Испаниянинг амалдаги чемпиони бўлган "Реал Мадрид" келаётган ёзда таркиб жиҳатдан янада кучга тўлади. Йил давомида "қироллик клуби" бир қанча футболчилар билан боғлангани айтиб келинаётган эди. Тез орада Карло ота ихтиёрига етарли маблағ ҳамда танлов имкони берилади. Ла-лига гиганти ёздаги бўлажак харидлар давомида бир нечта жиддий трансферларни режа қилган. Учта ном борки, "Реал"нинг бугунги қиёфасини ва кўп эҳтимол, ўйин даражасини ҳам ўзгартиради. Қуйида шу ҳақида қисқача сўз боради.
Килиан Мбаппе узоқ вақтлик кутишдан кейин, ваниҳоят бу ёзда Испанияга йўл олиш имконини қўлга киритади. 23 ёшли ҳужумчи "ПСЖ"да сўнгги мавсумини ўтказмоқда ва ёзда эркин агент сифатида Парижни тарк этади. Франция терма жамоаси аъзосининг борар жойи тайин ва у битта – "Реал".
Анчелотти жамоаси кеча тунда "Манчестер Сити" устидан драматик тарзда ғалабага эришиб, ЕЧЛ финалига йўл олди. Энди улар 28 май куни "Ливерпулл" тўсиғидан ўтишига тўғри келади. Мбаппе эса янаги мавсумда мана шундай фантастик жамоанинг ҳужум чизиғига жойлашиши мумкин. Бу ҳодиса мухлисларни кўп ҳам куттирмайди.
"Реал Мадрид" ярим ҳимояни ҳам бироз ўзгартиради.
Поль Погба мавсум якунида "МЮ"дан кетади. Хабарларга кўра, футболчи ўз келажагини аниқ белгилаб олганича йўқ, аммо "Реал" унинг имзоси ортидан қуваётган клублардан биридир. Ҳа, айни дамда "Реал"нинг майдон маркази Тони Кроос ҳамда Лука Модрич орқали яхши ихоталанган. Аммо чап қанотга Погба каби катта ном олиб келинса, ёмон бўлмайди, албатта. Ҳали орада вақт бор. Тез кунларда Погбанинг кейинги манзилига ойдинлик киритилади (деган умиддамиз).
Ҳимоя учун "янги қон" сифатида Антонио Рюдигер танлаб олинди. Унинг иши, юқоридаги икки футболчидан фарқли равишда деярли келишилган. Буни "Челси" устози Томас Тухель ҳам аллақачонлар айтиб ўтганди. Яъни Рюдигер ёзда Лондондан кетади. 29 ёшли футболчи катта эҳтимол билан "Манчестер Юнайтед"га қарши жамоадаги сўнгги учрашувини ўтказди. Рюдигер "Реал" билан 4 йиллик шартнома борасида келишиб олган. Бу вақт давомида Германия терма жамоаси аъзоси жами 60 миллион фунтга яқин маош олиши белгилаб қўйилди. У марказий ҳимояда Давид Алаба билан жуфтлашади. Ён қанотларда эса уларга Ферлан Менди ҳамда Дани Карвахал ёрдам бериши тахмин қилинган. Бунинг натижасида Карло Анчелоттининг бугунги таркиби анча кўзга кўринарли бўлган ўзгаришларга юз тутади. Энг асосийси, юқорида номлари қайд этилган юлдуз футболчилар "қироллик клуби" учун мутлақо текинга тушади. Аммо уларнинг маошини тўлаш осон кечмаслиги аниқ...
Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
