«Челси»нинг энг фойдали ўйинчиларидан бири бўлган Антонио Рюдигернинг шартномаси мавсум охирида якунига етади ва ушбу ҳафтада унинг «Челси»ни тарк этиши ҳақида хабарлар пайдо бўлди. Бу «кўклар» раҳбарияти билан боғлиқ. Чунки улар кейинги мавсумдан ички чемпионатда ғолибликни қўлга киритишга интилишмоқда.
Фрэнк Лэмпард томонидан ишонч билдирилмаган ва унчалик ҳам эътибор марказида бўлмаган Рюдигер Томас Тухель бошқарувида асосий футболчига айланди, шу сабабли у 2021/22 йилги мавсумда «Челси»нинг бошқа ўйинчиларидан кўра кўпроқ ўйинда (47) майдонга тушди ва 4380 дақиқа вақтни ўтказди. «Челси» Рюдигерни «Стэмфорд Бриж»да сақлаб қолишни истайди, аммо томонлар ўртасидаги келгуси шартнома музокараларида келишувга эришилмади.
Тухель уч кишилик орқа чизиқни қўллаб-қувватлаган ҳолда, унинг кетиши «кўклар» учун катта зарба бўлади, чунки бу ёзда жамоа уч ҳимоячисини йўқотиши кутилмоқда, Андреас Кристенсен ва Сесар Аспиликуэта ҳам мавсум якунида катта эҳтимол клубларини ўзгартиради. Рюдигер «Челси» сафида 13 та «қуруқ» ўйин ўтказган ҳолда жамоаси ғалабасига муҳим ҳисса қўшди. У бу борада Премьер-лигадаги марказий ҳимоячилар орасида тўртинчи ўринни эгаллади - Виржил ван Дейк бу кўрсаткични 19 тага етказган. «Челси»нинг яна бир вакили Тиаго Силвада 9 та «клин шит» мавжуд.
Рюдигернинг муҳимлик жуҳати шундаки, «Челси» бу мавсум Премьер-лигада ўтказиб юборган жами 27 голнинг 18,5 фоизи у майдонга тушмаган кетма-кет уч ўйинда содир бўлди. «Кўклар» тўрт ёки уч кишилик ҳимояда ўйнашдан қатъи назар, «Челси» мухлислари ишонч ҳосил қилишлари мумкинки, 29 ёшли футболчи майдонга тушганда рақибни ўтказиб юбориш эҳтимоли анча паст бўлади. Демак, Рюдигер даражасидаги ҳимоячини текинга йўқотиш ғарбий Лондон жамоаси учун ҳалокатли бўлиши мумкин.
Ҳозирда Тухель ихтиёрида бўлган марказий ҳимоячиларнинг ҳеч бири (Силвадан бошқа) ҳимояга Рюдигер каби агрессив ёндашувни таклиф қилмайди. У «Челси»нинг барча ўйинчилари орасида дриблинглар сони бўйича (62) тўртинчи ўринни эгаллаб турибди. Бу муддатда у «Челси»нинг ҳимоядаги муваффақиятларига асосий сабаб ҳисобланади.
Бундан ташқари, 50 ва ундан ортиқ ҳаводаги тўп учун курашларда муваффақиятли қатнашиб, 147 ўйинчи орасида бешинчи ўринни эгаллайди. Тўп жарима майдонида ёки ҳавода бўлган пайтда ҳужумчилар Рюдигердан устун бўлишлари қийин. Уч нафар ҳимоячи шу ёзда ғарбий Лондонни тарк этиши кутилмоқда ва Силва ҳозир 37 ёшда, «Челси»нинг ҳимояси мустаҳкам бўлиши мумкин, аммо ҳозирги суръатда Тухелнинг асосий уч марказий ҳимоячиси сифатида бразилиялик футболчи, Трево Чалоба ва Маланг Сарр қолмоқда. кейинги мавсум олдидан вариантлар камроқ. Ҳеч қандай шубҳа йўқки, клуб мавсум оралиғида орқа чизиққа сармоя киритади, аммо Фикайо Томори ва Марк Гуалга даъвогар «Челси»га бу борада «Милан» ва «Кристал Пэлас» рақиблик қилади. Шу сабабли «аристократлар» ё ҳимоячилар масаласини ҳал қилади, ёки бўлмаса ушбу зонага жиддий ўринбосарлар топишига тўғри келади.
Ёзда «Стэмфорд Бриж»га ўтиш ниятида бўлган футболчилар ҳам борки, улар Рюдигернинг кетишини енгиллаштириши мумкин. Жюль Кунде, Маттиас де Лигт ва Адам Салай «кўклар»нинг устувор варианти ҳисобланади. «Челси» осонлик билан рақибларига кураш таклиф этади.
Аммо раҳбариятнинг Рюдигерни «Стэмфорд Бриж»да ушлаб туролмагани мухлисларга ёқмаслиги аниқ. У мухлислар учун муҳим футболчига айланди. Агар «Челси» Кунде ёки Де Лигтни қўлга кирита олса, ёки Рюдигернинг ўрнига бошқа эҳтимолий ўйинчини қўлга киритса ҳам, германиялик футболчининг лигадаги ва тизимдаги тажрибаси унинг бепул кетиши олдида шармандали ҳолатга айланади. Бу жамоага «Манчестер Сити» ва «Ливерпуль» билан рақобатга киришишда катта муаммолар туғдириши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
