«Manchester Siti» kecha tunda «Kristal Pelas»ga qarshi safar uchrashuvida (0:0) kutilmaganda ochko yo‘qotdi va APL chempionligi uchun kurashga super intriga qo‘shib berdi. Bu mavsumda hali bundayin keskinlik kuzatilmagan edi.
Jadval quyidagicha: «Siti» 29 o‘yinda 70 ochko, «Liverpul» 28 o‘yinda 66 ochko to‘plagan. O‘yinlar tenglashtirilsa, «Siti» «Liverpul»dan atigi bir ochkoga oldinda xolos.
Yurgen Klopp jamoasini chorshanba kuni og‘ir sinovlardan biri - «Arsenal»ga qarshi safar kutib turibdi. Londonliklar ketma-ket besh o‘yindan beri g‘alaba qozonib kelayotganini hisobga olsak, «Liverpul»ga oson bo‘lmasligi aniq. Londonliklarning oxirgi mag‘lubiyati aynan «Liverpul»dan qabul qilib olingan edi. O‘shanda «kanonirlar» Liga kubogi yarim finalidan chiqarib yuborilgan. Mikel Arteta yigitlarida motivasiya ancha kuchli. Ularning bu turnirda o‘z vazifalari bor - kuchli to‘rtlikdan joy olish va Chempionlar ligasi yo‘llanmasini qo‘lga kiritish.
«Siti» so‘nggi o‘yinlarda o‘ziga o‘xshamayapti. Ikkala davra bahslarida ham «Sautgempton», «Tottenxem» va «Pelas»ni mag‘lub eta olmadi. Bu «Siti»dek jamoa uchun albatta, ayanchli faktdir. Yanvar oyi boshida jamoaning hech qanday muammolarsiz chempionlikka erishishi kutilgan edi. O‘shanda Gvardiola shogirdlarida 50, «Chelsi»da 42, «Liverpul»da esa 41 ochko mavjud edi. Endi esa, ko‘rib turganingizdek, ushbu ochkolar qisqarib, 1gacha tushib qolmoqda. Darhaqiqat, bu borada «shaharliklar» noqulay raqiblar bilan bahslarda ochko yo‘qotgan.
• 22 yanvar - 1:1 - «Sautgempton».
Gvardiola ushbu bahsni mavsumning eng yaxshi o‘yinlaridan biri deb ta’rifladi. Jamoa hatto birinchi bo‘limni mag‘lubiyat bilan yakunlangan edi. Ikkinchi taymda Pep shogirdlari qo‘llaridan kelgan barcha imkoniyatlarni ishga soldi, biroq bular foyda bermadi. Uchrashuv birinchi davrada bo‘lgani kabi durang bilan yakunlandi.
• 19 fevral - 2-3 - «Tottenxem».
Bu mavsumda «Siti» uchun Konte jamoasi Premyer-ligada ikkita o‘yinda ham g‘alaba qozongan yagona jamoa hisoblanadi. Ayniqsa, ikkinchi davradagi uchrashuvning ikkinchi bo‘limi dramatik tarzda kechgan: Mahrez 90+2da penaltidan hisobni tenglashtirgan, ammo Keyn 90+5da gol urib, «Siti»ni o‘sha bir ochkodan ham mahrum qilgan edi.
• 14 mart - 0:0 - «Kristal Pelas»
Kechagi bahsda «shaharliklar» to‘p nazoratida 74%-26% ko‘rsatkichni qayd etdi - albatta mezbonlar uchun odatiy holdek. Lekin odatiy uch ochko qo‘lga kiritilgani yo‘q. Darhaqiqat, «Pelas» «shaharliklar» uchun qulay raqib emas: birinchi davrada londonliklar raqibini 2:0 hisobida mag‘lub etishgan. Qayd etish kerakki, kecha Gvardiola butun o‘yin davomida birorta ham almashtirishni amalga oshirmadi va o‘yindan so‘ng bu qarorini tushuntirdi: «Maydondagi yigitlarning barchasi yaxshi ko‘rindi, o‘yin yuqori ritmga ega edi, shuning uchun o‘zgartirishga jur’at eta olmadim. Tempni buzib qo‘ygim kelmadi». Pep Premyer-ligada beshta almashtirish g‘oyasini qo‘llab-quvvatlovchi murabbiylardan biri ekanligini hisobga olsak, uning ushbu intervyusi biroz istehzoli tuyulgani rost.
Pep Premyer-ligadagi 12 o‘yinning beshtasida g‘alaba qozona olmadi. Asosan «Yunayted» (6), «Tottenxem» (7) va «Liverpul» (7) Gvardioladan ochko olib ketishgan jamoalar sifatida eslanadi.
«Liverpul» - qotil klub.
Hamma Afrika kubogidan so‘ng «qizillar»dan oz bo‘lsada tanazzulni kutayotgan edi, ammo jamoa yirik turnirdan keyin faqat g‘alaba qozonmoqda.
Afrika kubogidagi toliqish «Liverpul»ni birinchi o‘rin uchun kurashdan chiqarib yuborishi mumkindek tuyuldi. Saloh, Mane va Keyta asosiy bahslarda maydonga tushmadi. Ammo Klopp jamoasi barcha turnirlar doirasida 14 ta g‘alabani qo‘lga kiritdi.
• Liga kubogidagi g‘alaba, Chempionlar ligasi chorak final yo‘llanmasi, Angliya kubogi chorak finali... Bularning har birini hisobga olsak, «Liverpul» to‘rttala frontda ham munosib kurash olib bordi.
Bu orada faqat bitta mag‘lubiyat qayd etildi xolos - «Inter»ga qarshi Chempionlar ligasi 1/8 final javob o‘yinida. U ham deyarli hal bo‘lgan uchrashuvda.
Xorazm
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
