Bugun Qatar mamlakatida bo‘lib o‘tadigan futbol bo‘yicha jahon chempionatining final bosqichiga qur’a tashlash marosimi bo‘lib o‘tadi. Ushbu tadbir haqida muhim ma’lumotlarni e’tiboringizga havola etamiz.
Qachon va qayerda?
Qur’a tashlash marosimi 1 aprel kuni Qatar poytaxti Doha shahrida bo‘lib o‘tadi. Marosim Toshkent vaqti bilan 21:00da boshlanadi.
Qaysi jamoalar ishtirok etadi?
Jahon chempionatida 32ta terma jamoa ishtirok etadi. Hozirda ulardan 29tasining nomi ma’lum. Yevropada bitta yo‘llanma sohibi, shuningdek, qit’lararo pley-off bahslaridan so‘ng yana 2ta jamoa nomi aniq bo‘ladi. Musobaqada Yevropadan 13 va Afrikadan 5 jamoa ishtirok etadi. Hozircha Osiyoning 5, Janubiy Amerikaning 4 va KONKAKAFning 3ta jamoalari yo‘llanmani qo‘lga kiritishgan. Qit’alararo pley-off bahslaridan keyin mazkur raqamlar o‘zgaradi. Saralash bosqichida o‘tkazilishi kerak bo‘lgan o‘yinlar:
Yevropa saralash pley-off
Uels - Shotlandiya/Ukraina
Qit’alararo pley-off
1. Kosta Rika - Yangi Zelandiya
2. BAA/Avstraliya - Peru
Savatchalar tarkibi
32ta jamoa FIFAning 31 mart kungi reytingi asosida 4ta savatchaga ajratilishgan. Har bir savatdan 8tadan terma jamoa o‘rin olishgan. Bir savatchadan o‘rin olgan termalar bir guruhga tushishmaydi.
1-savatcha:
Qatar (mezbon, FIFA reytingidagi o‘rni — 55)
Braziliya (1)
Belgiya (2)
Fransiya (3)
Argentina (4)
Angliya (5)
Ispaniya (7)
Portugaliya (8)
2-savatcha:
Meksika (9)
Niderlandiya (10)
Daniya (11)
Germaniya (12)
Urugvay (13)
Shveysariya (14)
AQSH (15)
Xorvatiya (16)
3-savatcha:
Senegal (20)
Eron (21)
Yaponiya (23)
Marokash (24)
Serbiya (25)
Polsha (26)
Janubiy Koreya (29)
Tunis (35)
4-savatcha:
Kamerun (37)
Kanada (38)
Ekvador (46)
Saudiya Arabistoni (49)
Gana (60)
Yevropa pley-off g‘olibi
Qit’alararo pley-off №1
Qit’alararo pley-off №2
Qur’a tartibi
1) Qur’a 1-savatchadan boshlanib, 4-savatchada yakunlanadi. Qatar terma jamoasi mezbon sifatida "A" guruhining 1-pog‘onasidan joy oladi. 1-savatchaning qolgan jamoalari "B" guruhidan "H" guruhigacha joylashtirib chiqiladi. Shundan so‘ng 2, 3 va 4-savatcha vakillari "A" guruhidan "H" guruhigacha keyingi pog‘onalardan o‘rin olishadi.
2) Bir guruhda bitta Konfederasiyaning faqat bitta vakili o‘rin oladi. Yevropa bundan mustasno. Yevropadan 13ta jamoa Mundialda ishtirok etishini inobatga olganda, 5ta guruhda ikkitadan, 3ta guruhda esa Yevropaning bittadan terma jamoasi o‘rin oladi.
3) Shuningdek, qur’a jarayonida pley-off bosqichi orqali aniqlanadigan jamoalarning geografik joylashuvi inobatga olinadi. Masalan, Kosta Rika - Yangi Zelandiya o‘yini g‘olibi KONKAKAF vakili o‘rin olgan guruhdan joy olmaydi, BAA/Avstraliya - Peru g‘olibi esa Osiyo va Janubiy Amerika termalari mavjud guruhga joylashtirilmaydi.
Taqvim
Jahon chempionati 2022 yilning 21 noyabridan 18 dekabriga qadar Qatar mamlakatida bo‘lib o‘tadi. Turnirning ochilish uchrashuvi Qatar va "A" guruhining 2-jamoasi o‘rtasida bo‘lib o‘tadi. Guruh bosqichidan har kuni 4tadan o‘yin o‘tkazilsa, nimchorak va chorak finalda har ikkitadan uchrashuv bo‘lib o‘tadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
