Юрген Клопп бу мавсумда ўзининг максимал имкониятини ишга солган ҳолда катта натижаларга эришиш учун энг асосий даъвогар бўлиб турибди. «Ливерпуль» инглиз футболи тарихида биринчи бор бир мавсумда тўртта совринни қўлга киритиш учун асосий даъвогарга айланди. «МЮ» ҳозирга қадар 1999 йилдаги требли билан бу борада етакчилик қилаётган эди. Қуйида, тарихда «Quadruple»га энг яқин келган инглиз клубларини санаб ўтамиз.
«Манчестер Сити» – 2018-2019 йилги мавсум
2019 йилнинг апрелида «шаҳарликлар» ҳам худди ҳозирги «Ливерпуль» каби ҳар бир соврин учун фронтларда кураш олиб бораётган эди. Бироқ, Гвардиоланинг умидлари шу ерга келганда яксон қилинди. «Тоттенхэм» ЕЧЛ чорак финалининг биринчи даврасида 1-0 ҳисобида зафар қучади. Etihad ўйингоҳида кечган ўйиннинг дастлабки 21 дақиқасида 5 та гол урилади. Ҳа, ўша баҳс 4-3 ҳисобида «Манчестер Сити»нинг ғалабаси билан тугаган. Аммо меҳмондаги гол қоидаси асосида «шпорлар» ярим финалга йўл олади. Пеп шогирдлари Англия лига кубогида, Англия кубоги ҳамда лигада ғалабага эришган. Аммо ЕЧЛ жамоа учун армонга айланганди.
«Манчестер Юнайтед» – 2008-09 йилги мавсум
Манкунианликларнинг энг афсонавий таркиби 10 йил илгари АПЛ, Англия кубоги ва ЕЧЛни ютиб, қаҳрамонга айланганди. Аммо 2009 йилда Фергюсон жамоаси тўртта совринни қўлга киритиш имконига янада яқинроқ келади. Афсуски, бунга боғланган умидларнинг барчаси Англия кубоги финалида «Эвертон» томонидан барбод этилди. Ўйин 0-0 ҳисобида тугайди. Пенальтилар сериясида эса ливерпулликлар 4-2 ҳисобида зафар қучади. «Манчестер Юнайтед» ўша мавсумни АПЛда ва лига кубогида ғолиблик билан тугатган. ЕЧЛ забт этилишига ҳам бир баҳя қолган. Финалда «Барселона»га 2-0 ҳисобида имконият бой берилган, холос.
«Челси» – 2006-07 йилги мавсум
«Челси» ҳозирги «Ливерпуль»дан олдин «Quadruple» имкониятини май ойига қадар сақлаб қолган ягона жамоа эди. Аслида, ўшанда тўртта совринга эришиш умиди апрель ойи ўрталарида сўна бошлаган. Негаки, ярим финалнинг иккинчи давраси «Ливерпуль»га 1-0 ҳисобида бой берилади.
Жозе Моуриньо бошчилигидаги жамоа ўша мавсумнинг иккита ички кубогига эга чиқади. Аммо АПЛда «МЮ»га имкониятни бой бериб қўйганди. «Аристократлар» мавсум давомида жами 63 та баҳсда иштирок этган. Бу статистикага эса бу мавсумда «Ливерпуль» етиш учун жуда ҳам яқин турибди.
«Манчестер Сити» – 2020-21 йилги мавсум
Ўтган мавсумнинг 17 апрели «шаҳарликлар» тарихига қайғули сана бўлиб кирган. Негаки, айнан шу куни Гвардиола шогирдлари «Челси»га Англия кубоги ярим финалида имкониятни бой берган. Бу эса ўз навбатида тўртта совринни қўлга киритиш борасидаги умидларни сўндирган. «Шаҳарликлар» ўтган мавсумни иккита ‐ АПЛ ҳамда Англия лига кубоги соврини билан тугатган эди. ЕЧЛ финалигача борган манчестерликлар, яна «Челси» учун осон ўлжага айланади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
