Амалдаги чемпион «Пахтакор» 3-турдаёқ очко йўқотди - лига дебютанти «Олимпик» «шерлар»ни ўйин нуқтаи назаридан ҳам анча қийнаб қўйди. 1:1 ҳисобида якунланган баҳсда Темур Кападзе жамоаси ҳаттоки, ғалабани ўз томонига оғдириши ҳам ҳеч гап эмасди, фақат ёш футболчиларга ҳал қилувчи паллада совуққонлик етишмади. Шунингдек, дастлабки 2та ўйинда 6 очко олган «Қизилқум» бу сафар «Динамо» билан баҳсда нурсиз дурангга кўнди. «Навбаҳор» эса худди Термизда бўлгани каби Элгужа Григалашвили ва Зоран Марушичнинг голлари эвазига навбатдаги ғалабани расмийлаштирди. Фарқи шуки, бу сафар 2:0 ҳисобида. Диққат, 3-турдан кейин турнир жадвалида 4та жамоа 7тадан очко билан пешқадамлик қилмоқда. Ҳа, ҳозирча «интрига» жойида.
*** 3та турдан сўнг гол қувончини туймаган битта жамоа қолди - «Динамо». Тўғри, самарқандликлар ўз ҳисобларига дастлабки очкони ёзиб қўйишди.
*** Элгужа Григалашвили («Навбаҳор») Ўзбекистон чемпионатидаги 100-ўйинини 36-голи билан безади.
*** «Олимпик»нинг Суперлигадаги тарихий дебоча голи Руслан Жиянов ҳисобига ёзилди.
*** Суперлига-2022даги биринчи «дубль» муаллифи - Иброҳим Томива («Бунёдкор»).
ТУР ҚАҲРАМОНИ - ИБРОҲИМ ТОМИВА
Йўқ, «Бунёдкор» легионери - Иброҳим Гбадамоси Томивани Суперлига-2022 ҳисобидан «дубл»лар ҳисобини очгани учунгина танламадик. Нигериялик ҳужумчи «Локомотив»га қарши кечган «Тошкент дербиси»да голлар уриш баробарида на ўзи тиним билди, на «темирйўлчилар»га тинчлик берди. Хуллас, Иброҳим ҳамиша воқеалар марказида бўлишга уринди. Бу ҳаракатлари самараси - мавсумдаги биринчи «дубль»!
ТУР ИҚТИБОСЛАРИ
- VAR йўқлиги панд берди. Агар тизим ишлаганида, гол урилган вазиятда барчасига ойдинлик киритиларди. Луисма Эрнандес («Металлург» бош мураббийи).
- Назаримда, бугун 2 очко йўқотдик. Балки дуранг адолатли натижадир, лекин бизда яхши имкониятлар кўп бўлди. Қисқаси, ўйин жиҳатидан ғалабага лойиқ эдик. Темур Кападзе («Олимпик» бош мураббийи).
- Футболда омаддан ташқари, сифат ҳам муҳим. Предраг Роган («Динамо» бош мураббийи).
- Хато қилишимизда «Навбаҳор» мухлислари ўрни ҳам бор. Даврон Файзиев («Қўқон-1912» мураббийи).
- Асосиси, мухлислар кўзида қувонч кўрдик. Шунинг учун керак бўлса, кунига 24 соат - эрталабдан тонггача ишлашимиз зарур. Самвел Бабаян («Навбаҳор» бош мураббийи).
- VAR кўп вақт олмоқда, барибир. Демак, камчилик бор. Денис Коростиченко («Локомотив» бош мураббийи).
- Олдимизга кучли учликка кириш вазифаси қўйилган. Буни уддалашимиз шарт. Ҳаммаси ҳали олдинда. Илҳом Мўминжонов («Нефтчи» бош мураббийи).
«МЕТАЛЛУРГ» - «СУРХОН» - 0:0
«ОЛИМПИК» - «ПАХТАКОР» - 1:1 (1:1)
«ДИНАМО» - «ҚИЗИЛҚУМ» - 0:0
«НАВБАҲОР» - «ҚЎҚОН-1912» - 2:0 (1:0)
«БУНЁДКОР» - «ЛОКОМОТИВ» - 2:1 (0:0)
«НЕФТЧИ» - «СЎҒДИЁНА» - 1:2 (0:2)
ОКМК- «НАСАФ» ўйини қолдирилди.
ТУР СТАТИСТИКАСИ
Ўйин: 6
Гол: 10 (ўртача: 1,66...)
Томошабин: 20358 (ўртача: 3393)
Мезбонлар ғалабаси: 2
Меҳмонлар ғалабаси: 1
Дуранг: 3
Йирик ҳисобли ғалаба: -
Энг сермаҳсул ўйинлар: «Бунёдкор» - «Локомотив», «Нефтчи» - «Сўғдиёна» (3тадан гол)
Огоҳлантириш: 30 (ўртача: 5)
Четлатиш: 2 (ўртача: 0,28...)
Энг «қўпол» ўйин: «Олимпик» - «Пахтакор» (5та сариқ } 2та қизил карточка)
Энг кўп томошабин кирган ўйин: «Навбаҳор» - «Қўқон-1912» (12870)
Пенальти: 2 (самарали)
«Дубль»: 1 (Иброҳим Томива, «Бунёдкор»)
«Хет-трик»: -
Автогол: 1 (Авазбек Ўлмасалиев, «Бунёдкор»)
ТЎПУРАРЛАР:
Драган Черан («Пахтакор») - 2та
Элгужа Григалашвили («Навбаҳор») - 2та
Зоран Марушич («Навбаҳор») - 2та...
4-ТУР ЎЙИНЛАРИ
31 март (пайшанба)
18:30 «ҚЎҚОН-1912» - «МЕТАЛЛУРГ»
19:00 «БУНЁДКОР» - «ДИНАМО»
1 апрель (жума)
18:30 «ҚИЗИЛҚУМ» - «НЕФТЧИ»
18:30 «СУРХОН» - АГМК
19:00 «ПАХТАКОР» - «НАВБАҲОР»
2 апрель (шанба)
18:30 «ЛОКОМОТИВ» - «НАСАФ»
18:30 «СЎҒДИЁНА» - «ОЛИМПИК»
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
