Ispaniyaning amaldagi chempioni bo‘lgan "Real Madrid" kelayotgan yozda tarkib jihatdan yanada kuchga to‘ladi. Yil davomida "qirollik klubi" bir qancha futbolchilar bilan bog‘langani aytib kelinayotgan edi. Tez orada Karlo ota ixtiyoriga yetarli mablag‘ hamda tanlov imkoni beriladi. La-liga giganti yozdagi bo‘lajak xaridlar davomida bir nechta jiddiy transferlarni reja qilgan. Uchta nom borki, "Real"ning bugungi qiyofasini va ko‘p ehtimol, o‘yin darajasini ham o‘zgartiradi. Quyida shu haqida qisqacha so‘z boradi.
Kilian Mbappe uzoq vaqtlik kutishdan keyin, vanihoyat bu yozda Ispaniyaga yo‘l olish imkonini qo‘lga kiritadi. 23 yoshli hujumchi "PSJ"da so‘nggi mavsumini o‘tkazmoqda va yozda erkin agent sifatida Parijni tark etadi. Fransiya terma jamoasi a’zosining borar joyi tayin va u bitta – "Real".
Anchelotti jamoasi kecha tunda "Manchester Siti" ustidan dramatik tarzda g‘alabaga erishib, YECHL finaliga yo‘l oldi. Endi ular 28 may kuni "Liverpull" to‘sig‘idan o‘tishiga to‘g‘ri keladi. Mbappe esa yanagi mavsumda mana shunday fantastik jamoaning hujum chizig‘iga joylashishi mumkin. Bu hodisa muxlislarni ko‘p ham kuttirmaydi.
"Real Madrid" yarim himoyani ham biroz o‘zgartiradi.
Pol Pogba mavsum yakunida "MYU"dan ketadi. Xabarlarga ko‘ra, futbolchi o‘z kelajagini aniq belgilab olganicha yo‘q, ammo "Real" uning imzosi ortidan quvayotgan klublardan biridir. Ha, ayni damda "Real"ning maydon markazi Toni Kroos hamda Luka Modrich orqali yaxshi ixotalangan. Ammo chap qanotga Pogba kabi katta nom olib kelinsa, yomon bo‘lmaydi, albatta. Hali orada vaqt bor. Tez kunlarda Pogbaning keyingi manziliga oydinlik kiritiladi (degan umiddamiz).
Himoya uchun "yangi qon" sifatida Antonio Ryudiger tanlab olindi. Uning ishi, yuqoridagi ikki futbolchidan farqli ravishda deyarli kelishilgan. Buni "Chelsi" ustozi Tomas Tuxel ham allaqachonlar aytib o‘tgandi. Ya’ni Ryudiger yozda Londondan ketadi. 29 yoshli futbolchi katta ehtimol bilan "Manchester Yunayted"ga qarshi jamoadagi so‘nggi uchrashuvini o‘tkazdi. Ryudiger "Real" bilan 4 yillik shartnoma borasida kelishib olgan. Bu vaqt davomida Germaniya terma jamoasi a’zosi jami 60 million funtga yaqin maosh olishi belgilab qo‘yildi. U markaziy himoyada David Alaba bilan juftlashadi. Yon qanotlarda esa ularga Ferlan Mendi hamda Dani Karvaxal yordam berishi taxmin qilingan. Buning natijasida Karlo Anchelottining bugungi tarkibi ancha ko‘zga ko‘rinarli bo‘lgan o‘zgarishlarga yuz tutadi. Eng asosiysi, yuqorida nomlari qayd etilgan yulduz futbolchilar "qirollik klubi" uchun mutlaqo tekinga tushadi. Ammo ularning maoshini to‘lash oson kechmasligi aniq...
Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
