Amaldagi chempion «Paxtakor» 3-turdayoq ochko yo‘qotdi - liga debyutanti «Olimpik» «sherlar»ni o‘yin nuqtai nazaridan ham ancha qiynab qo‘ydi. 1:1 hisobida yakunlangan bahsda Temur Kapadze jamoasi hattoki, g‘alabani o‘z tomoniga og‘dirishi ham hech gap emasdi, faqat yosh futbolchilarga hal qiluvchi pallada sovuqqonlik yetishmadi. Shuningdek, dastlabki 2ta o‘yinda 6 ochko olgan «Qizilqum» bu safar «Dinamo» bilan bahsda nursiz durangga ko‘ndi. «Navbahor» esa xuddi Termizda bo‘lgani kabi Elguja Grigalashvili va Zoran Marushichning gollari evaziga navbatdagi g‘alabani rasmiylashtirdi. Farqi shuki, bu safar 2:0 hisobida. Diqqat, 3-turdan keyin turnir jadvalida 4ta jamoa 7tadan ochko bilan peshqadamlik qilmoqda. Ha, hozircha «intriga» joyida.
*** 3ta turdan so‘ng gol quvonchini tuymagan bitta jamoa qoldi - «Dinamo». To‘g‘ri, samarqandliklar o‘z hisoblariga dastlabki ochkoni yozib qo‘yishdi.
*** Elguja Grigalashvili («Navbahor») O‘zbekiston chempionatidagi 100-o‘yinini 36-goli bilan bezadi.
*** «Olimpik»ning Superligadagi tarixiy debocha goli Ruslan Jiyanov hisobiga yozildi.
*** Superliga-2022dagi birinchi «dubl» muallifi - Ibrohim Tomiva («Bunyodkor»).
TUR QAHRAMONI - IBROHIM TOMIVA
Yo‘q, «Bunyodkor» legioneri - Ibrohim Gbadamosi Tomivani Superliga-2022 hisobidan «dubl»lar hisobini ochgani uchungina tanlamadik. Nigeriyalik hujumchi «Lokomotiv»ga qarshi kechgan «Toshkent derbisi»da gollar urish barobarida na o‘zi tinim bildi, na «temiryo‘lchilar»ga tinchlik berdi. Xullas, Ibrohim hamisha voqealar markazida bo‘lishga urindi. Bu harakatlari samarasi - mavsumdagi birinchi «dubl»!
TUR IQTIBOSLARI
- VAR yo‘qligi pand berdi. Agar tizim ishlaganida, gol urilgan vaziyatda barchasiga oydinlik kiritilardi. Luisma Ernandes («Metallurg» bosh murabbiyi).
- Nazarimda, bugun 2 ochko yo‘qotdik. Balki durang adolatli natijadir, lekin bizda yaxshi imkoniyatlar ko‘p bo‘ldi. Qisqasi, o‘yin jihatidan g‘alabaga loyiq edik. Temur Kapadze («Olimpik» bosh murabbiyi).
- Futbolda omaddan tashqari, sifat ham muhim. Predrag Rogan («Dinamo» bosh murabbiyi).
- Xato qilishimizda «Navbahor» muxlislari o‘rni ham bor. Davron Fayziyev («Qo‘qon-1912» murabbiyi).
- Asosisi, muxlislar ko‘zida quvonch ko‘rdik. Shuning uchun kerak bo‘lsa, kuniga 24 soat - ertalabdan tonggacha ishlashimiz zarur. Samvel Babayan («Navbahor» bosh murabbiyi).
- VAR ko‘p vaqt olmoqda, baribir. Demak, kamchilik bor. Denis Korostichenko («Lokomotiv» bosh murabbiyi).
- Oldimizga kuchli uchlikka kirish vazifasi qo‘yilgan. Buni uddalashimiz shart. Hammasi hali oldinda. Ilhom Mo‘minjonov («Neftchi» bosh murabbiyi).
«METALLURG» - «SURXON» - 0:0
«OLIMPIK» - «PAXTAKOR» - 1:1 (1:1)
«DINAMO» - «QIZILQUM» - 0:0
«NAVBAHOR» - «QO‘QON-1912» - 2:0 (1:0)
«BUNYODKOR» - «LOKOMOTIV» - 2:1 (0:0)
«NEFTCHI» - «SO‘G‘DIYONA» - 1:2 (0:2)
OKMK- «NASAF» o‘yini qoldirildi.
TUR STATISTIKASI
O‘yin: 6
Gol: 10 (o‘rtacha: 1,66...)
Tomoshabin: 20358 (o‘rtacha: 3393)
Mezbonlar g‘alabasi: 2
Mehmonlar g‘alabasi: 1
Durang: 3
Yirik hisobli g‘alaba: -
Eng sermahsul o‘yinlar: «Bunyodkor» - «Lokomotiv», «Neftchi» - «So‘g‘diyona» (3tadan gol)
Ogohlantirish: 30 (o‘rtacha: 5)
Chetlatish: 2 (o‘rtacha: 0,28...)
Eng «qo‘pol» o‘yin: «Olimpik» - «Paxtakor» (5ta sariq } 2ta qizil kartochka)
Eng ko‘p tomoshabin kirgan o‘yin: «Navbahor» - «Qo‘qon-1912» (12870)
Penalti: 2 (samarali)
«Dubl»: 1 (Ibrohim Tomiva, «Bunyodkor»)
«Xet-trik»: -
Avtogol: 1 (Avazbek O‘lmasaliyev, «Bunyodkor»)
TO‘PURARLAR:
Dragan Cheran («Paxtakor») - 2ta
Elguja Grigalashvili («Navbahor») - 2ta
Zoran Marushich («Navbahor») - 2ta...
4-TUR O‘YINLARI
31 mart (payshanba)
18:30 «QO‘QON-1912» - «METALLURG»
19:00 «BUNYODKOR» - «DINAMO»
1 aprel (juma)
18:30 «QIZILQUM» - «NEFTCHI»
18:30 «SURXON» - AGMK
19:00 «PAXTAKOR» - «NAVBAHOR»
2 aprel (shanba)
18:30 «LOKOMOTIV» - «NASAF»
18:30 «SO‘G‘DIYONA» - «OLIMPIK»
O‘zbekiston
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
