2024 йили Франциянинг Париж шаҳрида бўлиб ўтадиган XXXIII ёзги Олимпия ўйинларида барча спорт турлари бўйича лицензиялар тақсимоти эълон қилинди.
Халқаро олимпия қўмитаси расмий сайтининг хабар беришича, спортнинг айрим турлари бўйича иштирокчилар сони Токио олимпиадасига нисбатан камайган. Сув спорти турлари, енгил атлетика, бокс, каноэда эшкак эшиш, велоспорт, гимнастика, дзюдо, эшкак эшиш, елканли спорт, ўқ отиш, оғир атлетика шулар жумласидан.
Скейтборд, қояни забт этиш ва сёрфинг спорт турларида эса лицензиялар сони оширилди. Бошқа спорт турларида ўзгаришлар содир бўлмади.
Шунингдек, Олимпиада ўйинлари тарихида биринчи марта Париж ўйинларида гендер тенглик таъминланади. 32та спорт турининг ҳар бирида тенг миқдордаги эркак ва аёл спортчилар қатнашиши кўзда тутилган ва иштирокчилар сони ҳам шунга мувофиқ тақсимланган.
Халқаро олимпия қўмитаси томонидан 2024 йили Парижда ўтадиган ёзги Олимпия ўйинлари учун йўлланмалар сони спорт турлари бўйича қуйидаги тартибда тақсимланди:
Сув спорти турлари – 1 370 (Токио-2020да 1 410 нафар),
Камондан отиш – 128 (128),
Енгил атлетика – 1 810 (1 900),
Бадминтон – 172 (172),
Баскетбол – 40 (40),
Бокс – 248 (286),
Каноэ – 318 (328),
Велоспорт – 514 (528),
От спорти – 200 (200),
Қиличбозлик – 212 (212),
Футбол – 32 (32),
Гольф – 120 (120),
Гимнастика – 318 (324),
Қўл тўпи – 24 (24),
Хоккей – 24 (24),
Дзюдо – 372 (386),
Замонавий бешкураш – 72 (72),
Эшкак эшиш – 502 (526),
Регби – 12 (12),
Елканли спорт – 330 (350),
Ўқ отиш – 340 (360),
Стол тенниси – 172 (172),
Таэквондо – 128 (128),
Теннис – 172 (172),
Триатлон – 110 (110),
Волейбол – 72 (72),
Оғир атлетика – 120 (196),
Спорт курашлари – 288 (288),
Брейк-данс – 32,
Скейтборд – 88 (80),
Қояни забт этиш – 68 (40),
Сёрфинг – 48 (40).
Кўриб турганингиздек, Париж-2024 ўйинларига янги йўналишлар қўшилиши натижасида сув спорти турлари, енгил атлетика, бокс, каноэ, велоспорт, гимнастика, дзюдо, эшкак эшиш, елканли спорт, ўқ отиш, оғир атлетика спорт турларида йўлланмалар сони сезиларли тарзда камайган.
Аввал хабар берганимиздек, оғир атлетика спортида эркаклар ва аёллар 5тадан вазнда Олимпия ўйинлари медаллари учун баҳс олиб боришади.
Унда эркаклар -61, -73, -89, -102, +102 кг, аёллар эса -49, -59, -71, -81 ҳамда +81 кг вазн тоифаларида ғолиблик учун супачага чиқишади.
Вазн тоифаларининг қисқариши ва номутаносиблиги бошқа давлатлар қатори мамлакатимиз олимпиячиларининг кўрсаткичларига, медаллар учун асосий даъвогарлик қиладиган спорт турларида кўзланган мақсадларнинг янада мураккаблик касб этишига олиб келмоқда. Бироқ шундай вазиятда ҳам Ўзбекистон оғир атлетика федерацияси ижроия қўмитаси аъзолари ҳамда мамлакатимиз терма жамоаси мураббийлар кенгаши томонидан Париж-2024 ўйинларига тайёргарликни самарали ташкил этиш бўйича режали ишлар олиб борилмоқда.
Умид қиламизки, юртимизнинг истеъдодли спортчилари Париж-2024 йўлланмаларини қўлга киритиш ҳамда режадаги мақсадларга эришишда ўз матонат ва иродаларини намойиш этади. Зотан, бу йўлда аниқ режа, тизимли тайёргарлик жараёнлари аллақачон бошлаб юборилган. Муҳими, омад спортчиларимизга ҳамроҳ бўлса бас.
Эслатиб ўтамиз, Париж-2024 ёзги Олимпия ўйинлари 2024 йилнинг 26 июль – 11 август кунлари ўтказилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
