17 ёшгача бўлган футболчилар ўртасидаги Осиё чемпионатига 2023 йилда Баҳрайнда ўтказилади. Турнирнинг финал босқичи йўлланмаси учун саралаш баҳслари октябрь ойи бошида ўтказилади. Саралаш босқичига қуръа ташлаш маросими 24 май куни ОФК қароргоҳи жойлашган Куала Лумпур шаҳрида ўктазилади. ОФК қуръа олдидан жамоаларни саватларга ажратиб чиқди.
Ўзбекистон 3-саватчага жойлаштирилди. Боиси, ўсмирлар терма жамоамиз 2018 йилги Осиё чемпионатининг финал босқичига чиқа олмаганди. Жамоамиз Саудия Арабистонида ўтказилган саралаш босқичидан ўта олмаганди.
Дарвоқе, ушбу ёшдаги терма жамоалари ўртасида 2020 йилги мусобақа Баҳрайнда ўтказилиши керак эди. Аммо коронавирус пандемияси туфайли мусобақалар бекор қилинди.
Саралаш босқичи бу сафар Шарқ ва Ғарб минтақаларига ажратилмайди. Саралаш босқичида мезбонлик қиладиган 10та мамлакатнинг номи аниқ. Улар ўзаро бир саватчадан ўрин олишмайди. Хусусан, саралаш босқичи гуруҳларидан бирига Ўзбекистон мезбонлик қилади. Жамоамиз 3-саватчадаги рақиблардан ташқари, мезбон сифатида танлаб олинган бошқа жамоалар (Австралия, Тожикистон, Индонезия, Уммон, Вьетнам, Саудия Арабистони, Иордания, Бангладеш билан ҳам бир гуруҳга тушмайди.
10та гуруҳ ғолиби ва 2-ўринни эгаллаган жамоалар орасида 5та энг яхши натижага эга бўлган жамоа Баҳрайн майдонларида ўтадиган турнирга ташриф буюради. Осиё чемпионатида юқори 4та ўринни эгаллаган жамоалар 2023 йилнинг куз фаслида Перуда ўтказиладиган Жаҳон чемпионатида иштирок этиш ҳуқуқини қўлга киритади.
17 ёшгача бўлган футболчилар ўртасидаги Осиё чемпионатига саралаш босқичи қуръаси учун саватчалар:
1-саватча: Австралия (мезбон), Тожикистон (М), Индонезия (М), Уммон (М), Яман, Япония, Эрон, Жанубий Корея, Таиланд, Ҳиндистон
2-саватча: Вьетнам (М), Саудия Арабистони (М), Иордания (М), Бангладеш (М), Ироқ, Афғонистон, Малайзия, Бруней, Хитой, Гонконг.
3-саватча: Қирғизистон (М), Ўзбекистон (М), Сурия, Фаластин, Хитой Тайпейи, Мьянмар, Қатар, Непал, Шарқий Тимор, Сингапур.
4-саватча: Лаос Шри Ланка, Ливан, Филиппин, Мальдив, Мўғулистон, Шарқий Мариана, Гуам, Макао, Бутан
5-саватча: Туркманистон, Баҳрайн, Кувайт, БАА
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
