Журналист Гильем Балаге Дортмунднинг «Боруссия» клуби ҳужумчиси Эрлинг Холанднинг Ла Лига эмас, балки Премьер-лигани танлашига таъсир қилган асосий сабаблардан бирини айтиб ўтди. Гап «Реал Мадрид»нинг асосий ҳужумчи ҳисобланган Карим Бензема ҳақида кетмоқда.
«Сўнгги бир неча ҳафта ичида кўп нарса юз берди ва бу Бензема билан боғлиқ. Ушбу ҳолат Холандни қарорини ўзгартиришга мажбур қилди: «Бензема бўлса, икки-уч йилдан кейин «Реал» футболчисига айлана оламан». «Сити» унга айнан шундай шартнома таклиф қилган, яъни норвегиялик футболчи биринчи мавсумдан «шаҳарликлар»нинг асосий ҳужумчисига айланди. Бу таклиф нафақат пул борасида, балки бошқа жиҳат билан ҳам футболчига маъқул келган: клуб раҳбарияти Холандни истаган пайтида бошқа клубга қўйиб юориши мумкинлигини айтган.
Агар «Реал»да Бензема бўлмаганида, Холанд «қаймоқранглилар» сафига кўчиб ўтган бўларди. Футболчига Мадрид ва Каталония клубларидан таклиф бор», - дея испаниялик журналистнинг сўзларини келтиради ВВС нашри.
Матнда хатолик топсангиз, ўша хатони белгилаб, бизга жўнатинг (Ctrl + Enter).