат, бу борада «шаҳарликлар» ноқулай рақиблар билан баҳсларда очко йўқотган.
• 22 январь - 1:1 - «Саутгемптон».
Гвардиола ушбу баҳсни мавсумнинг энг яхши ўйинларидан бири деб таърифлади. Жамоа ҳатто биринчи бўлимни мағлубият билан якунланган эди. Иккинчи таймда Пеп шогирдлари қўлларидан келган барча имкониятларни ишга солди, бироқ булар фойда бермади. Учрашув биринчи даврада бўлгани каби дуранг билан якунланди.
• 19 февраль - 2-3 - «Тоттенхэм».
Бу мавсумда «Сити» учун Конте жамоаси Премьер-лигада иккита ўйинда ҳам ғалаба қозонган ягона жамоа ҳисобланади. Айниқса, иккинчи даврадаги учрашувнинг иккинчи бўлими драматик тарзда кечган: Маҳрез 90+2да пенальтидан ҳисобни тенглаштирган, аммо Кейн 90+5да гол уриб, «Сити»ни ўша бир очкодан ҳам маҳрум қилган эди.
• 14 март - 0:0 - «Кристал Пэлас»
Кечаги баҳсда «шаҳарликлар» тўп назоратида 74%-26% кўрсаткични қайд этди - албатта мезбонлар учун одатий ҳолдек. Лекин одатий уч очко қўлга киритилгани йўқ. Дарҳақиқат, «Пэлас» «шаҳарликлар» учун қулай рақиб эмас: биринчи даврада лондонликлар рақибини 2:0 ҳисобида мағлуб этишган. Қайд этиш керакки, кеча Гвардиола бутун ўйин давомида бирорта ҳам алмаштиришни амалга оширмади ва ўйиндан сўнг бу қарорини тушунтирди: «Майдондаги йигитларнинг барчаси яхши кўринди, ўйин юқори ритмга эга эди, шунинг учун ўзгартиришга журъат эта олмадим. Темпни бузиб қўйгим келмади». Пеп Премьер-лигада бешта алмаштириш ғоясини қўллаб-қувватловчи мураббийлардан бири эканлигини ҳисобга олсак, унинг ушбу интервьюси бироз истеҳзоли туюлгани рост.
Пеп Премьер-лигадаги 12 ўйиннинг бештасида ғалаба қозона олмади. Асосан «Юнайтед» (6), «Тоттенхэм» (7) ва «Ливерпуль» (7) Гвардиоладан очко олиб кетишган жамоалар сифатида эсланади.
«Ливерпуль» - қотил клуб.
Ҳамма Африка кубогидан сўнг «қизиллар»дан оз бўлсада таназзулни кутаётган эди, аммо жамоа йирик турнирдан кейин фақат ғалаба қозонмоқда.
Африка кубогидаги толиқиш «Ливерпул»ни биринчи ўрин учун курашдан чиқариб юбориши мумкиндек туюлди. Салоҳ, Мане ва Кейта асосий баҳсларда майдонга тушмади. Аммо Клопп жамоаси барча турнирлар доирасида 14 та ғалабани қўлга киритди.
• Лига кубогидаги ғалаба, Чемпионлар лигаси чорак финал йўлланмаси, Англия кубоги чорак финали... Буларнинг ҳар бирини ҳисобга олсак, «Ливерпуль» тўрттала фронтда ҳам муносиб кураш олиб борди.
Бу орада фақат битта мағлубият қайд этилди холос - «Интер»га қарши Чемпионлар лигаси 1/8 финал жавоб ўйинида. У ҳам деярли ҳал бўлган учрашувда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
