Bugun Chempionlar Ligasi chorak final yo‘llanmasi uchun «MYU» va «Atletiko» jamoalari kurash olib borishadi.
Bunga qadar bir qancha qiziqarli ma’lumotlarni taqdim etamiz.
Jamoalarning oldingi o‘zaro uchrashuvlari
"Manchester Yunayted" hamda «Atletiko» klublari Yevropa Chempionlar Ligasi doirasida joriy mavsumga qadar bir marotaba ham to‘qnash kelishmagan. Ularning ilk o‘yini 23 fevral kuni Madridda o‘tkazildi va 1:1 hisobidagi durang natija qayd etildi.
Bahsning 7-daqiqasida Joao Feliks «matraschilar»ni oldinga olib chiqdi. Uchrashuvning 80-daqiqasiga qadar shu hisob saqlanib qoldi va manchesterliklarning yosh iqtidorlaridan biri Elanganing goli hisob tenglashishiga olib keldi. Shu tariqa, jamoalarning birinchi o‘yinida g‘olib nomi aniqlanmadi.
Elanganing goli «MYU»ning Chempionlar Ligasi guruh va pley-off bosqichlarida kiritgan 400-goli sifatida tarixga kirdi. «Atletiko»dan o‘tkazib yuborilgan gol esa manchesterliklar uchun 100-gol sifatida qayd etildi.
Tomonlar oldin UYEFA Kubok Egalari Kubogi nomi ostida o‘tkazilgan musobaqada ikki bor to‘qnash kelishgan. 1991 yilda o‘tkazilgan uchrashuvlarda «Atletiko» umumiy 4:1 hisobida g‘alaba qozongan.
Dastlab 23 oktyabrda Madridda bo‘lib o‘tgan bahsda mezbonlar Futrening dubli va Manoloning goli evaziga 3:0 hisobi bilan g‘alabaga erishishgan. Oradan ikki hafta o‘tib o‘tkazilgan "Old Trafford"dagi o‘yinda 1:1 natijasi kuzatilgan. Bellashuvda Xyusning goliga Shuster javob qaytargan.
Umuman olganda, "Manchester Yunayted"ning ispan jamoalariga qarshi umumiy natijalari qoniqarli emas. Rasmiy o‘yinlarda "qizil iblislar" Ispaniya klublariga qarshi jami 65 o‘yinda maydonga tushgan va 18 bor g‘alaba qozongan (25 durang, 22 mag‘lubiyat).
«Atletiko»da esa ko‘rsatkichlar ijobiy. Madridliklar rasmiy bahslarda Angliya klublariga qarshi umumiy 36 o‘yin o‘tkazgan va 13 tadan g‘alaba hamda durang qayd etgan (10 mag‘lubiyat).
Jamoalarning bugungi uchrashuv uchun taxminiy tarkiblari quyidagicha:
"Manchester Yunayted": De Xea, Van-Bissaka, Maguayr, Varan, Shou, Fred, MakTominey, Elanga, Brunu Fernandesh, Sancho, Ronaldu.
«Atletiko»: Oblak, Savich, Ximenes, Reinildo, Lyorente, Errera, Koke, De Paul, Lodi, Joao Feliks, Grizmann.
Uchrashuv bugun Toshkent vaqti bilan 01:00da boshlanishi rejalashtirilgan. Eslatib o‘tamiz, safardagi gol hech qanday ahamiyatga emas.
Dinamo
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
