Жаҳон футболининг аксарият йирик намояндалари дабдабани хуш кўришади. Хусусан, турар-жой масаласида. Ҳаммаси даромадга яраша, албатта. Демак, қуйидаги мақола мавзуси - футбол вакилларига тегишли энг қимматбаҳо кошоналар.
Дэвид Бекхэм
Дэвид ва Викторияга тегишли Лондондаги қасрнамо уйнинг баҳоси - 50 миллион доллар. Гап нуфузли Холланд Паркда жойлашган кўчмас мулк ҳақида кетмоқда. Таниқли хонанда Робби Уильямс, Буюк Британиянинг собиқ бош вазири Дэвид Кэмерон ва бошқа кўплаб машҳур шахслар шу ҳудудда истиқомат қилишади. Бэкхэмлар оиласи яшайдиган уйда 8та ётоқхона, 7та ваннахона, тренажёр зали, спа-салон, 4та миникюр-салон, катта саҳна ва ҳаттоки, ички шаршара ҳам бор. Дэвид дунёнинг турли нуқталаридан умумий баҳоси чамаси 100 миллион долларга тенг кўчмас мулкларни сотиб олган, лекин энг ҳашаматли уйи айнан Лондонда.
Уэйн Руни
Уэйн Рунининг Чеширдаги улкан саройи 27 миллион долларга баҳоланган. Унинг таркибида футбол майдони, дам олиш ҳудуди, 2та сунъий кўл, бассейн ва уй кинотеатри мавжуд. «Шрек» бу кўчмас мулкни нолдан қурдирган, шунинг учун баҳоси анча баланд.
Самуэль Это'О
Камерун футболи афсонаси 25 миллион доллар турадиган виллага эга. Портофинодаги ушбу қаср вақтида 1922 йили фиръавнлар қабрини топган граф Карнарвонга тегишли бўлган.
Жон Терри
«Челси»нинг собиқ сардори Англиядан чамаси 60 миллион долларга кўчмас мулк сотиб олган. Унинг таркибидаги энг қимматбаҳо кошона Сурейданинг нархи - 21,5 миллион доллар. Саройда ҳаммаси мужассам - 7та ётоқхона, 6та ваннахона, бассейн, уй кинотеатри ва бошқалар...
Тьерри Анри
Нью-Йоркдаги улкан иншоот барча қулайликларга эга: бассейн, бар, кафе ва 12 метрли аквариум. Тьерри ушбу орзу-уй учун 15 миллион доллар тўлаган.
Дидье Дрогба
АПЛ тарихидаги африкалик энг яхши футболчилардан бири 2007 йили россиялик бизнесмен Юрий Шефлердан Оксшотт ҳудудидаги қасрни харид қилди. «Арзимас» 14,5 миллион долларга. Барча қулайликларни ўз ичига олган уй. Дарвоқе, британиялик рок-н-ролл афсонаси сэр Клифф Ричард Оксшоттда Дидьега қўшни.
Фрэнк Лэмпард
«Челси» афсонаси Лондондаги кошонага 12,9 миллион доллар сарфлаган. Кенг ва очиқ ётоқхона - уйнинг кўрки. Яна катта боғ, ялтироқ жиҳозларга тўла ошхона бор. Қисқаси, дабдабали ҳаёт учун нима керак бўлса, ҳаммаси муҳайё этилган.
Криштиану Роналду
«МЮ» юлдузи Португалия, Италия, Англия, АҚШ ва Испанияда кўчмас мулкка эга. Жумладан, футболчи Трамп минораси (Нью-Йорк) ичидаги кошона учун 18,5 миллион доллар тўлаган. Лекин кейинчалик унинг баҳоси икки баравар тушиб кетди. Ҳозир Криштиану ихтиёридаги энг қимматбаҳо кўчмас мулк - бу Мадейрада қад кўтарган 10 миллион долларлик қаср.
Лионель Месси
Аргентиналик юлдузнинг Барселонадаги уйи атиги 5 миллион долларга баҳоланган. Демак, Лео кўчмас мулкка пул сарфлашни унча хушламайди. У дабдабали автомобилларни кўпроқ қадрлайди. Дейлик, Лео футболчилар орасида энг қимматбаҳо «тойчоқ»қа эга - гап баҳоси 30 млн. долларга тенг Ferrari 335 S Spider Scaglietti ҳақида кетмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
