Йил бошида Дембеленинг ва унинг агентининг талабларидан ҳайратда қолган Каталония клуби раҳбарияти Дембелени нафақат чуқур захирага қўйиш, балки шартномани бузиш ёки бошқа футболчига алмаштириб юборишга қарор қилгандек туюлди. Бироқ Хавининг президент Лапорта рози бўлмаган Усмонни майдонда ҳамон ҳаракатлантириш қарори вазиятни янада қулайроқ томонга йўналтирди.
“У мураббий ихтиёрида экан, ўйнасин - яхши ўйнасин. Дембеле борасидаги қарорни мантиқий деб аташим мумкин. Биз у билан янги шартнома бўйича музокаралар олиб боришга ҳаракат қилдик, шартномани узоқ йилларга узайтирмоқчи эдик. Бу яхши таклиф эди.
Ҳа, биз у энди ўйнамаслигини айтдик, аммо Хави бу масалага прагматик ёндашишимиз кераклигини айтди, чунки Дембеле июнгача қолади.
Ҳужумчи эса ҳақиқатан ҳам мураббий ишончини оқлади, йил бошидан буён ва шу кунгача у Мисолда 10 та самарали узатмани амалга оширди - бу Европа топ-5 лигаси футболчилари орасида энг кўпи” – дейди клуб президенти.
Маълумки, Дембеле жамоаси ва “Барселона” раҳбарияти ўртасидаги музокараларда асосий тўсиқ маош миқдори бўлиб турибди. Ўтган йилнинг охирига келиб Усмоннинг агенти клубга Усмонга йилига 43 миллион евро тўлашни талаб қилган, ҳозирги маош 12 миллион евро. Айтганча, Месси "ПСЖ"да 41 миллион евро, Роналду “МЮ”да 32 миллион еврога яқин маош олади. Катта молиявий муаммоларни бошдан кечираётган "Барселона"да бу каби маблағ етарли даражада эмаслигини аниқ кўрсатиб турибди, гарчи биз бундай сумма ҳақидаги миш-мишларга ишонмаслигимиз керак, бу фақат ОАВдан келган. Апрель ойида "Барселона" директори Матеу Алемани клуб Дембеле билан янги шартнома имзолашга рози бўлгани ҳақидаги миш-мишларга изоҳ берди.
“Ҳамма клубнинг молиявий аҳволидан хабардор ва ким “Барселона”да қолишни истаса, Дембелеми ёки шартномани узайтирмоқчи бўлган бошқа ўйинчилар бўладими, маош чегарасига рози бўлиши керак.”
Дембеленинг келажаги борасидаги қарори ҳақидаги маълумотлар турлича. Айрим манбалар франциялик футболчи муросага келган, маошга рози бўлгани ва қолишни исташини таъкидламоқда. Айримлар Усмон кетишга қарор қилгани ва топ-клублардан бири билан келишиб улгургани ҳақида хабар бермоқда.
Клуб раҳбарларининг унга бўлган муносабатига яққол таъсир қилган футболчининг муносиб ўйинлари фонида инсайдер Фабрицио Романонинг маълумотлари мантиқий кўринади. Унинг таъкидлашича, "блаугранас" раҳбарлари Усмоннинг агенти Мусса Сиссоко билан учрашган. Учрашувдан мақсад эса келишувга эришиш эмас, балки агент ва клуб ўртасидаги бузилган муносабатларни тиклаш эди. Ҳар икки томон, Романонинг ишонтиришича, учрашувни “бахтли” тарк этишди.
Хави, ўз навбатида, яна бир бор имкон қадар оптимистик интервью берган:
“Бунга ҳеч қандай шубҳам йўқ. Усмон гол уришда қийналса ҳам, у жуда кўп вазиятларни яратади ва голларда иштирок этади. Мен ундан жуда мамнунман.Клуб келаси мавсум ҳақидаги фикримни билади. Лекин жараёнда агент, клуб, футболчининг ўзи иштирок этади. Бу осон бўлмайди, лекин умид қиламанки, у шартномани узайтиради.”
“ПСЖ” фаворит
Бунинг ажабланарли жойи йўқ. Футболчининг катта талабларини қондириш парижликларнинг ташриф қоғозидир. Журналист Тони Хуанмарти апрель ойи охирида хабар беришича, “ПСЖ” футболчига йилига 17 миллион евро оладиган таклиф юборган. Шунингдек, шартнома имзолаш учун бонус ҳам мавжуд. Кўриниб турибдики, 43 миллион евро талаб қилинатгани бу нореал ҳодиса.
Май ойининг охирига келиб, инсайдернинг фикрига кўра, музокаралар якунланиши керак. Шу билан бирга, Хуанмарти "Барселона" билан шартномани қулай шартларда узайтириш Дембеленинг ўзи учун ҳам устувор эканлигини таъкидлади.
"Бавария" қизиқишни кучайтирмоқда
SKYSports Германиянинг алмаштириб бўлмайдиган чемпионларини Усмон трансферига даъвогар сифатида қайд этди. Манбага кўра, “Бавария” франциялик футболчини Дортмунднинг “Боруссия” жамоасида ўйнаган вақтидан бошлаб кузатиб келган.
Мюнхенликлар аллақачон футболчи вакиллари билан алоқа ўрнатган. "Бавария" Германияда Дембеле дунёнинг энг яхши футболчиларидан бирига айланиши мумкинлигига ишонмоқда. Нашр мақоласида айниқса қизиқ бўлган нарса "Бавария" футбол жамоатчилигини ўз таркибидаги ўйинчилар "Олтин тўп"ни қўлга киритиш имкониятига эга эканлигига ишонтирмоқчи эканлиги ва Дембеле билан шартномада тегишли бонус ёзилиши ҳақидаги маълумот.
Бундан ташқари, «Бавария» «Атлетико»дан Жоау Феликсни кузатмоқда. Шу билан бирга, клуб унинг трансфери жуда қимматга тушишини тушунади ва Дембелени эса текинга олиб келиши мумкин.
“Барселона” муроса топишга тайёр
Яқинда FootMercato хабарига кўра, Каталония клуби Усмонга янги шартнома таклиф қилган. Ушбу манбага кўра, раҳбарият агент ва футболчининг талабларини бажаришга тайёр.
Алемани Сиссоко билан учрашди ва янги таклиф энди "Барселона" таклиф қилган олдинги вариантлардан кўра Дембеленинг талабларига анча яқинроқ. Ҳозирча якуний келишув мавжуд эмас. Қайд этилишича, француз январдаги каби қарашларга амал қилган ҳолда, талабларни камайтириш ниятида эмас. Аввалроқ "Челси"га ўтишни рад этган Усмон, агар унга янги таклиф маъқул келса, клубда қолишдан хурсанд бўлишини айтган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
