Ҳозирда “Барселона”нинг 6 нафар футболчиси ижарада.
Келинг, уларнинг янги клублардаги ютуқларини кўриб чиқамиз ва уларнинг трансферини тахмин қиламиз.
Антуан Гризманн ("Атлетико Мадрид")
Голлар: 8.
Голли узатмалар: 5.
Гризманн Диего Симеоне қўл остида яна ўзини кўрсатмоқда. Франциялик футболчи "Атлетико"нинг Чемпионлар лигасидаги муҳим ижрочиси бўлмоқда. У мусобақада 4 та гол урди ва 2 та голли узатмани амалга оширди.
Орада 31 ёшли футболчи мушакларидан жароҳат олди ва декабрдан февралгача майдонга туша олмади, аммо у яна асосий таркибга қайтган.
Таҳминий трансфери: "Атлетико Мадрид" Гризманнни 2023 йилда сотиб олишдан олдин унинг ижарасини яна бир мавсумга узайтирмоқчи.
Филиппе Коутиньо («Астон Вилла»)
Голлар: 4.
Голли узатмалар: 3.
Бразилиялик футболчи январь ойидан бери ижарада тўп сурмоқда ва у аллақачон "Астон Вилла"нинг ўйинларига катта таъсир ўтказмоқда.
29 ёшли футболчи яна Премьер-лигага қайтганидан хурсанд ва у ерда ўзини уйидагидек ҳис қилмоқда.
Таҳминий трансфери: "Астон Вилла" Коутиньони 40 миллион еврога сотиб олади.
Миралем Пьянич (“Бешиктош”)
Голлар: 0.
Голли узатмалар: 4.
Босниялик футболчи турклар учун муҳим ўйинчи бўлган, бироқ унинг жаоҳати футболчига анча ҳалақит бермлқда.
31 ёшли футболчи 79 кундан бери майдонга тушгани йўқ. Пьянич ҳозир ҳам жароҳатда.
Таҳминий трансфери: “Бешиктош” футболчини арзимаган пулга сотиб олиши мумкин.
Франсиско Тринкау (“Вулверхэмптон”)
Голлар: 2.
Голли узатмалар: 1.
Сўнгги ҳафталарда португал "Вулверхэмптон" учун яхши ўйин кўрсата бошлади. "Лидс Юнайтед"га қарши ўйинда у асосий таркибга киритилганидан сўнг гол урди ва ассистентлик қилди.
Таҳминий трансфер: Тринкау "Барселона"га қайтади, аммо каталонияликлар уни Португалиянинг "Спортинг" ёки "Бенфика" клубига сотишади; Қанот футболчиси Адама Траоре билан шартнома имзолашда савдо воситаси сифатида ҳам фойдаланиши мумкин.
Иньяки Пенья (“Галатасарой”)
Учрашувлар: 8.
Ўтказиб юборилган голлар: 11.
"Галатасарой" “Барселона”нинг учинчи дарвозабонининг ўйинидан кўнгли тўлмоқда - у айниқса Европа Лигаси "блаугранас"га қарши ўйинларда яхши ўйнади.
Таҳминий трансфер: "Барселона" кейинги мавсумда Пеньяни жамоада олиб қолади ва Марк-Андре тер Штегендан кейин жамоанинг иккинчи рақамли посбони бўлади.
Алекс Колладо (“Гранада”)
Голлар: 0.
Голли узатмалар: 1.
Колладо январь ойида "Гранада"га ўтганидан бери унчалик яхши таассурот қолдирмаётган эди. Ваҳоланки, унинг “Алавес”га қарши сўнгги ўйини ҳақиқатдан ҳам ажойиб бўлган, у ўша куни ҳужумкор ўйин кўрсатди ва голли узатма амалга оширди.
Трансфер таҳмини: "Барселона" вингерни шу ёзда сотади. Ҳозирча унга жиддий харидор топилганича йўқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
