Бугун 3 апрель, 2025 йил, пайшанба.

Турнир жадвали

Жамоа Ў О
1 Ливерпуль 30 73
2 Арсенал 30 61
3 Ноттингем Форест 30 57
4 Манчестер Сити 30 51
5 Ньюкасл 29 50
6 Челси 29 49
7 Астон Вилла 30 48
8 Брайтон 30 47
9 Фулхэм 30 45
10 Борнмут 30 44
11 Брентфорд 30 41
12 Кристал Пэлас 29 40
13 Ман. Юнайтед 30 37
14 Тоттенхэм 29 34
15 Эвертон 30 34
16 Вест Хэм 30 34
17 Вулверхэмптон 30 29
18 Ипсвич 30 20
19 Лестер 30 17
20 Саутгемптон 30 10

Ўтган ўйинлар. 30-тур

30-тур Вулверхэмптон 1-0 Вест Хэм
30-тур Арсенал 2-1 Фулхэм
30-тур Ноттингем Форест 1-0 Ман. Юнайтед
30-тур Брайтон 0-3 Астон Вилла
30-тур Саутгемптон 1-1 Кристал Пэлас
30-тур Манчестер Сити 2-0 Лестер
30-тур Ньюкасл 2-1 Брентфорд
30-тур Борнмут 1-2 Ипсвич
30-тур Ливерпуль 1-0 Эвертон

Навбатдаги ўйинлар. 29-тур

16/04 23:30 Ньюкасл - Кристал Пэлас

Сўровнома

  • Ўзбекистоннинг қаеридансиз?

  • Натижалар | Жами овоз: 20170 та.
  • Сўровномалар архиви

ТВ дастурлар

Блогдаги ўзгаришлар

Теглар булути

Хабарлар архиви

"Бунёдкор" ФК президенти жамоа академиясига эътибор қаратмоқда

Баҳо:
+ | -
ЎЗБЕК ФУТБОЛИ / ПФЛ клублари / Бунёдкор
Рукн: Янгиликлар
A A A

“Ўзбекнефтгаз” акциядорлик жамияти Бошқаруви раиси, “Бунёдкор” футбол клуби президенти Меҳриддин Раззоқович Абдуллаев клуб академиясида бугунги кунда ёш футболчилар учун мавжуд шарт-шароитлар билан танишиш мақсадида, 29 апрель куни жамоа қароргоҳига ташриф буюрди. Куннинг иккинчи қисмига тўғри келган ушбу тадбир икки қисмдан иборат бўлди.

Клуб президенти, даставвал, Суперлиганинг 6-туридаги “Олимпик” билан учрашувга тайёргарлик кўраётган асосий жамоа аъзолари билан учрашди.

- Биринчи навбатда, барчангизни ва умуман бутун халқимизни кириб келаётган Рамазон ҳайити билан муборакбод этаман! Барчангизга соғлик, оилангизга тинчлик-тотувлик тилайман!

Мана, мавсумнинг дастлабки икки ойи ортда қолди. Жамоамиз ёш бўлишига қарамасдан, Суперлигада муносиб қатнашиб келмоқда. Академиямиздан етишиб чиқишган бир қанча ёш футболчилар ижросидаги дадил ўйинлар кўпчиликка манзур бўлмоқда. Асосийси, жамоада жипслик бор. Бу мени хурсанд қилмоқда. Бироқ натижалар янада яхши кўриниш олиши учун, биз футболчи-мураббийларимизга бундан-да кенгроқ ва қулай шароитлар яратиб беришимиз даркор. Ўйлайманки, жамоада ҳозирда муаммолар йўқ. Агар бўлса, бемалол муҳокама қилишимиз мумкин. Мен сизлар билан шунчаки кўришгани келганим йўқ. Мабодо ишга тўсқинлик қилаётган баъзи муаммолар бўлса, уларни бартараф этиш ечимларини кўриб чиқамиз, - деди асосий жамоа билан учрашув вақтида Меҳриддин Абдуллаев.

Шундан сўнг бош мураббий Шуҳрат Мақсудов ва жамоа сардори Давронжон Эргашев сўз олишди ҳамда клуб раҳбарияти томонидан уларга барча шароитлар ўз вақтида муҳайё этиб берилаётганини, клубда ҳеч қандай муаммо йўқлигини таъкидлашди.

Клуб бош директори Улуғбек Мирзаевга мавжуд шароитларни яна бир бор кўздан кечириб чиқиб, уларни янада яхшилаш бўйича вазифа берилди.

