Апрелни якунлаб, май ойига ҳам кириб келдик. “Андижон” жамоамизнинг ўтган ойдаги статистик рақамлари қандай бўлди? Қуйида шу хусусида сўз юритамиз.
“Бургутлар” ҳаммаси бўлиб тўртта расмий ўйинда майдонга тушишди. Иккитаси про лига ва яна иккитаси Ўзбекистон Кубоги доирасига тўғри келди. Унда қуйидаги натижалар қайд этилди:
“Ғиждувон” – “Андижон” – 1:1
“Янгиер” – “Андижон” – 1:3
“Андижон” – “Сўғдиёна” – 1:1
“Турон” – “Андижон” – 1:2.
Шунингдек, “Арал Самали”га қарши Кубок баҳсидаги ўйинга жамоа молиявий муаммо туфайли бора олмагани учун техник мағлубият ёзилди. Бироқ унгача андижонликлар бир ғалаба ва бир дуранг қайд этгани туфайли гуруҳда 2-ўрин билан 1/8 финалга йўл олди, қуръа натижасига кўра, “Андижон” кейинги босқичда “Турон”ни қабул қилади.
4 та ўйинда футболчилар рақиб дарвозасига 7 та гол уришди ва ўз дарвозасидан 4 та тўп ўтказишди. Шаҳбоз Эркинов апрель ойида 2 та гол урди ва ҳар иккисини пенальти орқали амалга оширди. Шунингдек, Фарҳод Соҳибжонов, Шерзод Эсонов, Муҳаммадкарим Тоиров, Богдан Милич ва Илдар Маматказин ҳам ўз ҳисобларига биттадан гол ёзиб қўйишди.
Умуман олганда, голларнинг 4 таси биринчи бўлимда киритилган бўлса, қолган 3 таси иккинчи бўлимга тўғри келди.
Апрель ойида "Андижон" дарвозаси томон битта пенальти белгиланди. Ўз навбатида жамоа икки бор шу ишни бажарди. “Сўғдиёга”га қарши беллашувда Шохруз Норхоновнинг 11 метрлик нуқтадан йўллаган зарбасини Хуршид Ходжаев бартараф этди. Шаҳбоз Эркинов эса “Янгиер” ва “Турон” дарвозаларига айнан пенальтидан гол урди.
4 та ўйинда жами 9 нафар футболчи сариқ карточка билан “сийланди”. Шу билан бирга клуб 1 та қизил карточкага ҳам “эга бўлди”. Куни кеча “Турон”га қарши баҳсда ярим ҳимоячи Муҳаммадкарим Тоиров иккинчи сариқ карточка туфайли майдондан четлатилди. Аҳмаджон Анваров, Горон Милочко, Владимир Бубанья (2 марта), Маликшоҳ Расулов, Илҳом Алижонов (2 марта), Шаҳбоз Эркинов ва Муҳаммадкарим Тоиров сариқ карточкалар билан жазоланди.
“Бобур Арена”да томошабинлар ташрифи ҳам аста-секин кўтариляпти. Масалан, “Сўғдиёна” билан ўйинни 2952 нафар мухлис стадиондан кузатди ва бу рақам ҳозиргача энг юқори кўрсаткич бўлиб турибди. Сафарда “Турон” майдонидаги баҳсда эса жамоамизни 500 дан зиёд ишқибозлар бевосита стадионда қўллаб-қувватлашди.
“Андижон” матбуот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
