Бугун Ўзбекистон кубоги 1/8 финал босқичига қуръа ташланади
Бугун Ўзбекистон кубогининг нимчорак финал босқичига қуръа ташлаш маросими бўлиб ўтади.
Ўзбекистон Профессионал футбол лигаси 1/8 финал босқичи учрашувларини 11-14 август саналарига режалаштирган. 23-24 август кунларида чорак финал, 15-16-октябрда эса ярим финал учрашувлари бўлиб ўтади. Бухоро шаҳридаги финал учрашуви 29-октябрга режа қилинган.
1/8 финал босқичига қуръа ташлаш маросими “Спорт” телеканалда жонли трансляция қилинади. Тадбир 28 апрель — пайшанба куни соат 18:00 да “Бизнинг футбол” дастури доирасида эфирга узатилади.
Маълумот учун, 1/8 финал қуръаси олдидан жамоалар 2 та саватга ажратиб олинади ва бир саватдаги рақиблар ўзаро рақиб бўлмайди. 1-саватдан ўтган йилги чемпион ҳамда кубок соҳиби, шунингдек, гуруҳ босқичи пешқадамлари жой олган. Беллашувлар қайси жамоанинг майдонида ўтиши масаласига қуръа ёрдамида аниқлик киритиб олинади.
Манба: pfl.uz
Киритилди: 11:16, 28.04.2022. Ўқилди: 1907 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).