2021/22 йилги мавсум якунига етмоқда. Турли натижаларни, шу жумладан энг кўп гол урган футболчиларни сарҳисоб қилиш вақти келди. Аммо энди ҳужумчиларга эмас, балки ярим ҳимоячилар ҳақида гаплашамиз. Демак, энг сермаҳсул хавбеклар ҳақида батафсил тўхталишга қарор қилдик.
Букайо Сака ("Арсенал", 11 гол)
Сака ўтган мавсумни ажойиб ўтказди. Шу сабабли, у Арсенал"нинг энг яхши футболчиларидан бири унвонига сазовор бўлди. Жорий мавсумда ҳам 20 ёшли ярим ҳимоячи янада яхши ўйин кўрсатмоқда. Лондон клуби тарбияланувчиси шу кунгача АПЛда 37та ўйин ўтказиб, 11та гол ва 6та голли узатмани амалга оширди. Сака - "канонирлар"нинг жорий мавсумдаги энг яхши тўпурари. Эҳтимол, Букайо "тўпчилар"нинг бўлажак етакчисига ҳам айланар?!
Мейсон Маунт ("Челси", 11 гол)
Маунт ўтган мавсумдан бери "Челси"нинг энг яхши ўйинчиларидан бири бўлиб келмоқда. “Аристократлар” тарбияланувчиси жамоаси учун кўплаб ишларни амалга оширмоқда. 23 ёшли ярим ҳимоячи ушбу мавсумда АПЛда 31 та ўйин ўтказиб, 11 та гол ва 10 та голли узатмани амалга оширди. У Премьер-лигада энг яхши учта ассистентдан бири ҳисобланади ва “гол+пас” тизими бўйича кучли 10таликка киради. Гарчи ярим ҳимоячи бўлса-да, Маунт "Челси"нинг энг яхши тўпурари ҳисобланади. Барча муаммоларга қарамай, лондонликлар мавсумни яхши ўтказмоқда. Бунда эса Мейсоннинг хизматлари катта.
Карлос Солер (“Валенсия”, 11 гол)
Солер кетма-кет иккинчи мавсумда ҳам яхши ўйин намойиш этмоқда. Жорий мавсумда 25 ёшли ярим ҳимоячи Ла Лигада 31 та ўйин ўтказиб, 11 та гол ва 5 та голли узатмани амалга оширди. Бу марказий ярим ҳимоячи учун яхши кўрсаткич. Ўтган мавсумда ҳам худди шунча миқдорда гол урган эди. Миш-мишларга кўра, Карлос жамоасини тарк этиши мумкин. Бироқ “кўршапалаклар” кетма-кет 3 йил Европа мусобақаларида қатнаша олмаганига қарамай, шогирдини таркибда сақлаб қолиш ниятида.
Антонин Барак (“Верона”, 11 гол)
Ўтган мавсумда Барак "Верона"да ижара асосида ўйнади ва ажойиб ўйин намойиш қилди. Шу сабаб ёзда чехиялик “Удинезе”ни тарк этиб, “Верона”га тўлиқ трансфер қилинди. 27 ёшли ярим ҳимоячи ушбу мавсумда А Сериянинг 29 та ўйинида майдонга тушиб, 11 та гол ва 4 та голга ассистентлик қилди. Бу унинг фаолиятидаги энг яхши кўрсаткичдир. Жованни Симеоне билан биргаликда Барак “Верона”га Италия чемпионати турнир жадвали марказидан жой олишга ёрдам беради.
Димитри Пайет (“Марсель”, 12 гол)
"Марсель" Хорхе Сампаоли қўл остида яхши ўйин кўрсатмоқда. Жорий мавсумда “олимпиячилар” Конференциялар лигасининг ярим финалига қадар етиб борди ва Франция чемпионатида 3-ўринни қўлга киритди. Бунда Пайетнинг хизматлари катта. 35 ёшли ярим ҳимоячи ушбу мавсумда Лига 1да 31 ўйинда майдонга тушиб, 12 гол ва 11 голга ассистентлик қилди. Франциялик футболчи фақат 2010/11 йилги мавсумда ҳозиргидан кўпроқ гол урган эди (13 та гол). “Марсель” ярим ҳимоячиси Франция чемпионатида энг яхши бешта энг яхши ассистентларидан бири бўлиб, “гол+пас” тизими бўйича лигада 6-ўринни эгаллаб турибди. Пайет ёши катта бўлишига қарамай, кейинги мавсумда ҳам “Марсел”нинг етакчиларидан бўлишига шубҳа йўқ.
Марио Пашалич ("Аталанта", 13 гол)
Пашалич кўплаб клубларда ўйнаган, лекин у ҳақиқий иқтидорини "Аталанта"да намойиш этмоқда ва ҳозирда фаолиятидаги энг яхши мавсумлардан бирини ўтказмоқда. 27 ёшли ярим ҳимоячи жорий мавсумда 36 та ўйин ўтказиб, 13 та гол ва 6 та голли узатмани амалга оширди. Пашалич бергамоликларнинг энг яхши тўпурари бўлиб, Дуван Сапата (10 гол) ва Луис Муриэлни (9 гол) ортда қолдирди. Футболчининг ёрқин ўйинлари "Аталанта"нинг ёмон мавсуми соясида қолаётгани ачинарли. Бундай салоҳиятга эга жамоа еврокубокларсиз қолса уят бўлади.
Кевин Де Брюйне (“Манчестер Сити”, 15 гол)
Де Брюйне кўп йиллар кетма-кет "Манчестер Сити" ва бутун Премьер-лиганинг энг яхши ўйинчиларидан бири бўлиб келмоқда. Жорий мавсумда бельгиялик футболчи “шаҳарликлар”нинг энг яхши тўпурари унвонини ҳам қўлга киритди. 30 ёшли ярим ҳимоячи жорий мавсумда АПЛда 29 ўйинда майдонга тушиб, 15 гол ва 7 голга ассистентлик қилган. Бу футболчининг фаолиятидаги энг яхши кўрсаткичдир. Де Брюйне Премьер-лиганинг энг яхши тўпурарлари бешлигидан жой олган ва гол+пас тизими бўйича лигада 4-ўринни эгаллаб турибди. Албатта, Эрлинг Холанд “Манчестер Сити”га ўтганидан кейин бельгиялик футболчи яна голли узатмаларга эътибор қаратади.
Кристофер Нкунку (“РБ Лейпциг”, 20 гол)
Нкунку мавсумни жуда яхши ўтказди. Франциялик футболчи Доменико Тедеско билан биргаликда “Лейпциг”га Бундеслига турнир жадвалининг марказидан, Чемпионлар лигаси зонасигача чиқишга ёрдам берди. Кристофер — топ-5 лигадаги энг сермаҳсул ярим ҳимоячи. Германия чемпионатининг жорий мавсумида 24 ёшли ярим ҳимоячи 34 та ўйин ўтказиб, 20 та гол ва 13 та голга ассистентлик қилди. Узатмалари сони бўйича у Томас Мюллердан, “гол+пас” тизимида эса Роберт Левандовскидан ортда қолди. Нкунку Бундеслигада мавсумнинг энг яхши футболчиси деб топилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
