Бугун Чемпионлар Лигаси чорак финал йўлланмаси учун «МЮ» ва «Атлетико» жамоалари кураш олиб боришади.
Бунга қадар бир қанча қизиқарли маълумотларни тақдим этамиз.
Жамоаларнинг олдинги ўзаро учрашувлари
"Манчестер Юнайтед" ҳамда «Атлетико» клублари Европа Чемпионлар Лигаси доирасида жорий мавсумга қадар бир маротаба ҳам тўқнаш келишмаган. Уларнинг илк ўйини 23 февраль куни Мадридда ўтказилди ва 1:1 ҳисобидаги дуранг натижа қайд этилди.
Баҳснинг 7-дақиқасида Жоао Феликс «матрасчилар»ни олдинга олиб чиқди. Учрашувнинг 80-дақиқасига қадар шу ҳисоб сақланиб қолди ва манчестерликларнинг ёш иқтидорларидан бири Эланганинг голи ҳисоб тенглашишига олиб келди. Шу тариқа, жамоаларнинг биринчи ўйинида ғолиб номи аниқланмади.
Эланганинг голи «МЮ»нинг Чемпионлар Лигаси гуруҳ ва плей-офф босқичларида киритган 400-голи сифатида тарихга кирди. «Атлетико»дан ўтказиб юборилган гол эса манчестерликлар учун 100-гол сифатида қайд этилди.
Томонлар олдин УЕФА Кубок Эгалари Кубоги номи остида ўтказилган мусобақада икки бор тўқнаш келишган. 1991 йилда ўтказилган учрашувларда «Атлетико» умумий 4:1 ҳисобида ғалаба қозонган.
Дастлаб 23 октябрда Мадридда бўлиб ўтган баҳсда мезбонлар Футренинг дубли ва Манолонинг голи эвазига 3:0 ҳисоби билан ғалабага эришишган. Орадан икки ҳафта ўтиб ўтказилган "Олд Траффорд"даги ўйинда 1:1 натижаси кузатилган. Беллашувда Хюснинг голига Шустер жавоб қайтарган.
Умуман олганда, "Манчестер Юнайтед"нинг испан жамоаларига қарши умумий натижалари қониқарли эмас. Расмий ўйинларда "қизил иблислар" Испания клубларига қарши жами 65 ўйинда майдонга тушган ва 18 бор ғалаба қозонган (25 дуранг, 22 мағлубият).
«Атлетико»да эса кўрсаткичлар ижобий. Мадридликлар расмий баҳсларда Англия клубларига қарши умумий 36 ўйин ўтказган ва 13 тадан ғалаба ҳамда дуранг қайд этган (10 мағлубият).
Жамоаларнинг бугунги учрашув учун тахминий таркиблари қуйидагича:
"Манчестер Юнайтед": Де Хеа, Ван-Биссака, Магуайр, Варан, Шоу, Фред, МакТоминей, Эланга, Бруну Фернандеш, Санчо, Роналду.
«Атлетико»: Облак, Савич, Хименес, Реинилдо, Льоренте, Эррера, Коке, Де Пауль, Лоди, Жоао Феликс, Гризманн.
Учрашув бугун Тошкент вақти билан 01:00да бошланиши режалаштирилган. Эслатиб ўтамиз, сафардаги гол ҳеч қандай аҳамиятга эмас.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
