Садио Мане ва Муҳаммад Салоҳ биргаликда яна бир ажойиб мавсумни ўтказмоқда. "Ливерпуль" аллақачон иккита совринни қўлга киритди ва яна иккита кубок учун кураш олиб бормоқда. Бироқ, иккала африкалик ҳам ёзда мерсисайдликлар сафини тарк этиши мумкин. Шу сабаб, бугун биз ушбу икки қора қитъа вакилларининг келажаги ҳақида бироз фикр юритишга қарор қилдик.
Садио Мане ҳам, Муҳаммад Салоҳ ҳам жуда зўр мавсум ўтказмоқда. Мисрлик ўзининг одатий даражасини сақлаб турган бўлса, сенегаллик олдинги мавсумлардан бироз яхшироқ кўрсаткичлар қайд этмоқда. Бунинг эвазига “Ливерпуль” аллақачон иккита соврин – Англия Лига кубоги ва Англия кубогини қўлга киритишга муваффақ бўлди. Шунингдек, мерсисайдликлар АПЛ ва Чемпионлар лигасида ғалаба қозонишга ҳаракат қилмоқда. Тўртта совринни қўлга киритиш ҳақиқатдан ҳам катта натижа. Аммо гап бу ҳақида эмас. Ажабланарлиси шундаки, иккала африкалик ҳам ёзда “қизиллар” сафини тарк этиши мумкин.
Маненинг ҳам, Салоҳнинг ҳам шартномаси бир йилдан сўнг якунига етади. Олдинроқ “Ливерпуль” улар билан янги битим имзоламоқчилиги, аммо бунинг амалга ошиши номаълум сабабларга кўра кечикаётгани ҳақида хабар берилганди. Бу ҳолат иккала футболчининг ҳам кетиши мумкинлиги борасида миш-мишларни келтириб чиқармоқда. Ёзги трансфер ойнаси пайтида инглиз клуби бу икки футболчини сотиб, яхшигина пул ишлаб олишлари мумкин.
Кўринишидан, кетиш истагининг асосий сабаби индивидуал соврин бўлиши мумкинлиги тахмин қилинмоқда. Футболчиларнинг иккаласи ҳам “Олтин тўп”ни қўлга киритишни исташади, аммо ҳозирча уларда бу совринни ўзиники қилиш имконияти жуда паст. Хабарларга кўра, ҳар икки футболчи ҳам Испания чемпионатига ўтишни исташмоқда, чунки сўнгги йилларда айнан "Реал" ва "Барселона" етакчилари “Олтин тўп”нинг асосий даъвогарлари бўлиб келмоқда.
Иккала африкалик ҳам ўз ўйинлари орқали “Ливерпуль”га соврин ютишда ёрдам бериши мумкин, бироқ уларнинг иккисида ҳам индивидуал мукофотларни қўлга киритиш имконияти деярли йўқ. Ҳатто бу мавсумда ҳам африкаликларнинг “ОТ”ни қўлга киритиши жуда паст баҳоланмлқжа. Жорий мавсум "Реал Мадрид" етакчиси Карим Бензема совринга асосий даъвогар ҳисобланади. Француз футболчисининг кўрсатаётган ўйинларига ортиқча изоҳ шарт эмас. "Ливерпуль"га келсак, Салоҳ-Мане ҳақиқатдан ҳам топ футболчилар, аммо икки жуфтлик биргаликда ажойиб ўйин кўрсатишини айтиб ўтиш керак. Биз на Маненинг, на Салоҳнинг ўйинлари алоҳида кўрсата олмаймиз. Улар биргаликда кучли ўйин намойиш этади.
Мане яқинда 30 ёшга тўлди, Салоҳ эса июн ойида 30 ёшини қарши олади. Иккаласининг ўйинида ҳам тезлик катта аҳамият касб этади, аммо бу ёш сабаб бир неча йиллардан кейин пасайиши аниқ. Очиғи, африкаликларнинг ҳам юқори савияда ўйнаш учун кўп вақт қолмади. Асосий муаммога тўхталамиз! Нега улар ҳамон клуб билан янги шартнома имзоламади? Маълумотларга кўра, Муҳаммад ва Садио “Ливерпуль” билан узоқ муддатли битим имзоламоқчи. Бироқ, бу “қизиллар”га унчалик маъқул келмаяпти. Сабаби мерсисайдликлар икки етакчиси билан узоқ муддатли шартнома имзолаб, таваккал қилишни истамаяпти.
Шу билан бирга, "Ливерпуль" яқинда иккита футболчи сотиб олди. Луис Диас ва Диого Жота қишда 25 ёшини қарши олди ва бу борада колумбиялик футболчида ҳам, португалиялик футболчида ҳам муаммо йўқ. Шу сабабдан, “Ливерпуль” ёзда африкалик етакчиларидан бирини сотиб юбориши эҳтимоли бор.
Яқинда мерсисайдликлар иккала африкалик билан ҳам хайрлашиб, уларнинг ўрнига Килиан Мбаппени харид қилиши мумкинлиги ҳақида хабарлар пайдо бўлди. Бу жуда зўр трансфер бўларди, лекин бунинг ҳеч қанақасига иложи йўқ.
Бошқа томондан, Салоҳ ва Манени сотиш ҳақидаги миш-мишлар қанчалик рост эканлиги катта савол. Иккаласи ҳам "Реал Мадрид" ва “Барселона”нинг “радари”га тушганлиги хабар қилинганди. Аммо ҳозир бу клубларда ўйинчиларга эҳтиёж қолмагандек туюлмоқда. Агар бирор сабабга кўра Мбаппе Мадрид клубига ўтмаса ҳам, африкаликларнинг француз футболчисига альтернатив бўлиши эҳтимоли кам. "Барселона" эса ҳозир пул сарфлашга унчалик тайёр эмасдек кўринмоқда. Агар, Килианнинг “Реал” сафига ўтиши амалга ошса, парижликлар унинг ўрнига бошқа футболчи қидириши. Бироқ, иккала африкалик ҳам француз клуби ўтса, “Олтин тўп”дан умидини узса ҳам бўлади.
Умуман олганда, “Ливерпуль” на Салоҳни, на Манени йўқотишдан қўрқишади. Сабаби, клуб бу вазиятни аввалдан тушуниб, унинг тараддудини кўриб қўйган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
