Швейцария футболи клублар миқёсида кўп нарсаси билан мақтана олмайди. Аммо “Базель” еврокубоклардаги иштироки туфайли кўплаб мухлисларга яхши таниш. Жамоа мутахассис ва скаутларнинг ҳам севимли клубларидан ҳисобланади. Улар еврофутболга кўплаб номларни етиштириб чиқарган. Қуйида “Базель” орқали катта футболда ном қозонган 4 юлдуз билан танишиб олишингиз мумкин.
Муҳаммад САЛОҲ
Базелда: 2012-2014, 78 ўйин, 20 гол, 2 соврин
Базелга келган: “Мокавлун”дан (Миср), трансфер суммаси (transfermarkt.de маълумотларига кўра) - 2,5 миллион евро
"Базель"ни тарк этди: "Челси"га 16,5 миллион еврога
Салоҳ Қоҳиранинг Мокавлуни тарбияланувчиси бўлиб, унинг биринчи жамоасида 2010 йилда дебют қилган. 2012 йил февраль ойидаги даҳшатли воқеалар иқтидорли ҳужумчининг Швейцарияга кетишига сабаб бўлди: Порт Саиддаги стадионда маҳаллий "Ал-Масри" клуби ва Қоҳиранинг “Ал-Аҳли” жамоаси ўртасидаги ўйинда оммавий муштлашув келиб чиқди, натижада 73 кишининг ўлими. Шундан сўнг Миср футбол ассоcиаcияси мавсумнинг қолган қисмини бекор қилиш тўғрисида қарор қабул қилди.
“Базель” ушбу паузадан унумли фойдаланиб, март ойида “Фиръавнлар” ёшлар жамоасини ўртоқлик учрашувига таклиф қилди. 19 ёшли Салоҳ иккинчи бўлимда майдонга тушди ва дубл қайд этди (ўйин мезбонларнинг ғалабаси билан якунланди - 4:3). Шундан сўнг "Базель" Муҳаммадга клуб билан машғулот ўтказиш учун бир ҳафта таклиф қилди ва 2012 йилнинг 10 апрелида Салоҳ “қизил-кўк” билан тўрт йиллик шартнома имзолагани маълум бўлди.
Айнан "Базель" билан Муҳаммад еврокубокларда ҳам қатнашган - 2013 йилнинг март ойида швейцарияликлар Европа лигаси 1/8 финалининг жавоб ўйинида "Зенит"га қарши ўйнаган. Ўшанда Салоҳ "Зенит"га гол ура олмаганди. Аммо “Базель” кейинги босқичга йўл олган.
Кейинчалик Салоҳ ва унинг жамоаси - "Тоттенхем" билан чорак финалда ва "Челси" билан ярим финалда устун келади. Тахминларга кўра, Европа лигасининг ўша ўйинларида Роман Абрамовичнинг клуби мисрлик футболчига қизиқиб қолган ва 2014 йил январь ойида Салоҳ "кўклар" футболчисига айланди. “Базель”нинг ҳужумчини сотишдан олган фойдаси рекорд даражадаги 14 миллион еврони ташкил қилди.
Гранит ЖАКА
Базелда: 2002-2012, 61 ўйин, 2 гол, 3 соврин
Базелга келди: клуб тарбияланувчиси
"Базел"ни тарк этди: "Боруссия Мёнхенгладбах"га 8,5 миллион эвро
Жака оиласи Гранит туғилишидан икки йил олдин Косоводан Базелга кўчиб ўтган.
У Конкордия мактабида футбол ўйнашни бошлади, кейин шаҳарнинг асосий жамоасига ўтди, икки мавсумни Базель ёшлар жамоасида, 2010 йилдан эса асосий жамоада пайдо бўлди. Ярим ҳимоячи Мёнхенгладбахнинг "Боруссия"си билан беш йиллик шартнома имзолади, у икки мавсум "қизил-кўклар"да ўйнади ва Отмар Хитсфелднинг ўзидан "ёш Швайнштайгер" лақабини олди.
Эндиликда Жака Швейцария терма жамоаси сардори ва энг муҳим футболчиси ҳисобланади.
Иван РАКИТИЧ
Базелда: 2002-2007, 46 ўйин, 11 гол, 1 кубок
Базелга келди: клуб тарбияланувчиси
"Базел"ни тарк этган: "Шальке" 5 миллион евро
Ракитич Швейцарияда - 13,5 минг аҳолига эга Рейнфелден шаҳрида туғилган. Фуқаролар уруши пайтида унинг оиласи Хорватиядан қочиб келган. Кейин Ракитичи Мелин шаҳрига кўчиб ўтди ва у эрда Мелин-Рибург клубида Иван футбол ўйнай бошлади.
У 2002 йилда, 14 ёшида Базель мактабига кирган. Орадан уч йил ўтиб ярим ҳимоячи "қизил-кўклар"нинг асосий жамоасига жалб қилинди ва 17 ёшида, 2005 йил 29 августда у УЕФА кубоги доирасида Босниянинг "Широки Бриег" клубига қарши ўйинда дебют қилди.
Кейинги, 2006/07 йилги мавсумда 18 ёшли Ракитич "Базель"да нафақат асосий ўйинчи, балки жамоанинг иккинчи тўпурари бўлди - 33 ўйинда 11 гол. Иван ҳам Швейцария чемпионатининг энг яхши ёш ўйинчиси унвонига сазовор бўлди.
2007 йилнинг июнида Ракитич "Шальке" билан 4 йиллик шартнома имзолади. Орадан уч ой ўтиб, Швейцариянинг барча ёшдаги терма жамоаларида тўп сурган ярим ҳимоячи Хорватия терма жамоаси бош мураббийи Славен Биличнинг таклифини қабул қилиб, Хорватия миллий терма жамоасида дебютини ўтказди.
Жердан ШАҚИРИ
Базелда: 2001-2012, 130 та ўйин, 23 та гол, 5 та соврин
Базелга келди: клуб тарбияланувчиси
"Базел"ни тарк этди: "Бавария"га 11,8 миллион евро
Шақири Косовонинг Гнжилане шаҳрида туғилган, у ердан 1992 йилда ота-онаси бир ёшли Жердан ва унинг уч ака-ука ва опа-сингиллари билан Швейцарияга кўчиб келган.
У Аугуста шаҳрида футбол ўйнашни бошлади (Шақири оиласи Франция ва Германия чегараларидан унчалик узоқ бўлмаган Базель кантонидаги худди шу номдаги шаҳарчада жойлашди) ва саккиз ёшида уни Базель болалар жамоасига таклиф қилишди. 2009 йил 2 январда 17 ёшли ярим ҳимоячи клуб билан биринчи профессионал шартномасини имзолади ва ўша йилнинг 12 июлида у “Базель" жамоасида дебют қилди.
Шақирининг "Бавария" билан тўрт йиллик шартномаси 2012 йилнинг февралида имзоланади ва у ёздан Мюнхен суперклубида ўйнай бошлайди. Футболчининг 11,8 миллион еврога сотилиши ўша пайтдаги “Базель” учун рекорд бўлганди.
Миржалол Пардабоев тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