- Меҳриддин Раззоқович, аввало, бизни ҳар вақт яқиндан қўллаб-қувватлаб турганингиз учун Сизга катта раҳмат айтамиз. Албатта, иш унумимизни янада оширамиз. Олдимизда турган барча масалаларни ижобий ҳал қилиб, юклатилган вазифа ва талаб этиладиган натижаларга эришиш учун жамоамиз борки имкониятларни ишга солади, - дея, ўз фикрларини ифода этди Мирзаев.

- Клубнинг энг катта раҳбари биз билан олдинлари бу даражада кўришмасди. Меҳриддин Раззоқович, ҳозирда Сиз бизнинг аҳволимиздан, жамоа билан юзма-юз учрашиб, бевосита суҳбатлашиб, мунтазам тарзда хабар олиб турибсиз. Бу ҳол бизга янада қўшимча куч бермоқда, футболчиларнинг ғайрат-шижоатини янада оширмоқда. Бу учун биз ҳаммамиз Сиздан жудаям миннатдормиз, - деб, қўшимча қилди асосий дарвозабон Суҳроб Султонов.

Клуб президенти ташрифининг иккинчи қисми “Бунёдкор” академиясидаги шароитларни ўрганишга қаратилди. Меҳриддин Абдуллаев ёш чарм тўп иқтидорлари учун академияда мавжуд барча имкониятлар билан танишди. Ҳар бир объект – ётоқхона, ўқув хоналари, спорт ва тренажёр заллари, ошхона, тиббий марказ, бассейн ва бошқа иншоотларни кўздан кечирди. Ётоқхонада истиқомат қилаётган ёш ўйинчиларимиз билан бевосита суҳбатда бўлди. Ёрқин келажакка интилиб, улар тинимсиз меҳнат қилишлари зарурлигини айтди. Бу борада ўсмирларимизга ўзининг эзгу тилакларини билдирди.

Тез кунларда мавжуд шароитларни янада яхшилаш, аниқ амалий ишлар орқали спортчиларнинг бемалол ва эмин-эркин машғулот ўтказишлари, таълим олишлари, истиқомат қилишлари учун бўлган ҳамда бошқа маиший шарт-шароитларни ҳозиргидан-да юқори савияга кўтариш зарурлиги бўйича клуб раҳбариятига қатор топшириқлар берди.

- Биз энг катта урғуни доимо ёшларни тарбиялашга беришимиз лозим. Бу, биринчи галда, бутун мамлакатимиз, ҳукуматимиз сиёсати. Давлатимиз раҳбари бугунги кунда энг катта эътиборни ёшлар таълим-тарбиясига қаратмоқда. Ёшлар бизнинг эртанги кунимиз. Шу боис ҳамиша академия ҳақида қайғуришимиз керак. Агар иш яхши ҳамда замонавий талаблар даражасида олиб борилса, “Бунёдкор” академияси тарбияланувчиларини яқин орада Европа майдонларида кўришимиз ҳеч гап эмас. Ушбу тамойилни ҳар доим устувор ҳисоблашимиз лозим. Ва бу тўғри йўл, ишонч билан айтаманки, келгусида албатта ўз мевасини беради, - деди ташриф сўнггида “Бунёдкор” ФК президенти Меҳриддин Абдуллаев.

Манба: "Бунёдкор" клуби матбуот хизмати
Киритилди: 11:23, 30.04.2022. Ўқилди: 1442 марта. Фикрлар: 0 та.

Матнда хатолик топсангиз, ўша хатони белгилаб, бизга жўнатинг (Ctrl + Enter).


Бўлимга тегишли қизиқарли хабарлар

Биласизми, Златан Иброҳимович 47-ўлчамдаги оёқ кийим кияди.

Тўпурарлар жадвали

Футболчи Гол
1 Ливерпуль Муҳаммад Салоҳ 27
2 Манчестер Сити Эрлинг Холанд 21
3 Ньюкасл Александер Исак 20
4 Ноттингем Форест Крис Вуд 18
5 Брентфорд Бриан Мбемо 16
6 Брентфорд Йоан Висса 14
7 Челси Коул Палмер 14
8 Вулверхэмптон Матеус Кунья 13
9 Астон Вилла Олли Уоткинс 13
10 Кристал Пэлас Жан-Филипп Матета 12

Сўнгги хабарлар

Бошқа хабарлар →

Конференция

Қаҳрамон Асланов

Онлайн савол-жавоб


Шуҳрат Шокиржонов

Фақат футбол ҳақида


Шерзод Ражабов

Кучли Бешлик


Ҳасанали Қодиров

Онлайн савол-жавоб


барча конференциялар »
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.