Жон ван ден Бром: «Кейинги босқичга чиқиш учун «Пахтакор»ни мағлуб этишимиз шарт»
Саудия Арабистонининг "Ат-Таъвун" клуби бош мураббийи Жон ван ден Бром Осиё чемпионлар лигаси гуруҳ босқичи 6-тури доирасида бўлиб ўтадиган "Пахтакор"га қарши ўйин арафасида ўз фикрлар билан ўртоқлашди.
"Айни пайтда гуруҳдаги аҳволимиз яхши эмас. Шунинг учун 6-турда "Пахтакор"га қарши бўладиган ўйинда ғалаба қозонишимиз шарт.
"Дуҳайл"га қарши ўйиндан кейин футболчиларга хатоларини тушунтирдик. Буларни тўғрилаган ҳолда ғалаба қозонишимиз керак.
Биз "Пахтакор"га қарши ўйинга тайёрмиз. Ғалаба учун майдонга чиқамиз. Мухлислардан эса стадионга ташриф буюриб, бизни қўллаб-қувватлашларини сўрайман", — деди нидерландиялик мутахассис.
Эслатиб ўтамиз, "D" гуруҳида "Дуҳайл" 12 очко билан плей-офф йўлланмасини ҳал қилган бўлса, "Ат-Таъвун" ва "Сепаҳон" ҳисобида 7 очко мавжуд. "Пахтакор" эса 3 очко билан кейинги босқичга чиқиш имкониятидан маҳрум бўлган.
Киритилди: 10:02, 26.04.2022. Ўқилди: 2312 марта. Фикрлар: 19 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).