Бугун Қатар мамлакатида бўлиб ўтадиган футбол бўйича жаҳон чемпионатининг финал босқичига қуръа ташлаш маросими бўлиб ўтади. Ушбу тадбир ҳақида муҳим маълумотларни эътиборингизга ҳавола этамиз.
Қачон ва қаерда?
Қуръа ташлаш маросими 1 апрель куни Қатар пойтахти Доҳа шаҳрида бўлиб ўтади. Маросим Тошкент вақти билан 21:00да бошланади.
Қайси жамоалар иштирок этади?
Жаҳон чемпионатида 32та терма жамоа иштирок этади. Ҳозирда улардан 29тасининг номи маълум. Европада битта йўлланма соҳиби, шунингдек, қитълараро плей-офф баҳсларидан сўнг яна 2та жамоа номи аниқ бўлади. Мусобақада Европадан 13 ва Африкадан 5 жамоа иштирок этади. Ҳозирча Осиёнинг 5, Жанубий Американинг 4 ва КОНКАКАФнинг 3та жамоалари йўлланмани қўлга киритишган. Қитъалараро плей-офф баҳсларидан кейин мазкур рақамлар ўзгаради. Саралаш босқичида ўтказилиши керак бўлган ўйинлар:
Европа саралаш плей-офф
Уэльс - Шотландия/Украина
Қитъалараро плей-офф
1. Коста Рика - Янги Зеландия
2. БАА/Австралия - Перу
Саватчалар таркиби
32та жамоа ФИФАнинг 31 март кунги рейтинги асосида 4та саватчага ажратилишган. Ҳар бир саватдан 8тадан терма жамоа ўрин олишган. Бир саватчадан ўрин олган термалар бир гуруҳга тушишмайди.
1-саватча:
Қатар (мезбон, ФИФА рейтингидаги ўрни — 55)
Бразилия (1)
Бельгия (2)
Франция (3)
Аргентина (4)
Англия (5)
Испания (7)
Португалия (8)
2-саватча:
Мексика (9)
Нидерландия (10)
Дания (11)
Германия (12)
Уругвай (13)
Швейцария (14)
АҚШ (15)
Хорватия (16)
3-саватча:
Сенегал (20)
Эрон (21)
Япония (23)
Марокаш (24)
Сербия (25)
Польша (26)
Жанубий Корея (29)
Тунис (35)
4-саватча:
Камерун (37)
Канада (38)
Эквадор (46)
Саудия Арабистони (49)
Гана (60)
Европа плей-офф ғолиби
Қитъалараро плей-офф №1
Қитъалараро плей-офф №2
Қуръа тартиби
1) Қуръа 1-саватчадан бошланиб, 4-саватчада якунланади. Қатар терма жамоаси мезбон сифатида "А" гуруҳининг 1-поғонасидан жой олади. 1-саватчанинг қолган жамоалари "B" гуруҳидан "H" гуруҳигача жойлаштириб чиқилади. Шундан сўнг 2, 3 ва 4-саватча вакиллари "А" гуруҳидан "H" гуруҳигача кейинги поғоналардан ўрин олишади.
2) Бир гуруҳда битта Конфедерациянинг фақат битта вакили ўрин олади. Европа бундан мустасно. Европадан 13та жамоа Мундиалда иштирок этишини инобатга олганда, 5та гуруҳда иккитадан, 3та гуруҳда эса Европанинг биттадан терма жамоаси ўрин олади.
3) Шунингдек, қуръа жараёнида плей-офф босқичи орқали аниқланадиган жамоаларнинг географик жойлашуви инобатга олинади. Масалан, Коста Рика - Янги Зеландия ўйини ғолиби КОНКАКАФ вакили ўрин олган гуруҳдан жой олмайди, БАА/Австралия - Перу ғолиби эса Осиё ва Жанубий Америка термалари мавжуд гуруҳга жойлаштирилмайди.
Тақвим
Жаҳон чемпионати 2022 йилнинг 21 ноябридан 18 декабрига қадар Қатар мамлакатида бўлиб ўтади. Турнирнинг очилиш учрашуви Қатар ва "А" гуруҳининг 2-жамоаси ўртасида бўлиб ўтади. Гуруҳ босқичидан ҳар куни 4тадан ўйин ўтказилса, нимчорак ва чорак финалда ҳар иккитадан учрашув бўлиб ўтади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
