Jahon futbolining aksariyat yirik namoyandalari dabdabani xush ko‘rishadi. Xususan, turar-joy masalasida. Hammasi daromadga yarasha, albatta. Demak, quyidagi maqola mavzusi - futbol vakillariga tegishli eng qimmatbaho koshonalar.
Devid Bekxem
Devid va Viktoriyaga tegishli Londondagi qasrnamo uyning bahosi - 50 million dollar. Gap nufuzli Xolland Parkda joylashgan ko‘chmas mulk haqida ketmoqda. Taniqli xonanda Robbi Uilyams, Buyuk Britaniyaning sobiq bosh vaziri Devid Kemeron va boshqa ko‘plab mashhur shaxslar shu hududda istiqomat qilishadi. Bekxemlar oilasi yashaydigan uyda 8ta yotoqxona, 7ta vannaxona, trenajyor zali, spa-salon, 4ta minikyur-salon, katta sahna va hattoki, ichki sharshara ham bor. Devid dunyoning turli nuqtalaridan umumiy bahosi chamasi 100 million dollarga teng ko‘chmas mulklarni sotib olgan, lekin eng hashamatli uyi aynan Londonda.
Ueyn Runi
Ueyn Runining Cheshirdagi ulkan saroyi 27 million dollarga baholangan. Uning tarkibida futbol maydoni, dam olish hududi, 2ta sun’iy ko‘l, basseyn va uy kinoteatri mavjud. «Shrek» bu ko‘chmas mulkni noldan qurdirgan, shuning uchun bahosi ancha baland.
Samuel Eto'O
Kamerun futboli afsonasi 25 million dollar turadigan villaga ega. Portofinodagi ushbu qasr vaqtida 1922 yili fir’avnlar qabrini topgan graf Karnarvonga tegishli bo‘lgan.
Jon Terri
«Chelsi»ning sobiq sardori Angliyadan chamasi 60 million dollarga ko‘chmas mulk sotib olgan. Uning tarkibidagi eng qimmatbaho koshona Sureydaning narxi - 21,5 million dollar. Saroyda hammasi mujassam - 7ta yotoqxona, 6ta vannaxona, basseyn, uy kinoteatri va boshqalar...
Tyerri Anri
Nyu-Yorkdagi ulkan inshoot barcha qulayliklarga ega: basseyn, bar, kafe va 12 metrli akvarium. Tyerri ushbu orzu-uy uchun 15 million dollar to‘lagan.
Didye Drogba
APL tarixidagi afrikalik eng yaxshi futbolchilardan biri 2007 yili rossiyalik biznesmen Yuriy Sheflerdan Oksshott hududidagi qasrni xarid qildi. «Arzimas» 14,5 million dollarga. Barcha qulayliklarni o‘z ichiga olgan uy. Darvoqe, britaniyalik rok-n-roll afsonasi ser Kliff Richard Oksshottda Didyega qo‘shni.
Frenk Lempard
«Chelsi» afsonasi Londondagi koshonaga 12,9 million dollar sarflagan. Keng va ochiq yotoqxona - uyning ko‘rki. Yana katta bog‘, yaltiroq jihozlarga to‘la oshxona bor. Qisqasi, dabdabali hayot uchun nima kerak bo‘lsa, hammasi muhayyo etilgan.
Krishtianu Ronaldu
«MYU» yulduzi Portugaliya, Italiya, Angliya, AQSH va Ispaniyada ko‘chmas mulkka ega. Jumladan, futbolchi Tramp minorasi (Nyu-York) ichidagi koshona uchun 18,5 million dollar to‘lagan. Lekin keyinchalik uning bahosi ikki baravar tushib ketdi. Hozir Krishtianu ixtiyoridagi eng qimmatbaho ko‘chmas mulk - bu Madeyrada qad ko‘targan 10 million dollarlik qasr.
Lionel Messi
Argentinalik yulduzning Barselonadagi uyi atigi 5 million dollarga baholangan. Demak, Leo ko‘chmas mulkka pul sarflashni uncha xushlamaydi. U dabdabali avtomobillarni ko‘proq qadrlaydi. Deylik, Leo futbolchilar orasida eng qimmatbaho «toychoq»qa ega - gap bahosi 30 mln. dollarga teng Ferrari 335 S Spider Scaglietti haqida ketmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
