Икки спорт супер юлдузи футболга киришни хоҳлайди.
7 карра Формула-1 жаҳон чемпиони ва "Арсенал" мухлиси Люис Хемилтон ва "Катта дубулға"нинг 23 карра ғолиб теннисчиси Серена Уилямс "Челси" учун консорциум тендерининг бир қисми бўлишга тайёр. Бошқа спорт юлдузлари нима учун футбол клубига сармоя киритаётганини тушунишга уриниб кўрамиз.
Россиялик олигарх Роман Абрамович 2003 йилдан бери “Челси”га эгалик қилади. Бу вақт ичида лондонликлар клуб тарихидаги аксарият совринларни қўлга киритишди: бешта чемпионлик, бешта Англия кубоги, икки марта Чемпионлар лигаси ва бошқалар.
Шунга қарамай, Буюк Британия ҳукумати Абрамовичга қарши санкциялар киритди ва унинг активларини, жумладан, футбол клубини музлатиб қўйди. Россиялик тадбиркор аввалига клубни хайрия жамғармаси бошқарувига ўтказиш ниятида эканлигини маълум қилган ва кейинроқ “Челси”ни расман сотувга қўйган.
Тахминларга кўра, инглиз топ-клуби учун потенциал харидор 2,5 миллиард фунт стерлингдан кўпроқ пул тўлаши керак. Клуб янги эгасини Британия ҳукумати ва битимга етакчилик қилаётган Американинг Raine Group банки аниқлайди.
Хўш, нега Серена ва Хемилтонга бу клуб керак?
Тарихдаги энг яхши теннисчилардан бири ва "Арсенал"нинг асосий қўллаб-қувватловчисига келсак, "Челси"ни сотиб олиш уларнинг биринчи сармояси эмас. Уилямс Лос-Анжелесда жойлашган "FC Angel City" аёллар футбол клубига эгалик қилади ва унинг Серена Ventures венчур капитал фонди ўтган ҳафта Британиянинг Opensponsorship спорт технологиялари стартапига сармоя киритилишини эълон қилди.
Хемилтон аллақачон бир нечта лойиҳаларни қўллаб-қувватлаган, улар орасида энг машҳури Zapp озиқ-овқат етказиб бериш дастуридир. Иккала юлдуз ҳам “Челси”ни сотиб олиш учун тахминан 10 миллион фунт стерлинг сармоя киритмоқчи.
Серена матбуотга бу ҳақида ҳали изоҳ бермади, бироқ Хемилтон учун инглиз журналистларини безовта қиладиган саволлардан қочиш қийинроқ эди. Эътиборга молик жиҳати у “Арсенал”га болалигидан бери мухлислик қилади. Лекин пул ҳақида гап кетганида, мухлислик ҳам бир четга чиқиб қолади, шекилли.
“Беш-олти ёшимда “Арсенал”га мухлислик қила бошладим. Менинг амаким эса “Челси”нинг ашаддий мухлиси ва биз тез-тез "Арсенал" ва "Челси" ўйинларига борардик. Умуман олганда, мен спорт ишқибозиман. Футбол дунёдаги энг муҳим спорт тури ва "Челси" катта ва муваффақиятли клублардан бири. Бундай имконият борлигини эшитиб, ўйладим. Вой, бу шунчаки ажойиб имконият!", деди Хемилтон Sky Sports нашрига берган интервьюсида.
Тахмин қилиш керакки, Серенанинг фикри шундай. 10 миллион фунт унчалик катта миқдор эмас. Бу, масалан, клуб тўлаши керак бўлган уч миллиард фунтнинг атиги 0,33 фоизини ташкил этади. Серена ва Хемилтон миноритар акциядорлар бўлишади.
Лекин, биринчи навбатда бу имидж устида ишлаш бўлиши ҳам мумкин. Иккала спорт юлдузи ҳам турли хайрия ва гуманитар лойиҳаларни фаол равишда илгари сурмоқда ва бунинг учун "Челси" яна бир яхши платформа бўлиши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
