Европа майдонларида сўнгги турлар давом этяпти, демак ўзига хос ажойиб сценарийларни кузатмоқдамиз.
Ўз майдонида “Гранада”ни қабул қилган “Райо” футболчилари ғалаба қозонишлари шарт эди. Жамоада 40 очко, “Гранада”да 42! Шунингдек, “Вильярреал”да 41, “Сарагоса”да эса 40.
Ўйинннинг сўнгги дақиқаси ўтиб бораётган пайтда, “Сарагоса” сафарда ғалаба қозонаётган, “Вильярреал” эса дуранг ўйнаётганди. Демак, мезбонлар нима қилиб бўлса ҳам ғалаба қозонишлари ва “Гранада”ни қувиб ўтишлари лозим эди.
Ўйиннинг 90+2 дақиқасида, бутун жамоа бўлиб олдинга ташланган “Райо” футболчилари ғалаба голини киритдилар. Мичунинг боши билан урган зарбаси тўсинга тегиб қайтди, керакли жойда ҳозир бўлган Тамудо эса, ғалаба голи муаллифига айланди.
Ана энди, “Гранада” лигани тарк этаётганди. Йўқ, нарёқда, Фалькаонинг гол ургани ва “Вильярреал” мағлубиятга учраётганди. Ўша ўйиннинг ҳам тугагани маълум бўлгач, энди, меҳмонлар ҳам байрамни бошлаб юборишди. Бутун майдонга жамоа мухлислари чиқиб кетишди.
Демак, ўз майдонида мағлубиятга учраган “сариқ сув ости кемаси” “Спортинг Хихон” ва “Расинг”га қўшилиб, “сувга ғарқ бўлди”. Қизиғи, ушбу жамоа ушбу мавсумда Европа Чемпионлар Лигасида қатнашганди.
РАЙО ВАЛЬЕКАНО – ГРАНАДА 1:0
Гол: Тамудо (90)
ВИЛЬЯРРЕАЛ – АТЛЕТИКО 0:1
Гол: Фалькао (89)
ХЕТАФЕ – САРАГОСА 0:2
Голлар: Апоньо (58), Поштига (90)
Матнда хатолик топсангиз, ўша хатони белгилаб, бизга жўнатинг (Ctrl + Enter).